ຈາກເຫດການຄວາມຂັດແຍ່ງໃນພາກພື້ນຕາເວັນອອກກາງ ໄດ້ກໍ່ໃຫ້ເກີດຄວາມຜັນຜວນຕໍ່ຕະຫຼາດພະລັງງານ ແລະ ການຂົນສົ່ງທາງທະເລ ເຖິງແມ່ນລາວຈະບໍ່ມີການພົວພັນໂດຍກົງກັບພາກພື້ນຕາເວັນອອກກາງ ແຕ່ລາວມີການຄ້າຂາຍໃກ້ຊິດກັບປະເທດທີ່ມີການຊື້-ຂາຍຮ່ວມກັບປະເທດດັ່ງກ່າວ ເປັນຕົ້ນ ຣາຊະອານາຈັກໄທ ແລະ ສປ ຈີນ. ຕາມການເປີດເຜີຍບົດລາຍງານທາງເສດຖະກິດຂອງທະນາຄານພັດທະນາອາຊີ ຫຼື ເອດີບີ ໃນວັນທີ 10 ເມສາ 2026 ໃຫ້ຮູ້ວ່າ: ການຈໍລະຈອນທາງເຮືອ ຜ່ານຊ່ອງແຄບຮໍມຸດ ແມ່ນຫຼຸດລົງຢ່າງຮຸນແຮງ; ຈໍານວນເຮືອທີ່ຜ່ານຕໍ່ວັນ ຫຼຸດລົງເຫຼືອ 5...