ເສດຖະກິດ

ເປັນຂ່າວດີ ສຳລັບແຮງງານທຸກຄົນ ທີ່ເຮັດວຽກຫາລາຍໄດ້ເພື່ອລ້ຽງຊີບຕົນ ແລະ ຄອບຄົວໃນແຕ່ລະວັນ ເຊິ່ງປະຈຸບັນປະເທດເຮົາແມ່ນມີເງິນເດືອນຂັ້ນຕ່ຳທີ່ 1.100.000 ກີບ ຖືວ່າຢູ່ໃນລະດັບທີ່ຕ່ຳ ແຕ່ ໃນຕໍ່ໜ້ານີ້ ຈະມີການປັບປ່ຽນຄ່າແຮງງານຂັ້ນຕ່ຳຄືນໃໝ່ ເພື່ອໃຫ້ແທດເໝາະກັບສະພາບເສດຖະກິດໃນຕົວຈີງ ພ້ອມນີ້ຈະໄດ້ກຳນົດວັນ, ເວລາ ໃນການເຮັດວຽກຕື່ມອີກ. ສູນກາງສະຫະພັນກຳມະການລາວ ໄດ້ຈັດກອງປະຊຸມປຶກສາຫາລືຄ່າແຮງງານຂັ້ນຕ່ຳສຸດຊຸດໃຫມ່ຂຶ້ນ ໃນວັນທີ 4 ຕຸລາ 2021 ເປັນກຽດເຂົ້າຮ່ວມໂດຍທ່ານ ວິໄລ ວົງຂະເສີມ...

ທະນາຄານໂລກ ຊີ້ການຟື້ນຟູເສດຖະກິດຢູ່ພາກພື້ນອາຊີຕາເວັນອອກແລະປາຊີຟິກ ໄດ້ຖືກຈໍາກັດຈາກບັນຫາການແຜ່ລະບາດຂອງພະຍາດໂຄ ວິດ-19 ສາຍພັນເດວຕ້າ ເປັນຜົນເຮັດໃຫ້ ຄົວເຮືອນ ແລະ ວິສາຫະກິດ ຍັງຄົງສືບຕໍ່ຜະເຊີນສະພາບຄວາມຫຍຸ້ງຍາກ ເຊິ່ງໜ້າຈະເຮັດໃຫ້ການຂະຫຍາຍຕົວຂອງເສດຖະກິດຊ້າລົງ. ນອກນັ້ນທະຄານໂລກຍັງປັບຫຼຸດການຂະຫຍາຍຕົວຂອງເສດຖະກິດ ສປປລາວໃນປີ2021 ຈາກ4,0%ຂອງການຄາດໃນເດືອນເມສາ ມາເປັນ2,2%ຈາກການຄາດຄະເນຄັ້ງຫຼ້າສຸດ(ເດືອນກັນຍາ) ຈາກຜົນກະທົບຂອງບັນຫາການແຜ່ລະບາດຂອງພະຍາດໂຄ ວິດ-19 ຮອບໃໝ່.ແຕ່ປີ2022 ທະນາຄານໂລກຄາດວ່າເສດຖະກິດ ຈະຂະຫຍາຍຕົວ4,5% ເພີ່ມຂຶ້ນຈາກ4,0%ຂອງການຄາດຄະເນໃນເດືອນເມສາ. ອີງຕາມບົດລາຍງານເສດຖະກິດຫລ້າສຸຸດ ຂອງພາກພື້ນອາຊີຕາເວັນອອກແລະປາຊີຟິກ ໂດຍທະນາຄານໂລກ ເຫັນວ່າ: ກິດຈະກໍາເສດຖະກິດ...

ພາຍຫຼັງດຳເນີນການກໍ່ສ້າງມາແຕ່ປີ 2012 ເປັນຕົ້ນມາ, ບັນດາໂຄງການເຂື່ອນໄຟຟ້າທີ່ໄດ້ຮັບການພັດທະນາແບບຂັ້ນໄດ ຕາມສາຍນໍ້າອູ ກໍ່ໄດ້ສຳເລັດການກໍ່ສ້າງ ແລະ ເປີດການຜະລິດໄຟຟ້າຄົບທັງ 7 ແຫ່ງ ຢ່າງເປັນທາງການ. ພິທີເປີດສະຫຼອງດັ່ງກ່າວ ໄດ້ຈັດຂຶ້ນຢ່າງເປັນທາງການ ຜ່ານລະບົບອອນລາຍ ໃນວັນທີ 28 ກັນຍາ 2021 ນີ້ ໂດຍມີ ທ່ານ ປອ ດາວວົງ ພອນແກ້ວ ລັດຖະມົນຕີກະຊວງ...

ຊ່ວງໄລຍະນີ້ ເຈົ້າໜ້າທີ່ການຄ້າແມ່ນໄດ້ເອົາໃຈໃສ່ລົງຕິດຕາມລາຄາຄ້າຕາມທ້ອງຕະຫຼາດຢ່າງເຄັ່ງຄັດ ເພື່ອໃຫ້ປະຊາຊົນຜູ້ບໍລິໂພກຖືເອົາລັດເອົາປຽບກັນ ອັນສຳຄັນແມ່ນບໍ່ໃຫ້ມີການສວຍໂອກາດຂຶ້ນລາຄາສິນຄ້າໃນທ່າມກາງການແຜ່ລະບາດຂອງເຊື້ອພະຍາດໂຄວິດ-19. ໃນອາທິດແລ້ວນີ້ ຫ້ອງການອຸດສາຫະກຳ ແລະ ການຄ້າ ແຂວງຈຳປາສັກ ໄດ້ລົງຕິດຕາມ,ກວດກາລາຄາສິນຄ້າຢູ່ຕາມທ້ອງຕະຫຼາດເມືອງສຸຂຸມາ ນຳໂດຍທ່ານ ຈັນສະໝອນ ຊະນະມົນຕີ ຫົວໜ້າຫ້ອງອຸດສາຫະກຳ ແລະການຄ້າເມືອງພ້ອມຄະນະ, ພະນັກງານວິຊາການພາຍໃນກົມກອງຕົນພ້ອມດ້ວຍນາຍບ້ານໃຫຍ່ສຸຂຸມາກໍ່ໄດ້ລົງຕິດຕາມລາຄາສິນຄ້າ, ບັນຍາກາດການຊື້-ຂາຍສິນຄ້າຕ່າງໆຢູ່ຕະຫຼາດ. ທັງນີ້, ເພື່ອເປັນການຄຸ້ມຄອງແລະປົກປ້ອງຜູ້ບໍລິໂພກໃຫ້ມີຄວາມຍຸຕິທຳທາງດ້ານລາຄາສິນຄ້າລະຫ່ວາງຜູ້ຊື້ແລະຜູ້ຂາຍບໍ່ໃຫ້ມີການເອົາລັດເອົາປຽບກັນ ໂດຍສະເພາະບໍ່ໃຫ້ມີການສວຍໂອກາດຂຶ້ນລາຄາສິນຄ້າຕາມລຳພັງໃຈໃນຂະນະທີ່ມີການແຜ່ລະບາດຂອງພະຍາດໂຄວິດ-19 ເຊິ່ງຈະສົ່ງຜົນກະທົບຕໍ່ການດໍາລົງຊີວິດຂອງປະຊາຊົນທີ່ມີຄວາມຫຸ້ຍງຍາກຢູ່ແລ້ວຍາກຂຶ້ນໄປຕື່ມ. ທ່ານ ຈັນສະໝອນ ຊະນະມົນຕີ ຫົວໜ້າຫ້ອງການອຸດສາຫະກຳແລະການຄ້າຍັງໃຫ້ຮູ້ວ່າ:ຜ່ານການຈັດຕັ້ງປະຕິບັດວຽກງານໄລຍະຜ່ານມາແມ່ນພົບຄວາມຫຍຸ້ງຍາກຫຼາຍດ້ານ,ພາຍຫຼັງທີ່ມີການລ໋ອກດາວປິດການເຂົ້າ-ອອກເມືອງແມ່ນໄດ້ສົ່ງຜົນກະທົບຢ່າງໄວວາໃນການຈາລະຈອນສິນຄ້າແມ່ນມີຄວາມຍາກລຳບາກມີການຈຳກັດຫຼາຍດ້ານ, ຫາງສຽງຈາກສັງຄົມໃນການຈັບຈ່າຍຊື້ສິນຄ້າມາບໍລິໂພກເປັນຕົ້ນກໍ່ແມ່ນລາຄາຊີ້ນໝູ, ງົວ, ຄວາຍ...

ໃນລັດຖະບັນຍັດ ຂອງປະເທດປະເທດ ສະບັບເລກທີ 002/ປປທ ລົງວັນທທີ 17 ມິຖຸນາ 2021 ວ່າດ້ວຍຄ່າທໍານຽມ ແລະ ຄ່າບໍລິການ ເຊິ່ງໃນລັດຖະບັນຍາດ ໃນພາກທີ ພາກທີ IV ຄ່າທຳນຽມ ແລະ ຄ່າບໍລິການ ຂົງເຂດເສດຖະກິດ ໃນໝວດທີ 7 ຂະແໜງການ ໂຍທາທິການ ແລະ...

ຖ້າບໍມີການແຜ່ລະບາດໂຄວິດ-19 ການທ່ອງທ່ຽວຢູ່ໃນລາວຈະໄດ້ຮັບຄວາມສົນໃຈຫຼາຍທັງພາຍໃນ ແລະ ຕ່າງປະເທດ ໂດຍສະເພາະເມືອງວັງວຽງ ເຊິ່ງເປັນສະຖານທີ່ທີ່ຂຶ້ນຊື່ວ່າເປັນເມືອງປາຍທາງແຫ່ງການທ່ອງທ່ຽວ ຍິ່ງປັດຈຸບັນນີ້ ໃນການເດີນທາງແມ່ນມີຄວາມສະດວກນຳໃຊ້ທາງດ່ວນຊົ່ວໂມງດຽວກໍຮອດຈຸດໝາຍແລ້ວ ແລະຂ່າວດີໃໝ່ໆນີ້ກໍຈະມີການກໍ່ສ້າງເສັ້່ນທາງເຂົ້າຫາແກ້ງຍຸຍ, ເສັ້ນທາງຊົນນະບົດຢູ່ເມືອງວັງວຽງ ຍິ່ງຈະອຳນວຍຄວາມສະດວກແກ່ວຽກງານທ່ອງທ່ຽວຫຼາຍຂຶ້ນ. ວັນທີ 3 ກັນຍາ 2021 ຜ່ານມານີ້ ຢູ່ທີ່ຫ້ອງປະຊຸມຂອງໂຮງແຮມອາມາລີນ ໄດ້ເປີດກອງປະຊຸມປຶກສາຫາລືວຽກ ງານກ່ອນການລົງມືກໍ່ສ້າງກັບບໍລິສັດຜູ້ຮັບເໝົາໂຄງການກໍ່ສ້າງເສັ້ນທາງເຂົ້ານ້ຳຕົກຕາດແກ້ງຍຸ້ຍ, ຂົວຂ້າມນ້ຳຊອງ ແລະ ເສັ້ນທາງວົງແຫວນຊົນນະບົດເບື້ອງຕາເວັນຕົກຂອງສາຍນໍ້າຊອງ ໂດຍການເຂົ້າຮ່ວມຂອງທ່ານ ຄຳພັນ ສິດທິດຳພາ...

ທີ່ຜ່ານມາຕົວເລກຈີດີພີບ້ານເຮົາສູງ ແຕ່ປະຊາຊົນຈຳນວນບໍ່ໜ້ອຍຍັງທຸກຍາກ ເມັດເງິນໃນລວມຍອດຜະລິດຕະພັນພາຍໃນບໍ່ທັນກະຈາຍສູ່ປະຊາຊົນ ແຕ່ເປັນຂອງບໍລິສັດຫົວໜ່ວຍທຸລະກິດສ່ວນໃຫຍ່ ເຊິ່ງລັດຖະບານຊຸດນີ້ ທ່ານນາຍົກ ພັນຄຳ ວິພາວັນໄດ້າກ່າວກ່ອນໜ້ານີ້ວ່າ ຕ້ອງແກ້ໄຂໃຫ້ໄດ້ບັນຫາເສດຖະກິດຂອງຊາດກໍ່ຄືຕົວເລກແຫ່ງຊາດຫຼາຍປະຊາຊົນຕ້ອງມີລາຍຮັບນຳ ນັ້ນຄືຕ້ອງສົ່ງເສີມໃຫ້ພໍ່ແມ່ປະຊາຊົນມີຊີວິດການເປັນຢູ່ທີ່ດີຂຶ້ນ. ເຊິ່ງໃນວາລະແຫ່ງຊາດໄດ້ລະບຸໄວ້ ຈະກະຈາຍລາຍໄດ້ສູ່ຊຸມຊົນຕ້ອງກຳນົດຈຸດສຸມ ແລະເບິ່ງທ່າແຮງລວມເຖິງຕະຫຼາດທີ່ມີຢູ່ປູກຫຍັງມີຫຍັງທີ່ຂາຍໄດ້ມີຕະຫຼາດຮອງຮັບແລ້ວ ໂດຍສະເພາະແມ່ນທີ່ຕິດພັນກັບເສັ້ນທາງລົດໄຟລາວ-ຈີນ. ຫຼ້າສຸດທ່ານ ເພັດ ພົມພິພັກ ລັດຖະມົນຕີກະຊວງກະສິກຳ ແລະປ່າໄມ້ໄດ້ລາຍງານໃນວັນທີ 6 ສິງຫານນີ້ວ່າ: ປະຈຸບັນນີ້ຂະແໜງກະສິກຳ ແລະ ປ່າໄມ້ ກຳລັງເລັ່ງຊຸກຍູ້ການສົ່ງອອກສິນຄ້າກະສິກໍາ-ສັດລ້ຽງທີ່ໄດ້ມີສັນຍາລົງນາມກັບປະເທດຄູ່ການຄ້າ ໂດຍສຸມໃສ່ຕະຫຼາດ...

ຖືວ່າເປັນຂ່າວດີທີ່ສຸດໃນທ່າມການການລະບາດຂອງພະຍາດໂຄວິດ-19 ເຊິ່ງຫຼາຍປະເທດໃນໂລກແມ່ນຜະເຊີນກັບບັນຫາວິກິດເສດຖະກິດລວມທັງປະເທດເຮົາ ແຕ່ໃນ 6 ເດືອນຕົ້ນປີ 2021 ພວກເຮົາຍັງໄດ້ເກີນດູນການຄ້າ 735 ລ້ານໂດລາສະຫະລັດ ຈາກມູນຄ່າການຄ້າທັງໝົດ 6.784 ລ້ານໂດລາ. ຕາມການລາຍງານຈາກສູນຂໍ້ມູນຂ່າວສານການຄ້າໃຫ້ຮູ້ວ່າ: ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ໃນ 6 ເດືອນຕົ້ນປີ 2021 ບັນລຸໄດ້ປະມານ 6.784...

ອັດຕາເງິນເຟີ້ເດືອນ ພຶດສະພາ 2021 ເພີ່ມຂຶ້ນ 3,55% ທຽບກັບເດືອນດຽວຂອງປີຜ່ານມາ ປັດໄຈທີ່ສົ່ງຜົນໃຫ້ອັດຕາເງິນເຟີ້ ມາຈາກການເໜັງຕີງຂອງທຸກໝວດສິນຄ້າ ແລະ ບໍລິການ. ສ່ວນທຽບເດືອນພືດສະພາ 2021 ກັບເດືອນເມສາ 2021 ເພີ່ມຂຶ້ນ0,49%. ອີງຕາມບົດລາຍງານອັດຕາເງິນເຟີ້ຂອງ ສປປ ລາວ ປະຈຳເດືອນພຶດສະພາ 2021 ຂອງສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ ໃຫ້ຮູ້ວ່າ:...

ຕາມການລາຍງານ ຂອງຫ້ອງການກະສິກໍາ ແລະ ປ່າໄມ້ເມືອງເມິງ ແຂວງບໍ່ແກ້ວ ໃຫ້ຮູ້ວ່າ: ຊາວກະສິກອນໃນທົ່ວເມືອງເມິງ ໄດ້ເລີ່ມຕົ້ນລົງມືປັກດໍາເຂົ້ານາປີມາແຕ່ທ້າຍເດືອນ ພືດສະພາ 2021 ເປັນຕົ້ນມາ ແລະ ມາຮອດປັດຈຸບັນ ຊາວກະສິກອນໃນທົ່ວເມືອງເມິງ ແມ່ນໄດ້ເອົາໃຈໃສ່ຂຸ້ນຂ້ຽວປັກດໍາເຂົ້ານາປີສໍາເລັດໄປແລ້ວ 75% ຂອງເນື້ອທີ່ນາທັງໝົດ 1.500 ກວ່າເຮັກຕາ ໃນທົ່ວເມືອງມີ 5 ກຸ່ມບ້ານຄື: ກຸ່ມບ້ານນໍ້າເມິງ ມີ...

ວິທະຍຸກະຈາຍສຽງແຫ່ງຊາດລາຍງານວ່າ: ປັດຈຸບັນ ຂະແໜງອຸດສາຫະກໍາຕັດຫຍິບຂອງລາວ ມີຄວາມຕ້ອງການແຮງງານປະມານ 10.000 ຫາ 15.000 ຄົນ ໂດຍເປີດຮັບທັງຜູ້ທີ່ມີປະສົບ ການ ແລະ ບໍ່ທັນມີປະສົບການໃນດ້ານການຕັດຫຍິບມາກ່ອນ. ທ່ານ ໄຊບັນດິດ ຣາຊະພົນ ປະທານສະມາຄົມອຸດສາຫະກຳຕັດຫຍິບລາວ ໃຫ້ສໍາພາດວ່າ: ຈຳນວນແຮງງານທີ່ຕ້ອງການທັງໝົດນີ້ ຈະປະກອບເຂົ້າໃນໂຮງງານຕັດຫຍິບຢູ່ເຂດເສດຖະກິດພິເສດຫລາຍກວ່າໝູ່ ເພາະເປັນໂຮງງານຂະໜາດໃຫຍ່ທີ່ມີຄວາມຕ້ອງການແຮງງານເປັນຈໍານວນຫລາຍ, ນອກຈາກນີ້ ຈະປະກອບເຂົ້າໃນໂຮງງານຕັດຫຍິບຕ່າງໆ ໃນນະ ຄອນຫລວງວຽງຈັນ ຕາມຄວາມຕ້ອງການຕົວຈິງ...

ໂຄງການກໍ່ສ້າງສະໜາມບິນໜອງຄ້າງ ຢູ່ແຂວງຫົວພັນ ທີ່ໄດ້ເລີ່ມລົງມືກໍ່ສ້າງມາແຕ່ປີ 2013 ຮອດປະຈຸບັນຍັງບໍ່ສຳເລັດເນື່ອງຈາກມີຫຼາຍໜ້າວຽກເພີ່ມຂຶ້ນ ແລະເຮັດໃຫ້ງົບປະມານສູງຂຶ້ນໄປຕາມບໍ່ເປັນໄປຕາມການຜະເມີນໄວ້ໃນເບື້ອງຕົ້ນ ເຊິ່ງປະຈຸບັນມີຈຸດທີ່ເຊາະເຈື່ອນຕ້ອງເລັ່ງແກ້ໄຂໃຫ້ສຳເລັດພາຍໃນສອງເດືອນ. ວັນທີ 16 ມິຖຸນາ 2021 ນີ້ ຢູ່​ພະ​ແນກ​ ໂຍ​ທາ​ທິ​ການ ແລະ ຂົນ​ສົ່ງແຂວງຫົວພັນ​ ​ໄດ້ຈັດ​ກອງ​ປະ​ຊຸມ​ປຶກ​ສາ​ຫາ​ລືຄົ້ນ​ຄວ້າ​ຊອກ​ຫາ​ວິ​ທີ​ທາງ​ແກ້​ໄຂ ແລະ ວາງ​ແຜນ​ປ້ອງ​ກັນ​ຜົນ​ກະ​ທົບ​ ທີ່​ຈະ​ເກີດ​ຂຶ້ນ ຈາກ​ການກໍ່​ສ້າງ​ສະ​ໜາມ​ບິນ​ໜອງ​ຄ້າງ ໃນ​ຊ່ວງ​ລະ​ດູ​ຝົນ​ນີ້. ໂດຍການເຂົ້າຮ່ວມ​​ຂອງ ​ທ່ານ ພອນ​ສຸກ...