ເກືອບ 40 ຄົນໃນນະຄອນໄກສອນໄດ້ເສັງບັນຈຸເປັນລັດຖະກອນຄູ

104

ໄລຍະນີ້ເປັນຊ່ວງເວລາແຫ່ງຄວາມຫວັງຂອງບັນດາຄູອາສາທີ່ຈະໄດ້ໄປສອບເສັງບັນຈຸເຂົ້າລັດຖະກອນຄູ ຕາມຄວາມຄາດຫວັງ ຕາມສາຍອາຊີບທີ່ມັກ ຂໍໃຫ້ທຸກຄົນສົມຫວັງເດີ້ ແລະຜູ້ຍັງບໍ່ທັນໄດ້ກໍ່ຈົ່ງຢ່າທໍ້ ໃຫ້ສືບຕໍ່ເປັນແມ່ພີມສິດສອນລູກຫຼານຕໍ່ໄປ.

May be an image of 9 people and text

ຕາມຂ່າວທ້ອງຖິ່ນລາຍງານໃນຕອນເຊົ້າວັນທີ 2 ເມສາ 2024 ຜ່ານມານີ້ ຫ້ອງການສຶກສາທິການ ແລະ ກິລານະຄອນ ໄກສອນ ພົມວິຫານ ແຂວງສະຫວັນນະເຂດ ໄດ້ຈັດພິທີເປີດການສອບເສັງລັດຖະກອນຄູ ໃໝ່ປະຈໍາປີ 2024 ຂື້ນຢູ່ທີ່ສູນໂຮງຮຽນປະຖົມສົມບູນຫົວເມືອງເໝືອ ນະຄອນ ໄກສອນ ພົມວິຫານ.ໂດຍການເຂົ້າຮ່ວມເປີດຫົວບົດສອບເສັງຂອງທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງສະຫວັນນະເຂດ,ທ່ານ ແຖ່ນແກ້ວ ພົມບິດາ ຮອງເຈົ້ານະຄອນ ໄກສອນ ພົມວິຫານ, ມີຮອງຫົວໜ້າພະແນກສຶກສາທິການ ແລະ ກິລາແຂວງ,ມີຕາງໜ້າຫ້ອງການພາຍໃນນະຄອນ,ພ້ອມດ້ວຍນັກສອບເສັງເຂົ້າຮ່ວມ.

May be an image of 9 people and people studying
ທ່ານ ນາງ ພອນໄຊ ຊະນະວົງໄຊ ຫົວໜ້າຫ້ອງການສຶກສາທິການ ແລະ ກິລາ ນະຄອນ ໄດ້ລາຍງານໃນການກະກຽມການສອບເສັງບັນຈຸລັດຖະກອນຄູໃໝ່ປະຈໍາປີ 2024 ວ່າ: ຫ້ອງການສຶກສາທິການ ແລະ ກິລານະຄອນ,ປັດຈຸບັນມີຈຳນວນຄູອາສາສະໝັກທັງໜົດ 64 ຄົນ,ຍິງ 57 ຄົນ.ໃນນັ້ນ ເປັນຄູອາສາຢູ່ຊັ້ນອະນຸບານ 21 ຄົນ,ປະຖົມ 17 ຄົນ,ຍິງ 15 ຄົນ ແລະ ມັດທະຍົມ 26 ຄົນ,ຍິງ 21 ຄົນ ໂດຍປະຕິບັດຕາມແຈ້ງການຂອງທ່ານຫົວໜ້າພະແນກສຶກສາທິການ ແລະ ກິລາແຂວງ ກ່ຽວກັບການສອບເສັງບັນຈຸລັດຖະກອນຄູໃໝ່ປະຈຳປີ 2024 ໃນ14 ເມືອງ 1 ນະຄອນ ແລະ ສຳລັບປີນີ້ໃນສູນນະຄອນ ໄກສອນ ພົມວິຫານ ຜູ້ທີ່ມີເງື່ອນໄຂເຂົ້າສອບເສັງບັນຈຸລັດຖະກອນຄູໃໝ່ມີ 38 ຄົນ,ຍິງ 29 ຄົນ.

May be an image of 13 people and table

ໃນນັ້ນມີຄູອາສາສະໝັກທີ່ມາຈາກໂຮງຮຽນອ້ອມຂ້າງແຂວງ ແລະ ຄູທີ່ຈົບໃໝ່ມີ12 ຄົນ,ຍິງ 7 ຄົນ,ມີ2 ຫ້ອງສອບເສັງ.ໂດຍສະເພາະນະຄອນແມ່ນສອບເສັງວິຊາຄູປະຖົມ ແລະ ສອບເສັງເອົາຕົວເລກລັດຖະກອນຄູເກັ່ງຂອງແຂວງ ເຊິ່ງມີ 5 ວິຊາ(ສຳລັບຄູເກັ່ງ)ຄື: ຄູວິທະຍາສາດການເມືອງ,ຄູພະລະສຶກສາ,ຄູໄອທີຊີ,ຄູວິທະຍາສາດທຳມະຊາດ ແລະ ຄູສອນພາສາລາວ-ຝຣັ່ງ.ເຊີ່ງການສອບເສັງມີ2ວິຊາຄື: ຄວາມຮູ້ທົ່ວໄປ ແລະ ວິຊາສະເພາະ ຊື່ງຈະໃຊ້ເວລາ ວິຊາາລະ 1 ຊົ່ວໂມງ.

May be an image of 6 people and text
ໃນພິທີເປີດການສອບເສັງຄັ້ງນີ້ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງ ກໍໄດ້ຮຽກຮ້ອງໃຫ້ບັນດາຜູ້ທີ່ເຂົ້າສອບເສັງຈົ່ງສຸມຄວາມຄິດຕັ້ງໜ້າຄົ້ນຄວ້າຢ່າງເລິກເຊິ່ງ,ນໍາໃຊ້ຄວາມສາມາດຂອງຕົນເອງ ເພື່ອຍາດເອົາໂກຕ່າ ບັນຈຸເຂົ້າເປັນພະນັກງານຄູ ໃຫ້ໄດ້ຕາມຈຸດປະສົງ ປະກອບສ່ວນຮັບໃຊ້ພັກ-ລັດ,ຮັບໃຊ້ສັງຄົມ ແລະ ພັດທະນາປະເທດຊາດໃຫ້ຈະເລີນຮຸ່ງເຮືອງ./