ເສດຖະກິດຕ່າງປະເທດ

ສຳນັກຂ່າວຕ່າງປະເທດລາຍງານວ່າ ການຟື້ນຕົວຂອງເສດຖະກິດຈີນ ເປັນເພາະສາມາດຄວບຄຸມການແຜ່ລະບາດຂອງພະຍາດໂຄວິດ-19 ໄດ້ໄວ ບວກກັບການອອກມາດຕະການຊ່ວຍເຫຼືອຜູ້ທີ່ໄດ້ຮັບຜົນກະທົບ ລວມທັງພາກທຸລະກິດທີ່ຖືກເປົ້າໝາຍ ແລະ ການສົ່ງອອກກໍຟື້ນຕົວໄວວາ. ບົດລາຍງານຂອງທະນາຄານໂລກລະບຸວ່າ ຈີດີພີຂອງຈີນໃນປີ 2020 ຈະຂະຫຍາຍຕົວທີ່ລະດັບ 2% ແລະ ຈະຂະຫຍາຍຕົວສູງເຖິງ 7,9% ໃນປີໜ້າ, ແຕ່ປັດໄຈພາຍນອກຍັງສ້າງຄວາມທ້າທາຍຕໍ່ການຂະຫຍາຍຕົວຂອງເສດຖະກິດຈີນ ໂດຍລາຍງານດັ່ງກ່າວສອດຄ່ອງກັບການລາຍງານຂອງລັດຖະບານຈີນ ທີ່ຄາດການວ່າ ເສດຖະກິດຈີນ ຍັງຄົງປະເຊີນກັບຄວາມປັ່ນປ່ວນຈາກປັດໄຈພາຍນອກ ທ່າມກາງສະຖານະການການແຜ່ລະບາດຂອງພະຍາດໂຄວິດ-19 ຍັງບໍ່ມີທ່າທີວ່າຈະຜ່ອນຄາຍລົງ ໂດຍການຟື້ນຕົວຂອງເສດຖະກິດຈີນຍັງບໍ່ເຂົ້າສູ່ລະດັບທີ່ແຂງແກ່ນເທື່ອ. ບົດລາຍງານຂອງທະນາຄານໂລກລະບຸວ່າ...

ສຳນັກຂ່າວຕ່າງປະເທດລາຍງານວ່າ ທະນາຄານກາງຝຣັ່ງ ( Banque de France ) ຄາດການວ່າ: ເສດຖະກິດຂອງຝຣັ່ງ ຈະຫົດຕົວສູງເຖິງ 9% ໃນປີ 2020 ແລະ ຄາດວ່າຈະຄ່ອຍຟື້ນຕົວຢ່າງຊ້າໆ, ກ່ອນຈະກັບມາເຂົ້າສູ່ສະພາບປົກກະຕິ ຄືກັບກ່ອນເກີດການລະບາດຂອງພະຍາດໂຄວິດ - 19 ໃນກາງປີ 2022. ທະນາຄານກາງຝຣັ່ງ ໄດ້ຄາດຄະເນຕົວເລກດັ່ງກ່າວແມ່ນອີງໃສ່ສະຖານະການການແຜ່ລະບາດຂອງພະຍາດໂຄວິດ - 19...

ສະຖາບັນຈັດອັນດັບຄວາມໜ້າເຊື່ອຖື ຟີດ ເຣດຕິ້ງ ໄດ້ປັບເພີ່ມການຄາດຄະເນຂອງເສດຖະກິດຈີນ ຂຶ້ນສູ່ລະດັບ 8% ໃນປີໜ້າ ຈາກທີ່ເຄີຍຄາດການໄວ້ວ່າຈະຂະຫຍາຍຕົວ 7,7% ໃນເດືອນກັນຍາຜ່ານມາ. ໃນຂະນະດຽວກັນເສດຖະກິດໂລກກໍຈະຂະຫຍາຍຕົວ 5,3% ໃນປີໜ້າ. ທ່ານ ໄບຣອັນ ໂຄລຕັນ ແລະ ທ່ານ ພາເວລໂບໂຣສກີ 2 ນັກວິເຄາະຂອງ ຟີດ ລະບຸວ່າ: ຕົວເລກຄາດການຫຼ້າສຸດນີ້ ສູງກວ່າທ່າອ່ຽງການຂະຫຍາຍຕົວທີ່ຄາດການໄວ້,...

ສຳນັກຂ່າວຕ່າງປະເທດລາຍງານວ່າ: ການລະບາດຂອງພະຍາດໂຄວິດ - 19 ໄດ້ສົ່ງຜົນກະທົບຕໍ່ລະບົບເສດຖະກິດໂລກຢ່າງຮ້າຍແຮງ, ສົ່ງຜົນໃຫ້ຄວາມພະຍາຍາມໃນການແກ້ໄຂບັນຫາການຂາດສານອາຫານໃນເດັກນ້ອຍຫຼຸດລົງ ແລະ ອາດເຮັດໃຫ້ເດັກນ້ອຍ ປະມານ 168 ແສນຄົນ ເສຍຊີວິດຍ້ອນຄວາມອຶດຫິວກ່ອນທີ່ເສດຖະກິດຈະຟື້ນຕົວໄດ້. ສະຫະພາບຄວາມຮ່ວມມື ເພື່ອໂພຊະນາການ ເຊິ່ງເປັນການຮວມຕົວຂອງໜ່ວຍງານສຳຄັນລະດັບໂລກ ເຊັ່ນ: ທະນາຄານໂລກ, ອົງການອາຫານໂລກ ແລະ ຢູນີເຊັບ ໄດ້ເຮັດວິໄຈ ໂດຍໄດ້ຮວບຮວມຂໍ້ມູນທາງດ້ານເສດຖະກິດ ແລະ ຂໍ້ມູນດ້ານໂພຊະນາການຕະຫຼອດໃນປີນີ້ ເຊິ່ງຜົນການສຶກສາພົບວ່າເດັກປະມານ...

ຜູ້ນຳອັງກິດ ແລະ ສະຫະພາບເອີຣົບ ( ອີຢູ ) ເຫັນດີຈະຂະຫຍາຍເວລາໃນການປຶກສາຫາລື ກ່ຽວກັບຂໍ້ຕົກລົງດ້ານການຄ້າ ຫຼັງການຖອນຕົວອອກຈາກອີຢູ ຂອງອັງກິດ. ການຂະຫຍາຍເວລາດັ່ງກ່າວມີຂຶ້ນ ຫຼັງຈາກທີ່ຜູ້ນຳອັງກິດ ໄດ້ປຶກສາຫາລືກັບຜູ້ນຳ ອີຢູ ເມື່ອວັນອາທິດຜ່ານມາ ກ່ອນຈະຕົກລົງເຫັນດີວ່າ ຄວນຂະຫຍາຍເວລາໃນການປຶກສາຫາລື, ຫຼັງຈາກທີ່ການປຶກສາຫາລື ຍັງມີອີກບາງປະເດັນທີ່ບໍ່ສາມາດຫາຂໍ້ສະຫຼຸບໄດ້. ຜູ້ນຳສອງຝ່າຍເຫັນດີວ່າຈະໃຫ້ຄະນະເຈລະຈາທີ່ກຳລັງປຶກສາຫາລືຮ່ວມກັນຢູ່ໃນຂະນະນີ້ທີ່ນະຄອນຫຼວງບຣຸກແຊນ ປະເທດໂອຕຣິດ ຮ່ວມກັນປຶກສາຫາລືຕໍ່ໄປ ເພື່ອໃຫ້ໄດ້ຂໍ້ສະຫຼຸບທີ່ທຸກຝ່າຍຍອມຮັບ ແຕ່ຈະເປັນໄປໄດ້ ຫຼື ບໍ່...

ສຳນັກຂ່າວຊິນຮວາ ລາຍງານວ່າກະຊວງການຄ້າຂອງມຽນມາ ເປີດເຜີຍວ່າ: ລັດຖະບານມຽນມາ ໄດ້ຕັ້ງເປົ້າສົ່ງອອກເຂົ້າ ແລະ ເຂົ້າເມັດຫັກໃຫ້ໄດ້ 2 ລ້ານໂຕນ ໃນສົກປີງົບປະມານ 2020 - 2021 ( ເລີ່ມແຕ່ເດືອນຕຸລາ 2020 - 31 ກັນຍາ 2021 ). ການສົ່ງອອກເຂົ້າຂອງມຽນມາ ຂຶ້ນກັບຄວາມຕ້ອງການຂອງຕະຫຼາດພາຍໃນ ແລະ ຕະຫຼາດຕ່າງປະເທດ...

ສຳນັກຂ່າວຕ່າງປະເທດລາຍງານວ່າ: ສປ ຈີນ ເປັນຕະຫຼາດລົດທີ່ໃຫຍ່ທີ່ສຸດໃນໂລກ ເຊິ່ງໃນປີນີ້ອາດຈະມີຍອດຂາຍລົດໃຫຍ່ທະລຸ 25 ລ້ານຄັນ ເປັນການຟື້ນຕົວຕະຫຼາດລົດໃຫ້ຟື້ນຄືນ, ຫຼັງຈາກທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ - 19. ທ່ານ ຝູ່ ບິ້ງເຝີຍ ຮອງປະທານສະມາຄົມຜະລິດລົດຍົນ ສປ ຈີນ ( CAAM ) ກ່າວວ່າ: ຄາດຄະເນຍອດຂາຍລົດໃຫຍ່ ໃນ ສປ ຈີນ...

ສຳນັກຂ່າວຊິນຮວາລາຍງານ ໂດຍອ້າງການເປີດເຜີຍຂອງ ທ່ານ ອາເລັກຊີ ກູດຣິນ ຫົວໜ້າໜ່ວຍງານດ້ານການເງິນຂອງລັດຖະບານຣັດເຊຍ ໃຫ້ຮູ້ວ່າ: ເສດຖະກິດຂອງຣັດເຊຍ ມີທ່າອ່ຽງວ່າຈະຫົດຕົວລົງເຖິງ 4,5% ໃນປີນີ້ ແລະ ຈະມີປະຊາຊົນທຸກຍາກເພີ່ມຂຶ້ນ ປະມານ 1 ລ້ານຄົນ ຫຼັງຈາກໄດ້ຮັບຜົນກະທົບຢ່າງໜັກຈາກການແຜ່ລະບາດໂຄວິດ - 19. ໃນຂະນະດຽວກັນ, ຣັດເຊຍກຳລັງນຳໃຊ້ຢາວັກແຊັງປ້ອງກັນໂຄວິດ - 19 ທີ່ຜະລິດພາຍໃນປະເທດ ແລະ...

ສຳນັກຂ່າວຕ່າງປະເທດລາຍງານວ່າ: ທະນາຄານພັດທະນາອາຊີ ( ເອດີບີ ) ປະກາດຈະປ່ອຍເງິນກູ້ຢືມ 70 ລ້ານໂດລາສະຫະລັດ ໃຫ້ກຳປູເຈຍ ເພື່ອຍົກສູງຄວາມສາມາດການຜະລິດ ແລະ ປຸງແຕ່ງຜະລິດຕະພັນກະສິກຳ. ກຳປູເຈຍ ມີພົນລະເມືອງທີ່ດໍາລົງຊີວິດຢູ່ຊົນນະບົດ ກວມເອົາ 76% ຂອງພົນລະເມືອງທັງໝົດ. ສຳລັບປີຜ່ານມາ ລວມຍອດການຜະລິດດ້ານກະສິກຳ ໄດ້ກວມເອົາ 20,7% ຂອງຈີດີພີ, ນັບແຕ່ປີ2010 ຮອດປີ 2019,...

ສຳນັກຂ່າວຕ່າງປະເທດລາຍງານ ໂດຍອ້າງຂໍ້ມູນຈາກບໍລິສັດໂຕໂຢຕ້າ ຄ໊ອບ ຜູ້ຜະລິດລົດລາຍໃຫຍ່ຂອງຍີ່ປຸ່ນ ເປີດເຜີຍວ່າ: ການຜະລິດລົດໂຕໂຢຕ້າທົ່ວໂລກ ເພີ່ມຂຶ້ນ 9% ໃນເດືອນຕຸລາ ເມື່ອທຽບກັບໄລຍະດຽວກັນຂອງປີຜ່ານມາ ຢູ່ທີ່ 854.107 ຄັນ ໂດຍໄດ້ແຮງຍູ້ຈາກຕະຫຼາດຍີ່ປຸ່ນ, ຈີນ ແລະ ອາເມຣິກາ ທີ່ເລີ່ມຟື້ນຕົວຂຶ້ນ. ທັງນີ້, ການຜະລິດລົດໃຫຍ່ໄດ້ເພີ່ມຂຶ້ນເປັນເດືອນທີ 2 ຕິດຕໍ່ກັນແລ້ວ, ຫຼັງຈາກທີ່ໃນເດືອນກັນຍາຜ່ານມາ ຍອດການຜະລິດລົດໃຫຍ່ຂອງໂຕໂຢຕ້າ ເພີ່ມຂຶ້ນ...

ສຳນັກຂ່າວຕ່າງປະເທດລາຍງານວ່າ ທ່ານ ຄາລອສ ໂດມິງເກຊ ລັດຖະມົນຕີກະຊວງການເງິນຟີລິບປິນ ກ່າວວ່າ: ສາຍການບິນຟີລິບປິນ ແອລາຍ ( PAL ) ເຊິ່ງເປັນສາຍການບິນແຫ່ງຊາດ ຟີລິບປິນ ກຽມຍື່ນຄຳຮ້ອງຕໍ່ສານ ເພື່ອຄຸ້ມຄອງຈາກເຈົ້າໜີ້ ເນື່ອງຈາກສາຍການບິນຍັງຢູ່ລະ ຫວ່າງການປັບໂຄງສ້າງໜີ້ກັບລັດຖະບານ ເພື່ອປະຄອງສາຍການບິນໃຫ້ຢູ່ລອດ. ລັດຖະມົນຕີກະຊວງການເງິນຟີລິບປິນ ກ່າວວ່າ: ພີເອແອລ ໄດ້ແຈ້ງໃຫ້ລັດຖະບານຊາບກ່ຽວກັບການປັບໂຄງສ້າງໜີ້ເມື່ອບໍ່ດົນມານີ້ ແຕ່ບໍ່ໄດ້ບອກຄວາມຕ້ອງການໃຫ້ລັດຖະບານຊ່ວຍເຫຼືອດ້ານໃດແດ່. ກ່ອນໜ້ານີ້ມີລາຍງານວ່າ: ພີເອແອລ ໄດ້ປະກາດແຜນຫຼຸດພະນັກງານລົງ...

ສຳນັກຂ່າວຕ່າງປະເທດລາຍງານວ່າ: ລວມຍອດຜະລິດຕະພັນພາຍໃນ ຫຼື ຈີດີພີ ຂອງຫວຽດນາມ ອາດຈະແຊງໜ້າ ທັງສິງກະໂປ ແລະ ມາເລເຊຍ ເນື່ອງຈາກການສົ່ງອອກທີ່ເພີ່ມຂຶ້ນ ລວມທັງສາມາດຄວບຄຸມການແຜ່ລະບາດຂອງພະຍາດໂຄວິດ - 19 ໄດ້ເປັນຢ່າງດີ, ໃນຂະນະທີ່ປະເທດອື່ນໆໃນພູມີພາກນີ້ ພະຍາຍາມໃຊ້ທຸກມາດຕະການ ເພື່ອຟື້ນຟູເສດຖະກິດທີ່ໄດ້ຮັບຜົນກະທົບຈາກວິກິດໂຄວິດ - 19. ທັງນີ້, ໄຕມາດ 3 ຈີດີພີຂອງຫວຽດນາມ ຂະຫຍາຍຕົວ 2,6%...