ວິທະຍຸກະຈາຍສຽງຫວຽດນາມລາຍງານວ່າ: ໂຄງການເສັ້ນທາງ ຄວາມໄວສູງດ່ານຊາຍແດນ ຮຶວ ງີ້ – ຈີລັງ ໄດ້ຮັບການລົງທຶນຕາມຮູບແບບ BOT ມີລວງຍາວເກືອບ 60 ກິໂລແມັດ ດ້ວຍຍອດເງິນລົງທຶນແມ່ນກວ່າ 11.000 ຕື້ດົ່ງ ຫລື ປະມານ 430 ລ້ານໂດລາສະຫະລັດ ເຊິ່ງຄາດວ່າ,ຈະກໍ່ສ້າງສຳເລັດໃນປີ 2026.
ຕອນເຊົ້າວັນທີ 21 ເມສາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມພິທີເປີດການກໍ່ສ້າງເສັ້ນທາງຄວາມໄວສູງ ຮຶວງີ້ – ຈີລັງ ແຂວງ ລາງເຊີນ-ໂຄງການສຸດທ້າຍຂຶ້ນກັບເສັ້ນທາງຄວາມໄວສູງ ເໜືອ – ໃຕ້ ຕອນແຕ່ ລາງເຊີນ ໄປຮອດ ກາເມົາ.
ໂຄງການເສັ້ນທາງຄວາມໄວສູງດ່ານຊາຍແດນ ຮຶວງີ້ – ຈີລັງ ໄດ້ຮັບການລົງທຶນຕາມຮູບແບບ BOT ມີລວງຍາວເກືອບ 60 ກິໂລແມັດ ຄາດວ່າຈະກໍ່ສ້າງສຳເລັດໃນປີ 2026.
ທ່ານາຍົກລັດຖະມົນຕີ ຫວຽດນາມ ຟ້າມມິງຈິງ ເນັ້ນໜັກວ່າ ໂຄງການດັ່ງກ່າວໄດ້ເປີດການພັດທະນາໃໝ່, ເຊື່ອມຕໍ່ຄົມມະນາຄົມ, ເຊື່ອມຕໍ່ເສດຖະກິດລະຫວ່າງເຂດພູດອຍ ທາງພາກເໜືອ ກັບເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ; ເຊື່ອມຕໍ່ 2 ແລວເສດຖະກິດ: ໜານໜິງ – ລ້າງເຊີນ – ຮ່າໂນ້ຍ – ຫາຍຟ່ອງ ແລະ ລ້າງເຊີນ – ຮ່າໂນ້ຍ – ໂຮ່ຈີມິນ – ໂມກບ່າຍ; ແມ່ນປະຕູສຳຄັນເພື່ອເຊື່ອມຕໍ່ບັນດາປະເທດ ອາຊຽນ ກັບ ຈີນ.