ວິທະຍຸກະຈາຍສຽງຫວຽດຍາມລາຍງານວ່າ: ວັນທີ 1 ພຶດສະພາ, ສຳນັກຂ່າວສານ Ria Novosti ຂອງຣັດເຊຍ ໄດ້ລົງຂ່າວ ອາເມຣິກາ ໄດ້ຍົກອອກບັນດາມາດຕະການລົງໂທດໃໝ່ ເລັ່ງໃສ່ສ່ວນບຸກຄົນນັບສິບຄົນ ແລະ ອົງການຈັດຕັ້ງຕ່າງໆຂອງລັດເຊຍ.
ກະຊວງການເງິນ ອາເມຣິກາ ຍົກບັນດາມາດຕະການນີ້ ເພື່ອເລັ່ງໃສ່ບັນດາອົງການຈັດຕັ້ງ ແລະ ສ່ວນບຸກຄົນ ເຊິ່ງ ອາເມຣິກາ ສົງໄສວ່າ ກ່ຽວຂ້ອງເຖິງກຸ່ມ ອຸດສາຫະກຳ – ການທະຫານ ຣັດເຊຍ ແລະ ບັນດາອົງການທີ່ກ່ຽວຂ້ອງ ຢູ່ ອາແຊັກໄບຊານ, ສະໂລວາກີ, ສະຫະລັດ ອາຣັບ ເອມີເລັດ (UAE) , ຕວັກກີ…
ບັນດາອົງການທີ່ເປັນໜ້າສົນໃຈໃນບັນຊີລາຍຊື່ລົງໂທດຄັ້ງນີ້ຂອງ ອາເມຣິກາ ມີບັນດາໂຮງງານຜະລິດ ລົດໃຫຍ່ Bryansk ແລະ Ural, ບໍລິສັດ Red Box Energy Services ແລະ ບໍລິສັດ ຕໍ່ກຳປັ່ນ CFU ທີ່ຖືກຖືວ່າ ມີສ່ວນກ່ຽວຂ້ອງເຖິງໂຄງການຫັນອາຍແກັດແຫຼວ LPG ຂອງ ຣັດເຊຍ ຢູ່ ຂົ້ວໂລກເໜືອ.
ນອກຈາກນັ້ນ, ອາເມຣິກາ ກໍຍົກບັນດາມາດຕະການຈຳກັດຕໍ່ກຳລັງປ້ອງກັນຕ້ານກຳມັນຕະພາບລັງສີ, ເຄມີ – ຊີວະສາດຂອງ ຣັດເຊຍ.
