ອາຊີບ-ວຽກງານ

ທ່ານ ມີໄຊ ມູນສານ ປະຊາຊົນບ້ານສົມຫວັງໃຕ້ ເມືອງຫາດຊາຍຟອງ ນະຄອນຫຼວງວຽງຈັນ ເຈົ້າຂອງຜະລິດຕະພັນ ນ້ຳສະກັດໝາກຂາມປ້ອມ ເພື່ອສຸຂະພາບ ເຊິ່ງເພິ່ນກໍ່ຕັ້ງໂຮງງານມາໄດ້ຫຼາຍປີ ຈົນສາມາດສ້າງຖານລູກຄ້າໄດ້ຫຼາຍສົມຄວນ ໂດຍສະເພາະແມ່ນຮ້ານຂາຍຢາທີ່ເປັນຕົວແທນຈຳຫຼາຍຮ້ອຍຮ້ານໃນທົ່ວປະເທດ ແລະ ມີຜູ້ຊົມໃຊ້ສິນຄ້າດີ ບອກຕໍ່ໆກັນ ເຮັດໃຫ້ເຈົ້າຂອງຜະລິດຕະພັນສາມາດມີລາຍໄດ້ທີ່ດີ ສ່ວນຕະຫຼາດກໍຂ້ອນຂ້າງໝັ້ນຄົງ. ທ່ານ ມີໄຊ ມູນສານ ເຈົ້າຂອງຜະລິດຕະພັນນ້ຳສະກັດໝາກຂາມປ້ອມ ໄດ້ໃຫ້ສຳພາດວ່າ: ກ່ອນທີ່ເຮົາຈະປະສົບຜົນສຳເລັດໃນການຜະລິດນ້ຳສະກັດໝາກຂາມປ້ອມ ຈົນເປັນໂຮງງານໃນມື້ນີ້ ຖືວ່າໄດ້ຜ່ານປະສົບການຊີວິດມາຢ່າງໂຊກໂຊນ,...

ປັດຈຸບັນ ເຖິງແມ່ນວ່າຫຼາຍໆຄົນ ຈະເບິ່ງວ່າການເລີ່ມຕົ້ນເຮັດທຸລະກິດເປັນເລື່ອງທີ່ຍາກ ເພາະມີອົງປະກອບຫຼາຍຢ່າງເຂົ້າມາກ່ຽວຂ້ອງ ແຕ່ການເລີ່ມຕົ້ນທຸລະກິດເປັນຊ່ອງທາງ ແລະ ທາງເລືອກທີ່ດີໃນການສ້າງອາຊີບໃຫ້ກັບຕົວເອງ ເຖິງແມ່ນວ່າມັນຕ້ອງໃຊ້ເວລາ ແລະ ຄວາມມຸ່ງໝັ້ນເພື່ອເຮັດໃຫ້ມັນເປັນຮູບເປັນຮ່າງ ມີຄົນຮູ້ຈັກ ມີຖານລູກຄ້າ ແລະ ມີການເຕີບໂຕທີ່ໝັ້ນຄົງ. ແນວໃດກໍຕາມ ທຸກສິ່ງທຸກຢ່າງມັນບໍ່ເກີນຄວາມພະຍາຍາມຄົນ ມື້ນີ້ຜູ້ຂຽນຂໍນໍາສະເໜີ ຂັ້ນຕອນການເລີ່ມຕົ້ນທຸລະກິດແບບງ່າຍໆ ໃນ 8ຂັ້ນຕອນ ທີ່ທ່ານສາມາດນໍາມາເລີ່ມຕົ້ນວາງແຜນ ແລະ ລົງມືເຮັດໄດ້ເລີຍ. 1 ເຮັດການວິໄຈຕະຫຼາດ ກ່ອນທີ່ທ່ານຈະເລີ່ມຕົ້ນທຸລະກິດ ຫຼື...

ເວົ້າເຖິງຄ່ານິຍົມຄວາມເຊື່ອທີ່ເຮົາຖືກປູກຝັງມາແຕ່ນ້ອຍ ເຊື່ອວ່າໜຶ່ງໃນເລື່ອງນັ້ນຄື ຕ້ອງຮຽນໃຫ້ຈົບ ຮຽນສູງຈະໄດ້ມີວຽກເຮັດດີໆ ແລະ ຊີວິດຈະປະສົບຄວາມສໍາເລັດ, ເຊິ່ງມັນກໍເປັນຄວາມຈິງທີ່ຊີວິດອາດຈະຕ້ອງເປັນໄປຕາມລະບົບແບບແຜນທີ່ເຄີຍເປັນມາ. ແຕ່ແນວໃດກໍຕາມ ຊີວິດອາດມີພິກຜັນບໍ່ໄດ້ເປັນໄປຢ່າງທີ່ຄິດເອົາໄວ້ ຖ້າຮຽນບໍ່ຈົບ ຈະປະສົບຄວາມສໍາເລັດ ຫຼື ບໍ່? ແຕ່ທ່ານກໍເຫັນມາແລ້ວ ວ່າຄົນດັງທີ່ປະສົບຄວາມສໍາເລັດຢູ່ໃນໂລກ ກໍບໍ່ໄດ້ຮຽນຈົບສູງ ແຕ່ພວກເຂົາກໍເຮັດໄດ້ດີ ມີວຽກເຮັດ ປະສົບຄວາມສໍາເລັດໃນຊີວິດ ນັ້ນເປັນຍ້ອນຫຍັງ ສິ່ງນີ້ໜ້າຄິດ. ດັ່ງນັ້ນ, ໃນມື້ນີ້ ຜູ້ຂຽນຂໍຍົກເອົາບາງເຫດຜົນຂອງຄົນທີ່ຮຽນບໍ່ຈົບ ຫຼື...

ອຸປະສັກໃນການເຮັດວຽກເປັນສິ່ງໜຶ່ງທີ່ນັກສຶກສາຈົບໃໝ່ ເຊິ່ງຍັງບໍ່ມີປະສົບການໃນການເຮັດວຽກຄວນຮູ້ໄວ້ ເມື່ອເຂົ້າເຮັດວຽກແລ້ວ ອຸປະສັກທີ່ຈະພົບພໍ້ຢູ່ສະເໝີມີຫຍັງແດ່ ມື້ນີ້ຜູ້ຂຽນໄດ້ຮິບໂຮມມາ 5ຂໍ້ ໃຫ້ພະນັກງານນ້ອງໃໝ່ກຽມຕົວຮັບມືໄວ້ກ່ອນ. 1 ຂາດຄວາມພ້ອມໃນການເຮັດວຽກ ບາງຄົນເຮັດວຽກແລ້ວ ແຕ່ຍັງເຮັດຕົວເປັນເດັກນ້ອຍ ເຮັດວຽກແບບເດັກນ້ອຍ ບໍ່ມີຄວາມຮັບຜິດຊອບຫຼາຍພໍ ເມື່ອທ່ານກ້າວເຂົ້າສູ່ໂລກຂອງການເຮັດວຽກ ທ່ານຄວນບອກຕົວເອງວ່າຕອນນີ້ເປັນຜູ້ໃຫຍ່ແລ້ວ ບໍ່ແມ່ນເດັກນ້ອຍອີກຕໍ່ໄປ ຈະຕ້ອງຮັບຜິດຊອບວຽກທີ່ໄດ້ຮັບມອບໝາຍຢ່າງເຕັມຄວາມສາມາດ ຢ່າລືມວ່າທ່ານຕ້ອງພິສູດໃຫ້ນາຍຈ້າງເຫັນວ່າທ່ານມີຄວາມສາມາດຫຼາຍພໍທີ່ຜ່ານການທົດລອງວຽກໄປໄດ້. 2 ບໍ່ມີຄວາມຊໍານານໃນວຽກທີ່ເຮັດ ເນື່ອງຈາກບາງຄົນຫາກໍ່ຮຽນຈົບ ແລະ ວຽກທີ່ໄດ້ຮັບມັກເປັນສິ່ງແປກໃໝ່ ບໍ່ເຄີຍເຮັດ, ບໍ່ເຄີຍຮຽນມາກ່ອນ ເລື່ອງຄວາມຊໍານານຈຶ່ງເປັນອຸປະສັກຢ່າງໜຶ່ງ ບາງຄັ້ງຜູ້ທີ່ເຂົ້າເຮັດວຽກໃໝ່ ອາດຮູ້ສຶກວ່າວຽກນີ້ຍາກເກີນໄປສໍາລັບຕົນເອງ...

ເມື່ອກ້າວເຂົ້າສູ່ໂລກຂອງການເຮັດວຽກ ຄົນເຮົາຄວນຕັ້ງເປົ້າໝາຍຂອງຊີວິດ ກຽມໄວ້ວ່າພາຍໃນຈັກປີ ຈະຂຶ້ນໄປຢູ່ໃນຈຸດໃດ ຕໍາແໜ່ງໃດ ເພາະການມີເປົ້າໝາຍຈະເຮັດໃຫ້ເຮົາກໍາໜົດທິດທາງການເຮັດວຽກ ການປະຕິບັດຕົວຂອງເຮົາ ເພື່ອໃຫ້ໄປຮອດຈຸດນັ້ນໄດ້ໃນເວລາທີ່ກໍານົດ ຜູ້ທີ່ປະສົບຄວາມສໍາເລັດໃນການເຮັດວຽກ ມັກເວົ້າແນະນໍາຢູ່ສະເໝີເຖິງວິທີການທີ່ພວກເຂົາປະຕິບັດຕົວ ເຊິ່ງເປັນປະໂຫຍດຕໍ່ຄົນເຮັດວຽກມາແລ້ວຫຼາຍຕໍ່ຫຼາຍລຸ້ນດັ່ງນີ້: 1 ຂໍ້ທໍາອິດເລີຍທີ່ຈະເຮັດໃຫ້ທ່ານເຮັດວຽກໄດ້ດີຄື ຕ້ອງມ່ວນກັບວຽກທີ່ເຮັດ ເມື່ອທ່ານເຮັດວຽກດ້ວຍຄວາມສຸກ ທ່ານຈະມີແຮງໃນການພະຍາຍາມທີ່ຈະເຮັດວຽກໃຫ້ໄດ້ດີທີ່ສຸດ ແລະ ປະສົບຄວາມສໍາເລັດ 2 ນອກຈາກມ່ວນກັບການເຮັດວຽກແລ້ວ ຍັງຕ້ອງໃສ່ຄວາມເອົາຈິງເອົາຈັງມຸ່ງໝັ້ນສູ່ຄວາມສໍາເລັດລົງໄປດ້ວຍຄວາມພຽນພະຍາຍາມ ຈະນໍາພາທ່ານໄປພົບກັບຄວາມສໍາເລັດໃນທີ່ສຸດ. 3 ຄວາມເຊື່ອໝັ້ນໃນຕົນເອງ ຕ້ອງມີຢູ່ສະເໝີ ເພາະນັ້ນຈະເຮັດໃຫ້ທ່ານກ້າຄິດກ້າທໍາ ເຊິ່ງຈະເຮັດໃຫ້ທ່ານໄດ້ປຽບກວ່າຄົນອື່ນໆ...

ການເຮັດວຽກບໍ່ວ່າຈະເປັນໜ້າທີ່ໃດ ພະແນກໃດ, ຕໍາແໜ່ງໃດກໍຕາມ ຄົນທີ່ເຮັດວຽກແລ້ວປະສົບຄວາມສໍາເລັດ ບໍ່ໄດ້ມີຄວາມຄິດ ຫຼື ຮ່າງກາຍວິເສດໄປກວ່າຄົນອື່ນ ແຕ່ອາໄສເປັນຄົນທີ່ໄຝ່ຫາຮູ້ ແລະ ດຸໝັ່ນສ້າງຄວາມຊໍານານ ສ້າງທັກສະໃໝ່ໆໃຫ້ຕົວເອງ ກໍສາມາດປະສົບຄວາມສໍາເລັດໃນໜ້າທີ່ການງານໄດ້. ແນວໃດກໍຕາມ ມື້ນີ້ຜູ້ຂຽນມີວິທີການເຮັດວຽກໃຫ້ສໍາເລັດ 5 ວິທີມາຝາກ 1 ກໍານົດເປົ້າໝາຍຄວາມສໍາເລັດໃນແບບຂອງທ່ານ ຄວາມສໍາເລັດ ບໍ່ແມ່ນຈະເປັນໄປຕາມສິ່ງທີ່ຄົນອື່ນຄິດສະເໝີ ຄວາມສໍາເລັດຂອງທ່ານ ທ່ານຄວນເປັນຄົນກໍານົດເປົ້າໝາຍ ແລະ ເສັ້ນທາງການເດີນທາງ ເພື່ອທີ່ທ່ານຈະສາມາດບັນລຸຄວາມສໍາເລັດຂອງທ່ານໄດ້. 2 ຢາກປະສົບຄວາມສໍາເລັດຕາມຕັ້ງໃຈໄດ້ ຈະຕ້ອງເຮັດຫຍັງແນ່ ໃນແຕ່ລະມື້ຄົນເຮົາກໍຈະມີວຽກຕ່າງໆເຂົ້າມາໃຫ້ເຈັບຫົວກັນຢູ່ຕະຫຼອດ...

ການຂາຍເປັນຫຼັກການທີ່ຢູ່ຄູ່ກັບທຸລະກິດ ບໍ່ວ່າຈະເຮັດທຸລະກິດຂະໜາດນ້ອຍ ຫຼື ໃຫຍ່ ກໍພົວພັນກັບການຂາຍປຽບດັ່ງເຄື່ອງມືຊີ້ວັດຄວາມຢູ່ລອດຂອງທຸລະກິດ. ຄໍລໍາຊື້ໄດ້ຂາຍໝານມື້ນີ້ ຈະນໍາສະເໜີວິທີເຮັດແນວໃດຈະໃຫ້ການຂາຍປະສົບຜົນສໍາເລັດ?, ໃນນີ້ມີ 5 ວິທີສ້າງການຂາຍໃຫ້ປະສົບຜົນສຳເລັດມາແນະນໍາ. ສ້າງຈິນຕະນາການໃຫ້ລູກຄ້າເຫັນພາບຕາມ: ໂຄສະນາບາງປະເພດຈະສັງເກດວ່າຈະບໍ່ໄດ້ເວົ້າເຖິງສິນຄ້າ ແຕ່ຄົນພັດຈື່ໄດ້ດີນັ້ນເພາະການສ້າງຈິນຕະນາການໃຫ້ລູກຄ້າເປັນສິ່ງທີ່ຈໍາເປັນ ແລະ ເມື່ອຕ້ອງການສິນຄ້າ ກໍຈະນຶກເຖິງເຮົາກ່ອນເປັນອັນດັບທຳອິດ. ຕົວຢ່າງສິນຄ້ານໍ້າອັດລົມບໍ່ວ່າຈະເປັນໂຄ໊ກ, ເປບຊີ ສິ່ງທີ່ນຳສະເໜີຄື ຄວາມສະໜຸກສະໜານສີສັນໃນການດື່ມນ້ຳອັດລົມທີ່ຊວນໃຫ້ຄົນຈື່ຈຳ ເມື່ອເຖິງເວລາຕ້ອງການສິນຄ້າເຮົາກໍຈະຈັບເອົາໂຄ໊ກ ຫຼື ເປບຊີມາກ່ອນ. ...

ຄົນເຮົາທຸກຄົນລ້ວນແລ້ວມີທັງຄົນຮັກ ແລະ ຄົນຊັງ, ຄົນມັກ ແລະ ຄົນບໍ່ມັກ, ຄົນສະໜັບສະໜູນ ແລະ ຄົນທີ່ອິດສາ ພ້ອມຂັດແຍ່ງກັນເປັນເລື່ອງທຳມະດາ ແນ່ນອນສິ່ງທີ່ຕາມມາກັບຄົນທີ່ບໍ່ມັກ ຫຼື ຄົນທີ່ຊັງ, ຄົນທີ່ຄອຍອິດສາເຮົານັ້ນກໍແມ່ນຄຳນິນທາ ຫຼື ເວົ້າຂວັນ ເຊິ່ງຄົນປະເພດນີ້ແມ່ນມີຢູ່ທຸກຫົນແຫ່ງ ແລະ ທຸກອົງກອນ. ດັ່ງນັ້ນ, ຫາກທ່ານພົບວ່າໃນອົງກອນຂອງທ່ານມີຄົນປະເພດນີ້ແມ່ນຄວນຮັບມືດັ່ງນີ້?: ...

ຂໍພຽງໃຝ່ຮຽນຮູ້ ແລະ ກ້າລົງມືເຮັດ ຄວາມສໍາເລັດຢູ່ບໍ່ໄກ ດັ່ງຄອບຄົວຂອງ ທ່ານ ພົງສະຫວັດ ອິນພອນ ທີ່ຖືເອົາການລ້ຽງໄກ່ພັນໄຂ່ ແລະ ລ້ຽງໝູ ເປັນສິນຄ້າ ຈົນກາຍເປັນແບບຢ່າງໃນການສ້າງເສດຖະກິດຄອບຄົວຢູ່ ບ້ານກວນຈັນ ເມືອງຄຳເກີດ ແຂວງບໍລິຄຳໄຊ ສາມາດສ້າງລາຍຮັບເຂົ້າຄອບຄົວໄດ້ 60-70ລ້ານກີບຕໍ່ປີ. ທ່ານ ພົງສະຫວັດ ອິນພອນ ໃຫ້ຮູ້ວ່າ: ຍ້ອນຮຽນຈົບດ້ານການປູກຝັງ-ລ້ຽງສັດ ຕົນເອງຈຶ່ງໄດ້ເລີ່ມປະກອບອາຊີບລ້ຽງໄກ່ພັນໄຂ່ມາແຕ່ປີ 2015...

ກົມພັດທະນາສີມືແຮງງານ ແລະ ຈັດຫາງານກະຊວງແຮງງານ ແລະ ສະຫວັດດີການສັງຄົມ ( ຮສສ ) ໄດ້ຈັດຊຸດອົບຮົມກ່ຽວກັບການກະກຽມລົງໂຄສະນາເຜີຍແຜ່ຂໍ້ມູນ - ຂ່າວສານການເຄື່ອນຍ້າຍແຮງງານທີ່ປອດໄພ ຂຶ້ນໃນລະຫວ່າງວັນທີ 16 - 17 ກັນຍາ 2020 ທີ່ຢູ່ແຂວງບໍລິຄຳໄຊ ໂດຍການເຂົ້າຮ່ວມເປັນປະທານຂອງ ທ່ານ ນາງ ວັນນີ ແກ້ວໄຊຍະວົງ ຮອງຫົວໜ້າກົມພັດທະນາສີມືແຮງງານ...

ບ້ານບ້ານ ຖືເປັນຊື່ຍີ່ຫໍ້ກະແລ້ມລາວ ທີ່ກຳລັງມາແຮງໃນປັດຈຸບັນດ້ວຍຍອດຂາຍ ປະມານ 1 ແສນໄມ້ຕໍ່ເດືອນ. ພ້ອມດຽວກັນນັ້ນ, ຜະລິດຕະພັນດັ່ງກ່າວຍັງໄດ້ຮັບກາໝາຍໂອດ໊ອບ ແລະ ໃບຢັ້ງຢືນ Made in Laos ເຊິ່ງມີຈຳໜ່າຍຢູ່ຮ້ານສະດວກຊື້, ຮ້ານຄ້າທົ່ວໄປໃນນະຄອນຫຼວງວຽງຈັນ. ທ່ານ ອານັນ ທອງສະຫວັດ ເຈົ້າຂອງກະແລ້ມບ້ານບ້ານ ໃຫ້ສຳພາດວ່າ: ພາຍຫຼັງທີ່ໄດ້ເຮັດຜະລິດຕະພັນກະແລ້ມ ບ້ານບ້ານ ອອກມາໃນປີ 2019 ມາຮອດປັດຈຸບັນກໍເຫັນວ່າຜົນຕອບຮັບຂ້ອນຂ້າງດີຫຼາຍ...

ປັດຈຸບັນ ແນ່ນອນວ່າການສ້າງເສດຖະກິດຄອບຄົວໃຫ້ກຸ້ມ ຫຼື ມີຢູ່ມີກິນ ເປັນສິ່ງສໍາຄັນຂອງການໃຊ້ຊີວິດຢູ່ສັງຄົມໜຶ່ງໆ ແຕ່ວິທີການຂອງແຕ່ລະຄົນແຕ່ລະຄອບຄົວນັ້ນ ຍ່ອມແຕກຕ່າງກັນ ແລະ ທີ່ສໍາຄັນລາຍຮັບກໍ່ແຕກຕ່າງເຊັ່ນກັນ ແຕ່ບໍ່ວ່າຈະດ້ວຍວິທີໃດ ເປົ້າໝາຍດຽວກັນທີ່ທຸກຄົນມີຄືຫາເງິນລ້ຽງຕົນເອງ ແລະ ຄອບຄົວ, ດັ່ງທ່ານ ນາງ ພຽນ ວົງພີມ ອາຍຸ 48 ປີ ປະຊາຊົນບ້ານເວີນແຄນ ເມືອງມຸນລະປາໂມກ ແຂວງຈຳປາສັກ​ ທີ່ຍຶດຖືການຜະລິດເສັ້ນເຝີເປັນສິນຄ້າ...