ຂ່າວຕ່າງປະເທດ Archives - Laoedaily

ເສດຖະກິດແມັກຊິກເຂົ້າສູ່ພາວະຕົກຕໍ່າ

ແມັກຊິກປະເສດມີຂະໜາດເສດຖະກິດທີ່ສຸດອັນດັບ2ຂອງອາເມຣິກາລາຕິນຮອງຈາກບຣາຊິນເຂົ້າສູ່ພາວະເສື່ອມໂຊມໃນ2ໄຕມາດຂອງປີນີ້ ແລະ ມີອັດຕາການຂະຫຍາຍຕົວເປັນ0%ໃນໄລຍະໄຕມາດ3ຕາມຂໍ້ມູນຂອງທາງການແມັກຊິກລາຍງານເມື່ອວັນທີ25ເດືອນ ພະຈິກທີ່ຜ່ານມາ. ຕົວເລກເສດຖະກິດນີ້ເນັ້ນຢໍ້າໃຫ້ເຫັນເຖິງຜົນງານທາງເສດຖະກິດທີ່ອ່ອນແອຂອງລັດຖະບານແມັກຊິກພາຍໃຕ້ການນໍາຂອງທ່ານ ອັນເດຣດ ມານູເອວ ໂລເປດ ໂອບຣາດໍ ປະທານາທະບໍດີເຊິ່ງກໍາລັງພະຍາຍາມຢ່າງໜັກເພື່ອເຮັດຕາມສັນຍາວ່າຈະເລີ່ມຊຸກຍູ້ເສດຖະກິດໃນປີທໍາອິດທີ່ເຂົ້າມາບໍລິຫານປະເທດ. ຂໍ້ມູນສະບັບປັບປຸງຂອງສະຖາບັນສະຖິຕິແຫ່ງຊາດແມັກຊິກພົບວ່າ:ເສດະກິດຂອງແມັກຊິກໃນໄລຍະ2ໄຕມາດທໍາອິດຂອງປີນີ້ຫຼຸດລົງໄຕມາດລະ0,1% ແລະ ຢູ່ໃນພາວະງຽບເຫງົາໃນໄຕມາດ3ຫຼັງຈາກເບື້ອງຕົ້ນປະເມີນວ່າເສດຖະກິດຂອງແມັກຊິກຈະຫຼຸດລົງ0,2%ໃນໄຕມາດທໍາອິດຈາກນັ້ນຈະຂະຫຍາຍຕົວ0,1%ໃນໄຕມາດ2ກ່ອນມີການປັບແກ້ເຫຼືອ0% ແລະ ຫົດຕົວອີກຄັ້ງ0,1%ໃນໄຕມາດ3. […]

ອາຍພິດເຮືອນແກ້ວໃນຊັ້ນບັນຍາກາດໂລກຍັງເຂັ້ມຂຸ້ນ

ລະດັບຄວາມເຂັ້ມຂຸ້ນຂອງອາຍພິດເຮືອນແກ້ວໃນຊັ້ນບັນຍາກາດໂລກເມື່ອປີ2018ເພີ່ມຂຶ້ນຈົນເຖິງຂັ້ນທໍາລາຍສະຖິຕິທີ່ມີການບັນທຶກໄວ້ອີກຄັ້ງ. ອົງການອຸຕຸນິຍົມວິທະຍາໂລກແຈ້ງການວ່າ:ເມື່ອປີ2018,ຄວາມເຂັ້ມຂຸ້ນຂອງອາຍພິດເຮືອນແກ້ວໃນຊັ້ນບັນຍາກາດໂລກເພີ່ມຂຶ້ນໃນອັດຕາສູງກວ່າຄ່າສະເລ່ຍຂອງທັງທົດສະວັດທີ່ຜ່ານມາຄືຢູ່ທີ່407,8ສ່ວນໃນລ້ານສ່ວນ(ppm)ສູງກວ່າຂອງປີ2017ເຊິ່ງຢູ່ທີ່405,5 ppmທັງສູງກວ່າລະດັບກ່ອນສະໄໝອຸດສາຫະກໍາໃນປີ1750ເຖິງ147%. ສ່ວນຄວາມເຂັ້ມຂຸ້ນຂອງອາຍພິດເຮືອນແກ້ວອື່ນໆເຊັ່ນມີເທນ ແລະ ໄນຕຣັດອອກໄຊກໍເພີ່ມຂຶ້ນສູງກວ່າຄ່າສະເລ່ຍນໍາເຊັ່ນກັນໂດຍກວ່າ60%ຂອງມີເທນໃນຊັ້ນບັນຍາກາດມາຈາກກິດຈະກໍາຂອງມະນຸດເຊັ່ນປູກຝັງ ແລະ ລ້ຽງສັດເຮັດໃຫ້ມີເທນໃນຊັ້ນບັນຍາກາດໃນປັດຈຸບັນເພີ່ມຂຶ້ນສູງກວ່າໄລຍະຍຸກອຸດສາຫະກໍາເຖິງ259%ສ່ວນໄນຕຣັດອອກໄຊທີ່ບາງສ່ວນມາຈາກການໃຊ້ປຸ໋ຍມີຄວາມເຂັ້ມຂຸ້ນເພີ່ມຂຶ້ນກວ່າ123%ເມື່ອປຽບທຽບກັບປີ1750. ນັບຕັ້ງແຕ່ປີ1990ເປັນຕົ້ນມາຜົນກະທົບຈາກອາຍພິດເຮືອນແກ້ວຕໍ່ອຸນຫະພູມໂລກທີ່ເພີ່ມຂຶ້ນໂດຍລວມຖືວ່າສູງເຖິງ43%ເຮັດໃຫ້ໂລກຮ້ອນ ແລະ ເກີດການປ່ຽນແປງຂອງອາກາດໂລກເປັນບໍລິເວນກວ້າງ.  

ກັງວົນຜູ້ອົບພະຍົບຈາກຊີຣີຈະລົ້ນອີຣັກ

ສໍານັກງານຂ້າຫຼວງໃຫຍ່ຜູ້ລີ້ໄພແຫ່ງສະຫະປະຊາຊາດຫຼືຢູເອັນເອຊຊີອາຣ໌ລາຍງານວ່າ:ເຂດເຄີດິສະຖານປະເທດອີຣັກກໍາລັງຮັບມືກັບຜູ້ລີ້ໄພທີ່ຫຼັ່ງໄຫຼມາຈາກຊີຣີເຊິ່ງກ່ອນໜ້ານີ້ກໍມີຜູ້ລີ້ໄພຢູ່ແລ້ວກວ່າ3,5ແສນຄົນກະຈາຍຢູ່22ເຂດ,ແຕ່ເມື່ອຕົ້ນເດືອນນີ້ສະຖານະການທາງຕາເວັນອອກສຽງເໜືອຂອງຊີຣີທະວີຄວາມຮ້າຍແຮງແຫ່ງເຮັດໃຫ້ຜູ້ລີ້ໄພເພີ່ມຂຶ້ນຫຼາຍເທົ່າຈົນກັງວົນວ່າຈໍານວນຜູ້ລີ້ໄພຈະລົ້ນອີຣັກໃນບໍ່ຊ້າ. ໃນໄລຍະທີ່ຜ່ານມາ,ຢູເອັນເອຊຊີອາຣ໌ຕັ້ງຄ້າຍ21ຄ້າຍໃນອີຣັກຮອງຮັບຜູ້ລີ້ໄພ ແລະ ຜູ້ພັດຖິ່ນໃນປະເທດຕັ້ງແຕ່ເກີດສົງຄາມໃນຊີຣີ ແລະ ການຍຶດຄອງຂອງກຸ່ມໄອເອສໂດຍຄ້າຍໃໝ່ແຫ່ງທີ22ຊື່ວ່າຄ້າຍດາຣາດຮອງຮັບໄດ້13.000ຄົນ,ທຸກຄ້າຍເຕັມໝົດແລ້ວ ແລະ ຄ້າຍໃໝ່ເຕັມພາຍໃນ7ມື້. ນີ້ຄືຄວາມຫຍຸ້ງຍາກລໍາບາກຂອງກຸ່ມຄົນຈໍານວນຫຼາຍທີ່ຕ້ອງອົບພະຍົບເພື່ອເອົາຊີວິດໃຫ້ລອດເຊິ່ງໜ້າທີີ່ຂອງຢູເອັນເອຊຊີອາຣ໌ຄືເຂົ້າຊ່ວຍຜູ້ລອດຊີວິດຈາກການເດີນທາງອັນໂຫດຮ້າຍທັນທີທີ່ພວກເຂົາມາເຖິງ ແລະ ຈັດຫາສະຖານທີ່ພັກພິງໃຫ້ກັບຜູ້ລອດຊີວິດ,ມອບຄວາມຄຸ້ມຄອງ ແລະ ນໍາຫາຄອບຄົວຄືນໃຫ້ກັບຜູ້ລີ້ໄພ,ໃຫ້ຄວາມຊ່ວຍເຫຼືອດ້ານການແພດ,ສະໜັບສະໜູນດ້ານການສຶກສາແກ່ເດັກນ້ອຍຜູ້ລີ້ໄພ ແລະ ຜູ້ພັດຖິ່ນໃນຊີຣີຕະຫຼອດຮອດສິ່ງທີ່ຈໍາເປັນອື່ນໆ. […]

ເວນິດສ່ຽງຫຼຸດສະຖານະເມືອງມໍລະດົກໂລກເຫດນໍ້າຖ້ວມດຸ

ເນດໂກເຕືອນເມືອງເວນິດກໍາລັງສ່ຽງຫຼຸດສະຖານະການເປັນເມືອງມໍລະດົກໂລກຫາກຍັງບໍ່ສາມາດມີນະໂຍບາຍປ້ອງກັນໄພນໍ້າຖ້ວມທີ່ຮ້າຍແຮງຂຶ້ນທຸກປີໄດ້ດີກວ່ານີ້. ຄະນະກໍາມາທິການມໍລະດົກໂລກຂອງອົງການສຶກສາວິທະຍາສາດ ແລະ ວັດທະນະທໍາແຫ່ງສະຫະປະຊາຊາດຫຼືຢູເນດໂກອອກແຈ້ງການວ່າ:ຢູເນດໂກມີຄວາມກັງວົນຢ່າງຍິ່ງຕໍ່ການທີ່ບູຮານສະຖານຫຼາຍແຫ່ງໃນເມືອງ ເວນິດທາງຕາເວັນຕົກສຽງເໜືອຂອງປະເທດ ອີຕາລີໄດ້ຮັບຄວາມເສຍຫາຍຢ່າງໜັກຈາກເຫດນໍ້າຖ້ວມກະທັນຫັນທີ່ເກີດຂຶຶ້ນຊໍ້າຊາກໂດຍຫຼຸ້າສຸດເກີດເມື່ອກາງເດືອນ ພະຈິກນີ້ຫຼັງລະດັບນໍ້າທະເລໜູນສູງສຸດໃນຮອບ53ປີ. ມະຫາວິຫານຊໍາມາໂກຫຼືເຊນມາກ ແລະ ຈະຕຸລັດຊັນມາໂກເຊິ່ງຕັ້ງຢູ່ທາງໜ້າມະຫາວິຫານຈົມຢູ່ໃຕ້ລະດັບນໍ້າສູງເປັນຄັ້ງທີ6ໃນຮອບ1.200ປີ ແລະ ເປັນຄັ້ງທີ4ແລ້ວພາຍໃນໄລຍະເວລາພຽງ2ທົດສະວັດ. ຄວາມເສຍຫາຍຕໍ່ມະຫາວິຫານດັ່ງກ່າວຈາກນໍ້າຖ້ວມໃນຄັ້ງນີ້ຍາກທີ່ຈະໄດ້ຮັບການບູລະນະເນື່ອງຈາກກະແສນໍ້າທີ່ຖ້ວມເມືອງນັ້ນເປັນນໍ້າທະເລຫຼືນໍ້າເຄັມກັດເຊາະສະຖາປັດຕະຍາກໍາທີ່ເປັນພື້ນໂມເສກ ແລະ ທາງຍ່າງໂດຍຮອບຈົນເສຍຫາຍໂດຍການບູລະນະຕ້ອງໃຊ້ງົບປະມານມະຫາສານ. […]

ຈີນຕັ້ງເປົ້າຜະລິດຊິບປ້ອນຕະຫຼາດໂລກ

ຈີນຕັ້ງເປົ້າຜະລິດຊິບຄວາມຈໍາປະລິມານເພີ່ມຂຶ້ນຈາກ0%ເມື່ອປີກ່ອນເປັນ5%ຂອງຜົນຜະລິດຊິບໂດຍລວມທົ່ວໂລກພາຍໃນປີ2020 ແລະ ພາຍໃຕ້ນະໂຍບາຍເພິ່ງພາເທັກໂນໂລຢີຂອງຕົນເອງຂອງລັດຖະບານເຮັດໃຫ້ຈີນປະກາດວ່າຈະເລີ່ມຜະລິດຊິບຄວາມຈໍາປະລິມານຫຼາຍສໍາລັບຕະຫຼາດໂລກໄດ້ຕັ້ງແຕ່ປີໜ້າ. ລັດຖະບານຈີນປະກາດກົນລະຍຸດໃຫ້ຄວາມສໍາຄັນອັນດັບຕົ້ນໆກັບເທັກໂນໂລຢີປັນຍາປະດິດຫຼືເອໄອໂດຍທຸ່ມງົບຫຼາຍຕື້ໂດລາໄປກັບການສ້າງຄວາມແຂງແກ່ນໃຫ້ກັບອຸດສາຫະກໍາເຊມິຄອນດັກເຕີຢ່າງຈິງຈັງຫຼັງຈາກທີ່ປ່ອຍປະລະເລີຍອຸດສາຫະກໍານີ້ມາຍາວນານ. ປັດຈຸບັນກໍາລັງການຜະລິດໜ່ວຍຄວາມຈໍາປະເພດແຟນໄດ ແລະ ຊິບແດຣມທົ່ວໂລກເຊິ່ງຈີນບໍ່ເຄີຍຜະລິດມາກ່ອນຢູ່ທີ່ປະມານເດືອນລະ1,3ລ້ານເວເຟສໍາລັບຊິບແຕ່ລະປະເພດ ແລະ ໃນອຸດສາຫະກໍາຊິບທັງ2ປະເພດນີ້ມີບໍລິສັດອາເມຣິກາ,ສ.ເກົາຫຼີ ແລະ ຍີ່ປຸ່ນເປັນເຈົ້າຕະຫຼາດຢູ່. ບໍລິສັດ ແຢງຊີ ເມມໂມຣີ ບໍລິສັດຜະລິດຊິບສັນຊາດຈີນໃຫ້ຮູ້ວ່າ:ບໍລິສັດເລີ່ມຜະລິດຊິບຄວາມຈໍາຕັ້ງແຕ່ເດືອນ […]

ຫຼຸດຄາດການເສດຖະກິດໂລກປີໜ້າເຕີບໃຫຍ່ພຽງ2,9%

ອົງການເພື່ອຄວາມຮ່ວມມືທາງເສດຖະກິດ ແລະ ການພັດທະນາຫຼືໂອອີຊີດີປະກາດປັບຫຼຸດຄາດຄະເນການຂະຫຍາຍຕົວຂອງເສດຖະກິດໂລກໃນປີໜ້າສູ່ລະດັບ2,9%ຈາກລະດັບ3%ໂດຍໄດ້ຮັບຜົນກະທົບຈາກຄວາມເຄັ່ງຕຶງທາງການຄ້າລະຫວ່າງອາເມຣິກາ ແລະ ຈີນ,ການຫຼຸດລົງຂອງການລົງທຶນທາງທຸລະກິດ ແລະ ຄວາມບໍ່ແນ່ນອນທາງການເມືອງ. ຂະນະດຽວກັນ,ໂອອີຊີດີຄາດຄະເນວ່າ:ເສດຖະກິດອາເມຣິກາຈະຂະຫຍາຍຕົວຊ້າລົງສູ່ລະດັບ2%ທັງໃນປີ2020 ແລະ ປີ2021,ສ່ວນເສດຖະກິດເອີໂຣໂຊນ ແລະ ຍີ່ປຸ່ນຈະມີການຂະຫຍາຍຕົວ1%. ນອກຈາກນີ້,ໂອອີຊີດີຍັງຄາດຄະເນວ່າປະລິມານການຄ້າສິນຄ້າ ແລະ ບໍລິການທົ່ວໂລກຈະຫຼຸດລົງຈຸລະດັບ1%ໃນປີນີ້ເຊິ່ງເປັນລະດັບຕໍ່າທີ່ສຸດໃນຮອບ10ປີ. […]

ຈີນຕັ້ງເປົ້າຜະລິຊິບປ້ອນຕະຫຼາດໂລກ

ຈີນຕັ້ງເປົ້າຜະລິດຊິບຄວາມຈໍາປະລິມານເພີ່ມຂຶ້ນຈາກ0%ເມື່ອປີກ່ອນເປັນ5%ຂອງຜົນຜະລິດຊິບໂດຍລວມທົ່ວໂລກພາຍໃນປີ2020 ແລະ ພາຍໃຕ້ນະໂຍບາຍເພິ່ງພາເທັກໂນໂລຢີຂອງຕົນເອງຂອງລັດຖະບານເຮັດໃຫ້ຈີນປະກາດວ່າຈະເລີ່ມຜະລິດຊິບຄວາມຈໍາປະລິມານຫຼາຍສໍາລັບຕະຫຼາດໂລກໄດ້ຕັ້ງແຕ່ປີໜ້າ. ລັດຖະບານຈີນປະກາດກົນລະຍຸດໃຫ້ຄວາມສໍາຄັນອັນດັບຕົ້ນໆກັບເທັກໂນໂລຢີປັນຍາປະດິດຫຼືເອໄອໂດຍທຸ່ມງົບຫຼາຍຕື້ໂດລາໄປກັບການສ້າງຄວາມແຂງແກ່ນໃຫ້ກັບອຸດສາຫະກໍາເຊມິຄອນດັກເຕີຢ່າງຈິງຈັງຫຼັງຈາກທີ່ປ່ອຍປະລະເລີຍອຸດສາຫະກໍານີ້ມາຍາວນານ. ປັດຈຸບັນກໍາລັງການຜະລິດໜ່ວຍຄວາມຈໍາປະເພດແຟນໄດ ແລະ ຊິບແດຣມທົ່ວໂລກເຊິ່ງຈີນບໍ່ເຄີຍຜະລິດມາກ່ອນຢູ່ທີ່ປະມານເດືອນລະ1,3ລ້ານເວເຟສໍາລັບຊິບແຕ່ລະປະເພດ ແລະ ໃນອຸດສາຫະກໍາຊິບທັງ2ປະເພດນີ້ມີບໍລິສັດອາເມຣິກາ,ສ.ເກົາຫຼີ ແລະ ຍີ່ປຸ່ນເປັນເຈົ້າຕະຫຼາດຢູ່. ບໍລິສັດ ແຢງຊີ ເມມໂມຣີ ບໍລິສັດຜະລິດຊິບສັນຊາດຈີນໃຫ້ຮູ້ວ່າ:ບໍລິສັດເລີ່ມຜະລິດຊິບຄວາມຈໍາຕັ້ງແຕ່ເດືອນ […]

ລາຄາອະສັງຫາລິມະຊັບທົ່ວໂລກອ່ອນແຮງ

ດັດຊະນີລາຄາອະສັງຫາລິມະຊັບຕາມເມືອງໃຫຍ່ທົ່ວໂລກໃນໄຕມາດ3ຂອງປີ2019ຫຍັບຂຶ້ນພຽງ1,1%ຫຼຸດຄວາມໜ້າດຶງດູດໃຈລົງຫຼາຍໃນສາຍຕາຂອງນັກທຸລະກິດຈາກປັດໄຈລົບໂດຍສະເພາະບັນຫາການຄ້າລະຫວ່າງອາເມຣິກາກັບຈີນທີ່ແກ່ຍາວມາປີກວ່າຕະຫຼອດຮອດການຖອນຕົວອອກຈາກອີຢູຂອງອັງກິດ ແລະ ຄວາມບໍ່ສະຫງົບໃນຮົງກົງ. ບົດລາຍງານດັດຊະນີລາຄາອະສັງຫາລິມະຊັບຕາມເມືອງໃຫຍ່ທົ່ວໂລກຂອງ ໄນແຟຣງບົ່ງຊີ້ວ່າ:ໃນໄຕມາດ3ຂອງປີນີ້,ລາຄາອະສັງຫາລິມະຊັບຕາມເມືອງໃຫຍ່ເຊັ່ນ ນິວຢອກຂອງອາເມຣິກາ,ລອນດອນຂອງອັງກິດ ແລະ ແວນຄູເວີຂອງການາດາມີລັກສະນະປັບຕົວຫຼຸດລົງໃນອັດຕາຕໍ່າສຸດນັບຕັ້ງແຕ່ປີ2009ສະແດງໃຫ້ເຫັນວ່າອະສັງຫາລິມະຊັບຕາມເມືອງໃຫຍ່ເຫຼົ່ານີ້ມີຄວາມໜ້າສົນໃຈໃນສາຍຕາຂອງນັກທຸລະກິດຫຼຸດໜ້ອຍຖອຍລົງ. ຈາກປັດໄຈຮອບດ້ານທັງບັນຫາການຄ້າລະຫວ່າງອາເມຣິກາກັບຈີນທີ່ເຮັດໃຫ້ກະແສເງິນສົດໝູນວຽນຂ້າມຊາຍແດນຫຼຸດລົງຕາມມາດ້ວຍຄວາມບໍ່ແນ່ນອນຈາກການທີ່ອັງກິດຖອນຕົວຈາກອີຢູ,ຄວາມບໍ່ສະຫງົບໃນຮົງກົງ,ການຂຶ້ນພາສີຊື້ຂາຍອະສັງຫາລິມະຊັບຕາມເມືອງໃຫຍ່ບາງແຫ່ງ,ການເລັ່ງສ້າງອະສັງຫາລິມະຊັບຫຼູຫຼາລາຄາແພງຈົນເກີນໄປເຮັດໃຫ້ເກີດພາວະລາຄາອະສັງຫາລິມະຊັບຕົກຕໍ່າ. ທັງນີ້,ລາຄາອະສັງຫາລິມະຊັບຕາມເມືອງໃຫຍ່ຕ່າງໆ45ແຫ່ງປັບຕົວຂຶ້ນສະເລ່ຍພຽງ1,1%ໃນໄຕມາດ3ຂອງປີນີ້ເມື່ອປຽບທຽບກັບໄລຍະດຽວກັນຂອງປີກ່ອນ,ແຍກເປັນລາຄາອະສັງຫາລິມະຊັບໃນນິວຢອກປັບຕົວລົງ4,4%,ໃນລອນດອນ3,9% ແລະ ແວນຄູເວີຫຼຸດລົງ10%. ບົດລາຍງານໃຫ້ຮູ້ວ່າ:ລອນດອນ,ຮົງກົງ ແລະ ນິວຢອກທີ່ຖືກມອງວ່າເປັນດັດຊະນີຊີ້ວັດຕະຫຼາດອະສັງຫາລິມະຊັບທີ່ຢູ່ອາໄສຫຼັງຈາກຜ່ານພົ້ນໄລຍະວິກິດການການໂລກເມື່ອປີ2008ກໍາລັງສູນເສຍສະຖານະໃນຖານະເປັນສະຖານທີ່ປອດໄພໃນສາຍຕາຂອງຜູ້ຊື້ຕ່າງປະເທດທີ່ມີຖານະທີ່ຕ້ອງການນໍາເງິນສົດທີ່ຖືຄອງມາພັກໄວ້ໃນເມືອງໃຫຍ່ເຫຼົ່ານີ້ຫຼືໃຊ້ເປັນສະຖານທີ່ຢູອາໄສສ່ວນຕົວ. […]

ໂລກຮ້ອນກະທົບເສດຖະກິດໂລກໂດຍກົງ

ຜົນການວິເຄາະໃໝ່ໃຫ້ຮູ້ວ່າ:ການປ່ຽນແປງຂອງອາກາດໂລກຈະກະທົບເສດຖະກິດໂລກໂດຍກົງ7,9ພັນຕື້ໂດລາພາຍໃນປີ2050ເນື່ອງຈາກຄວາມແຫ້ງແລ້ງ,ນໍ້າຖ້ວມ ແລະ ຜົນຜະລິດທາງກະສິກໍາໄດ້ຮັບຄວາມເສຍຫາຍ. ດັດຊະນີການປ່ຽນແປງຂອງອາກາດທີ່ວັດແທກຄວາມກຽມພ້ອມຂອງເສດຖະກິດໃຫຍ່82ແຫ່ງຂອງໂລກຊີ້ວ່າ:ຫາກທ່າອ່ຽງຍັງເປັນເຊັນໃນປັດຈຸບັນຕໍ່ໄປອຸນຫະພູມໂລກຮ້ອນຂຶ້ນຈະເຮັດໃຫ້ຈີດີພີຂອງໂລກຫຼຸດລົງ3%ພາຍໃນປີ2050ຈາກ258ພັນຕື້ໂດລາເຫຼືອ250ພັນຕື້ໂດລາ,ປະເທດພັດທະນາແລ້ວມີການປັບຕົວຫຼາຍກວ່າປະເທດດ້ອຍພັດທະນາ;ສະນັ້ນການປ່ຽນແປງຂອງອາກາດຈະເຮັດໃຫ້ຊ່ອງວ່າລະຫວ່າງພັດທະນາແລ້ວກັບດ້ອຍພັດທະນາແຫ່ງຫ່າງກັນອອກໄປ. ຜົນການວິເຄາະພົບວ່າ:ທະວີບທີ່ມີຄວາມສ່ຽງສູງຄືທະວີບອາຟຣິກາ,ຈີດີພີສ່ຽງຫຼຸດລົງ4,7%,ສ່ວນປະເທດທີ່ສ່ຽງສູງສຸດຄືແອງໂກລາຈີດີພີຫຼຸດລົງ6,1%ຮອງລົງມາຄືນີເຊຣີ5,9%,ເອຢິບ5,5%,ບັງກລາເທດ5,4% ແລະ ເວເນຊູເອລາ5,1%. ຂະນະທີ່ຣັດເຊຍສ່ຽງຈີດີພີຫຼຸດລົງ5% ແລະ ຈະໄດ້ຮັບຄວາມເດືອດຮ້ອນຫຼາຍທີ່ສຸດໃນໂລກເນື່ອງຈາກຊັ້ນດິນນໍ້າກ້ອນທີ່ເປື່ອຍຈະທໍາລາຍໂຄງສ້າງທໍ່ສົ່ງນໍ້າມັນທີ່ມີຄວາມສໍາຄັນຂອງຣັດເຊຍ.

ຈີນເພີ່ມເງິນເຂົ້າສູ່ລະບົບເສດຖະກິດເສີມສະພາບຄ່ອງ

ທະນາຄານກາງຈີນກະຕຸ້ນສະພາບຄ່ອງເຂົ້າສູ່ລະບົບການເງິນຜ່ານການດໍາເນີນການປ່ອຍເງິນກູ້ຢືມໄລຍະກາງແກ່ທະນາຄານເອກະຊົນເພື່ອສ້າງສະພາບຄ່ອງ. ໂດຍທະນາຄານກາງຈີນໄດ້ປະກາດເພີ່ມຈໍານວນເງິນກູ້ຢືມໃນໄລຍະເວລາ1ປີໃຫ້ກັບທະນາຄານເອກະຊົນເປັນຈໍານວນເງິນ200.000ລ້ານຢວນຫຼືເທົ່າກັບ29.000ລ້ານໂລດາໃຫ້ອັດຕາດອກເບ້ຍ3,25%. ການເພີ່ມເງິນດັ່ງກ່າວມີຈຸດປະສົງເພື່ອເສີມສະພາບຄ່ອງແກ້ທະນາຄານເອກກະຊົນໃຫ້ພຽງພໍສໍາລັບໃນໄລຍະເວລາທີ່ຕ້ອງຈ່າຍພາສີ,ຢ່າງໃດກໍຕາມທະນາຄານກາງຈີນຢືນຢັນວ່າສະພາບຄ່ອງໃນລະບົບທະນາຄານຍັງຢູ່ໃນລະດັບປົກກະຕິ. ເມື່ອເດືອນ ຕຸລາທີ່ຜ່ານມາ,ທະນາຄານກາງຈີນໄດ້ປະກາດຫຼຸດອັດຕາບອກເບ້ຍການປ່ອຍເງິນກູ້ຢືມໄລຍະກາງແກ່ທະນາຄານເອກະຊົນເພີ່ມເສີມສະພາບຄ່ອງຈາກອັດຕາເກົ່າທີ່3,3%ສູ່ລະດັບ3,25%ຖືວ່າເປັນການປັບຫຼຸດອັດຕາດອກເບ້ຍລົງເປັນຄັ້ງທໍາອິດນັບຕັ້ງແຕ່ປີ2016ເພື່ອຊຸກຍູ້ເສດຖະກິດເຊິ່ງໄດ້ຮັບຜົນກະທົບຈາກພາວະຫົດຕົວທາງເສດຖະກິດ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ