ໃນປັດຈຸບັນເຕັກໂນໂລຊີ ເຂົ້າມາມີບົດບາດສໍາຄັນໃນຊີວິດປະຈໍາວັນຂອງຄົນເຮົາຫຼາຍຂຶ້ນ ອາດເວົ້າໄດ້ວ່າສະມາດໂຟນກາຍເປັນເປັນໄຈ 5ຂອງມະນຸດ ເພາະສາມາດເຮັດໃຫ້ເຮົາເຂົ້າເຖິງຂໍ້ມູນຕ່າງໆໄດ້ງ່າຍ ແລະ ໄວ ລວມທັງການເຂົ້າເຖິງສື່ສັງຄົມອອນລາຍ ( Social media ) ເຊັ່ນ: Facebook Twitter, Instagram ແລະ Instant messaging ເປັນຕົ້ນ.
ອາການເສບຕິດໂຊຊ່ຽວມີເດຍ ຫຼື Social Addiction ແມ່ນການທີ່ເຮົາພະຍາຍາມທີ່ຈະຄວບຄຸມການເຂົ້າເຖິງ Social media ແຕ່ບໍ່ສາມາດຄວບຄຸມໄດ້ ຫຼື ໝາຍເຖິງການໃຊ້ Social media ເປັນເວລາດົນເກີນໄປຈົນພາໃຫ້ເກີດຜົນກະທົບຕໍ່ການເຮັດວຽກ, ການຮຽນ ແລະ ການຂາດປະຕິສໍາພັນກັບຄົນອ້ອມຂ້າງ, ນອກຈາກນີ້ການເສບຕິດ Social media ຍັງເປັນພຶດຕິກໍາສ່ຽງພາໃຫ້ເກີດພະຍາດຊຶມເສົ້າ, ຕຶງຄຽດ, ສະມາທິສັ້ນ ແລະ ໄບໂພລ່າ ເນື່ອງຈາກການຈົດຈໍ່ຢູ່ກັບສະມາດໂຟນ ຫຼື Social media ເປັນເວລາດົນຕະຫຼອດວັນຈະເຮັດໃຫ້ມີເວລາໃນການພັກຜ່ອນໜ້ອຍລົງ ແລະ ເກີດການຂັງຕົວເອງໃນໂລກອອນລາຍຫຼາຍເກີນໄປ ຈົນຕັດຂາດຈາກຄົນອ້ອມຂ້າງ ເຊິ່ງຈະມີອາການເຫຼົ່ານີ້:
- ຢູ່ກັບ Social media ຫຼາຍກວ່າທີ່ຕັ້ງໃຈໄວ້
- ເວລາທີ່ບໍ່ໄດ້ໃຊ້ Social media ຈະມີພາວະກະວົນກະວາຍໃຈ ຫຼື ຫງຸດຫງິດ
- ພະຍາຍາມຄວບຄຸມການເຂົ້າເຖິງ Social media ແຕ່ບໍ່ສາມາດຄວບຄຸມໄດ້
- ຄິດເຖິງ Social media ຢູ່ເລື້ອຍໆບໍ່ວ່າຈະເຮັດຫຍັງຢູ່ກໍຕາມ
- Social media ເປັນສາເຫດໃຫ້ເກີດບັນຫາການເຮັດວຽກ ຫຼື ເກີດບັນຫາຄວາມສໍາພັນກັບຄົນໃກ້ຊິດ
ລັກສະນະອາການເຫຼົ່ານີ້ ເປັນຕົວຊີ້ບອກໄດ້ວ່າ ສື່ສັງຄົມອອນລາຍເລີ່ມມີຜົນກະທົບຕໍ່ການໃຊ້ຊີວິດປະຈໍາວັນ ແລ້ວ ຕົວເຮົາເອງສາມາດປ້ອງກັນ ແລະ ແກ້ໄຂບັນຫາພະຍາດຕິດຕໍ່ທາງສື່ສັງຄົມອອນລາຍເບື້ອງຕົ້ນໄດ້ ຄື: ພະຍາຍາມຈໍາກັດເວລາການໃຊ້ Social media ໃຫ້ຫຼຸດລົງ ຫຼື ກໍານົດເວລາໃຫ້ຊັດເຈນ ໂດຍການຕັ້ງໂມງແຈ້ງເຕືອນ ເພື່ອຊ່ວຍ ແລະ ພະຍາຍາມຫາກິດຈະກໍາອື່ນເຮັດ ເພື່ອບ່າຍບ່ຽງຄວາມສົນໃຈ ເຊັ່ນ: ການອອກກຳລັງກາຍ, ຫິ້ນກີລາ, ຟັງເພງ, ພົບປະໝູ່ເພື່ອນ ຫຼື ພີ່ນ້ອງ, ທ່ອງທ່ຽວ ແລະ ຫາກິດຈະກໍາອື່ນໆເຮັດຄາຍຄວາມຄຽດ.
ຂໍ້ມູນຈາກ: Sanook
