ມະເຮັງທໍ່ນ້ຳບີ ເປັນມະເຮັງທີ່ພົບໄດ້ຫຼາຍໃນປະເທດລາວ ແລະ ເປັນສາເຫດການເສຍຊີວິດຍ້ອນມະເຮັງອັນດັບຕົ້ນໆຂອງປະເທດເຮົາອີກດ້ວຍ
ປັດໄຈສ່ຽງແລະສາເຫດຂອງພະຍາດມະເຮັງທໍ່ນ້ຳບີມີ:
1.ການຕິດເຊື້ອພະຍາດໃບໄມ້ໃນຕັບ ເຊິ່ງເກີດຈາກການກິນອາຫານສຸກໆດິບໆ ໂດຍສະເພາະປານ້ຳຈືດທີ່ມີເກັດ ເຊັ່ນ ກ້ອຍປາດິບ, ເມນູປາດິບອື່ນໆ ແລະ ປາແດກດິບ,
- ພາວະທໍ່ນ້ຳບີອັກເສບຊຳເຮື້ອ, ພາວະໜິ້ວຂອງທໍ່ນ້ຳບີພາຍໃນຕັບ ແລະ ຄວາມຜິດປົກກະຕິຂອງທໍ່ທາງເດີນນ້ຳບີມາແຕ່ກຳເນີດ ເຊັ່ນ ພະຍາດທໍ່ນ້ຳບີໂປ່ງໂພງ
3.ນອກຈາກນັ້ນຍັງເກີດພາວະອື່ນໆ ເຊັ່ນ ການຕິດເຊື້ອໄວຣັສຕັບອັກເສບບີ ຫຼື ຊິ, ພາວະຕັບແຂງ, ເບົາຫວານ, ພາວະຕຸ້ຍ, ການສູບຢາ ແລະ ການດື່ມເຫຼົ້າ-ເບຍ ເປັນຕົ້ນ
ອາການ: ມະເຮັງທໍ່ນ້ຳບີມັກບໍ່ສະແດງອາການໃນໄລຍະຕົ້ນ ເມື່ອພະຍາດແຜ່ລາມຫຼາຍຂຶ້ນ ອາດມີອາການປະກົດໃຫ້ເຫັນດັ່ງຕໍ່ໄປນີ້:
– ໂຕເຫຼືອງ, ຕາເຫຼືອງ, ຍ່ຽວເປັນສີເຫຼືອງເຂັ້ມ, ອາຈົມສີຈາງລົງ, ຄັນຕາມຮ່າງກາຍ
– ເຈັບທ້ອງບໍລິເວນສວ້າງທ້ອງເບື້ອງຂວາ ຫຼື ຈອກຫຼອກເອິກ
– ມີອາການອິດເມື່ອຍອ່ອນເພຍ ຫຼື ມີໄຂ້
– ເບື່ອອາຫານ, ນ້ຳໜັກຫຼຸດ
ວິການປິ່ນປົວ: ໄລຍະເລີ່ມຕົ້ນ ສ່ວນຫຼາຍປິ່ນປົວດ້ວຍການຜ່າຕັດ ໄລຍະແຜ່ລາມ ປິ່ນປົວດ້ວຍເຄມີບຳບັດ ກໍລະນີທີ່ຄົນເຈັບມີພາວະໂຕເຫຼືອງ ຕາເຫຼືອງ ອາດພິຈາລະນາໃສ່ທໍ່ລະບາຍທາງເດີນທໍ່ນ້ຳບີ
ຂໍ້ມູນຈາກ : Chulalongkorn hospital