ວັນທີ 15 ພຶດສະພາ ຕາມເວລາ ອາເມຣິກາ, ປະທານາທິບໍດີ ສະຫະລັດອາເມຣິກາ ຄົນປັດຈຸບັນ ທ່ານໂຈ ໄບເດນ ຂອງພັກປະຊາທິປະໄຕ ແລະ ທ່ານ ໂດນັນ ທຣັມ ຜູ້ສະໝັກຮັບເລືອກຕັ້ງປະທານາທິບໍດີ ພັກສາທາລະນະລັດ ໄດ້ຮັບຄຳເຊີນເຂົ້າຮ່ວມການໂຕ້ວາທີໂດຍກົງໃນຊ່ອງໂທລະພາບ CNN ເປັນເຈົ້າພາບຈັດຂຶ້ນໃນທ້າຍເດືອນ ມິຖຸນາ.
ປັດຈຸບັນ, CNN ແລະ ຜູ້ສະໝັກຮັບເລືອກຕັ້ງທັງ 2 ທ່ານ ຍັງບໍ່ທັນປະກາດຫົວຂໍ້ທີ່ຈະນຳມາໂຕ້ວາທີເທື່ອ ແຕ່ນີ້ແມ່ນໜຶ່ງໃນບັນດາການໂຕ້ວາທີໂດຍກົງ ເຊິ່ງໄດ້ດຳເນີນກ່ອນໄວທີ່ສຸດໃນປະຫວັດສາດການເລືອກຕັ້ງປະທານາທິບໍດີ ອາເມຣິກາ ລະຫວ່າງຜູ້ສະໝັກຮັບລືອກຕັ້ງແຖວໜ້າຂອງສອງພັກ.
ໝາກຜົນການຢັ່ງຫາງສຽງຄັ້ງຫຼ້າສຸດ ໄດ້ຊີ້ໃຫ້ເຫັນວ່າ ທ່ານ ໂດນັນ ທຣັມ ພວມເພີ່ມທ່າໄດ້ປຽບຢູ່ບັນດາລັດສຳຄັນສ່ວນໃຫຍ່. ຕາມການສຳຫຼວດຂອງ Times/Siena ແລະ The Philadelphia Inquirer, ທ່ານ ໂດນັນ ທຣັມ ພວມນຳໜ້າທ່ານໂຈ ໄບເດນ.
ໃນຂະນະດຽວກັນ, ທ່ານ ໂຈ ໄບເດນ ກໍສືບຕໍ່ໄດ້ຮັບການສະໜັບສະໜູນຢ່າງໜັກແໜ້ນຈາກກຸ່ມຜູ້ມີສິດເລືອກຕັ້ງອາຍຸສູງ ແລະ ຊາວຜິວຂາວ.
