ຂໍແຈ້ງໃຫ້ທ່ານຊາບ ເຖິງຄຸນປະໂຫຍດຂອງການອອກລົດກັບ Authorized Importer ເພື່ອເປັນປະໂຫຍດສູງສຸດແກ່ທ່ານ ໃນການຈະຕັດສິນໃຈເປັນເຈົ້າຂອງລົດ BMW ແລະ ພວກເຮົາພ້ອມດູແລທ່ານທັງການຂາຍ ແລະ ການບໍລິການຫຼັງການຂາຍ.
ໜັງສືແຈ້ງການຈາກຜູ້ນຳເຂົ້າຢ່າງເປັນທາງການ
ຮຽນ ລູກຄ້າທຸກທ່ານ
ເລື່ອງ ຜູ້ນຳເຂົ້າລົດອິດສະຫຼະ (Grey Market)
ອີງຕາມດຳລັດ ວ່າດ້ວຍການຄຸ້ມຄອງທຸລະກິດພາຫະນະ ເລກທີ 470/G ແລະ ອີງຕາມແຈ້ງການລັດຖະມົນຕີ ກະຊວງອຸດສາຫະກຳ ແລະ ການຄ້າ ໃນວັນທີ 22 ພະຈິກ 2023 ເພື່ອຮັບຮອງຜູ້ນຳເຂົ້າຢ່າງເປັນທາງການ ໂດຍມີແຈ້ງການວ່າ: “ການນຳເຂົ້າລົດຍົນທຸກປະເພດ ຈະຕ້ອງນຳເຂົ້າໂດຍ ຜູ້ນຳເຂົ້າຢ່າງເປັນທາງການເທົ່ານັ້ນ”. ນອກຈາກນີ້ ເພື່ອໃຫ້ລູກຄ້າ ໄດ້ຮັບຊາບຜົນກະທົບທີ່ອາດຕາມມາ ທາງບໍລິສັດຈຶ່ງຂໍໃຫ້ຂໍ້ມູນ ເພື່ອໃຫ້ລູກຄ້າສຶກສາ ແລະ ພິຈາລະນາ ດັ່ງລຸ່ມນີ້.
1. ຜູ້ນຳເຂົ້າອິດສະຫຼະ ( Grey Market ): ຢູ່ເໜືອ ຄວາມຮັບຜິດຊອບຂອງ BMW Asia ເຊິ່ງຄວບຄຸມດູແລການຂາຍ ແລະ ບໍລິການຫຼັງການຂາຍຂອງໂຊນອາຊີ ໂດຍ BMW Laos ຄືຜູ້ນຳເຂົ້າແຕ່ພຽງຜູ້ດຽວໃນ ສປປ ລາວ, ທັງນີ້ ຜູ້ນຳເຂົ້າອິດສະຫຼະອາດນຳເຂົ້າລົດທີ່ບໍ່ຖືກຕ້ອງຕາມຂໍ້ກຳນົດຂອງໜ່ວຍງານທີ່ກ່ຽວຂອງ. ທາງບໍລິສັດ ຂໍແນະນຳໃຫ້ທ່ານພິຈາລະນາ ໃນການເລືອກຊື້ລົດກັບຜູ້ນຳເຂົ້າຢ່າງເປັນທາງການເທົ່ານັ້ນ ເພື່ອປະໂຫຍດຂອງການໃຊ້ງານ ໃນໄລຍະຍາວ.
2. BMW Laos: ຂໍປະຕິເສດການໃຫ້ບໍລິການຫຼັງການຂາຍແກ່ລູກຄ້າທີ່ນຳໃຊ້ລົດ Grey Market ເນື່ອງຈາກອາດມີລະບົບ ຫຼື ຊັອບແວຣ ບາງຢ່າງ ( ທີ່ຕ້ອງການການອັບເດດ ) ທີ່ບໍ່ສາມາດໃຊ້ໃນ ສປປ ລາວ ແລະ ຍັງຈະເກີດບັນຫາການໃຊ້ງານຫຼາຍຢ່າງໃນພາຍຫຼັງ ທີ່ຈະສົ່ງຜົນບໍ່ດີຕໍ່ການໃຊ້ງານຂອງລົດ.
3. ການຮັບປະກັນ, ການສ້ອມແປງ ແລະ ການບຳລຸງຮັກສາ: ລົດ BMW ທຸກລຸ້ນ ຂອງບໍລິສັດມີການຮັບປະກັນໂຕລົດ ( 4 ປີ ຫຼື 200.000 ກິໂລແມັດ ) ແລະ ແບັດເຕີຣີ EV ( 8 ປີ ຫຼື 160.000 ກິໂລແມັດ ) ແລະ ບໍລິການຊ່ວຍເຫຼືອສຸກເສີນຕະຫຼອດ 24 ຊົ່ວໂມງ ເຊິ່ງແຕກຕ່າງຈາກລົດ Grey Market. ການຮັບປະກັນຂອງ BMW ຈະຄຸ້ມຄອງ ແລະ ປົກປ້ອງທ່ານຈາກຄ່າໃຊ້ຈ່າຍທີ່ອາດເກີດຈາກການສ້ອມແປງທີ່ເກີດຂຶ້ນໂດຍບໍ່ຄາດຄິດ.
4. ອາໄຫຼ່ສຳຮອງ: ການຊື້ລົດຍົນຈາກຜູ້ນຳເຂົ້າຢ່າງເປັນທາງການ, ບໍລິສັດມີອາໄຫຼ່ສຳຮອງ ແລະ ສູນບໍລິການ BMW ທີ່ໄດ້ມາດຕະຖານ ແລະ ມີຄວາມໜ້າເຊື່ອຖືໃນລະດັບໂລກ.
5. ເຄື່ອງຈັກ, ຊັອບແວຣ ແລະ ນ້ຳມັນເຊື້ອໄຟ: ຜູ້ນຳເຂົ້າອິດສະຫຼະ ( Grey Market ) ໄດ້ນຳເຂົ້າລົດຍົນປະເພດທີ່ຖືກຜະລິດເພື່ອນຳໃຊ້ສະເພາະພາຍໃນປະເທດ ທີ່ມີການປະກອບ ມີສະເປັກທີ່ບໍ່ຖືກຕ້ອງ ແລະ ບໍ່ແທດເໝາະໃນການນຳໃຊ້ໃນ ສປປ ລາວ. ດັ່ງນັ້ນ, ລົດທີ່ນໍາເຂົ້າມາຈາກ Grey Market ອາດຈະມີບັນຫາຫຼາຍຢ່າງກັບເຄື່ອງຈັກ ແລະ ອາດມີຄ່າໃຊ້ຈ່າຍທີ່ສູງ ຕາມມາ.
6. ຜູ້ນຳເຂົ້າອິດສະຫຼະ ( Grey Market ), ອາດມີການນຳເຂົ້າລົດທີ່ບໍ່ຖືກຕ້ອງຕາມຂໍ້ກໍານົດຂອງໜ່ວຍງານທີ່ກ່ຽວຂ້ອງ ເຊິ່ງໝາຍຄວາມວ່າທ່ານອາດຄອບຄອງລົດຍົນຜິດກົດໝາຍ.
ເມື່ອທ່ານເຂົ້າມາທີ່ສູນ BMW Laos ເຊິ່ງເປັນຜູ້ນຳເຂົ້າຢ່າງເປັນທາງການ, ລົດຂອງທ່ານຈະໄດ້ຮັບການດູແລ ແລະ ການບໍລິການຈາກທີ່ປຶກສາທາງການຂາຍ ແລະ ຊ່າງເຕັກນິກ ທີ່ໄດ້ຮັບການຝຶກອົບຮົມຈາກ BMW, ພວກເຮົາມຸ່ງໝັ້ນສະໜອງຄຸນນະພາບທີ່ດີທີ່ສຸດໃຫ້ແກ່ທ່ານ ຕະຫຼອດໄລຍະ 10 ປີທີ່ຜ່ານມາ.
ສອບຖາມຂໍ້ມູນເພີ່ມຕື່ມ
ໂທ: 021 455 031.
ເວັບໄຊ : https://www.bmw-lao.la
