ມະຫາວິທະຍາໄລ ສຶກຸບະ ແລະ ສະຖາບັນຄົ້ນຄວ້າລະບົບສາທາລະນະຍີ່ປຸ່ນ ກຳລັງຈັດຕັ້ງປະຕິບັດ “ໂຄງການຢຸດຕີການເພິ່ມຂື້ນຂອງການເສຍຊີວີດ ຈາກອຸບັດຕິເຫດ ໂດຍການພັດທະນາບໍລິການ ການແພດສຸກເສີນ ແລະ ມາດຕະການຄວາມປອດໄພຕາມຫ້ອງຖະໜົນ” ຜ່ານໂຄງການຮ່ວມມືຂອງໄຈກາ.
ວັນທີ6 ພຶດສະພານີ້, ໂຄງການດັ່ງກ່າວ ໄດ້ຈັດບັນຍາຍກ່ຽວກັບ ຄວາມປອດໄພໃນການຈະລາຈອນ ຢູ່ໂຮງຮຽນມັດທະຍົມສົມບູນວຽງຈັນ. ພະນັກງານໂຄງການດັ່ງກ່າວ ອະທິບາຍສະພາບອຸປະຕິເຫດຈະລາຈອນໃນ ນະຄອນຫຼວງວຽງຈັນ ແລະ ການນຳໃຊ້ ການວິເຄາະຂໍ້ມູນ ແລະ ການຄຸ້ມຄອງລະບົບສະໜັບສະໜູນວຽກງານການແພດສຸກເສີນ (ESS). ຈາກນັ້ນ, ພະນັກງານ ລັດວິສາຫະກິດລົດເມ ນະຄອນຫຼວງວຽງຈັນ ໄດ້ອະທິບາຍວ່າ ການນຳໃຊ້ ລົດເມສາມາດ ຫຼຸດຜ່ອນຄວາມສ່ຽງຕໍ່ການເກີດອຸປະຕິເຫດຈະລາຈອນໄດ້.
ໃນເວລາດຽວກັນໜ່ວຍກູ້ໄພ ຢູ່ໃນນະຄອນຫຼວງວຽງຈັນ ກໍ່ໄດ້ໃຫ້ການແນະນຳກ່ຽວກັບການເຄື່ອນໄຫວຂອງໜ່ວຍກູ້ໄພ 1628 ພ້ອມທັງສາທິດການ ຂົນສົ່ງສຸກເສີນ ຂອງອາສາສະໝັກ ກ່ອນຈະໃຫ້ນ້ອງນັກຮຽນ ເຂົ້າໄປຢ້ຽມຢາມລົດກູ້ໄພ ແລະ ອະທິບາຍກ່ຽວກັບ ອຸປະກອນພາຍໃນລົດ. ກິດຈະກຳນີ້ ບໍ່ພຽງແຕ່ ເຮັດໃຫ້ຜູ້້ເຂົ້າຮ່ວມ ໄດ້ຮັບຮູ້ ກ່ຽວກັບຄວາມປອດໄພໃນການສັນຈອນເທົ່ານັ້ນ, ແຕ່ຍັງເຮັດໃຫ້ເຂົາເຈົ້າໄດ້ຮຽນຮູ້ກ່ຽວກັບ ລະບົບການແພດສຸກເສີນໃນລາວອີກດ້ວຍ.
