ເປບ ກວາດິໂອລາ ຜູ້ຈັດການທີມຊາວແອັດສະປາຍ ສ້າງປະຫວັດສາດໜ້າໃໝ່ໃຫ້ກັບວົງການບານເຕະອັງກິດດ້ວຍການພາ ແມນເຊັສເຕີ ຊິຕີ້ ຄວ້າແຊັມ ພຣີເມຍລີກ ອັງກິດ 4 ສະໄໝຕິດຕໍ່ກັນ ແລະ ເປັນແຊັມພຣີເມຍລີກ ອັງກິດ ສະໄໝທີ 6 ຈາກ 7 ລະດູການ.
ການແຂ່ງຂັນບານເຕະ ພຣີເມຍລີກ ອັງກິດ ລະດູການ 2023-2024 ຈັດການແຂ່ງຂັນມື້ສຸດທ້າຍຂຶ້ນໃນວັນທີ 19 ພຶດສະພາ 2024 ໂດຍສະເພາະ ແມນເຊັສເຕີ ຊິຕີ້ ທີມນໍາເປີດບ້ານຮັບການມາຢາມຂອງ ເວັສແຮມ ຢູໄນເຕັດ ແລະ ກໍເປັນເຈົ້າບ້ານເອົາຊະນະໄປຕາມຄາດ 3-1 ເກັບເພີີ່ມເປັນ 91 ຄະແນນຄວ້າແຊັມໄປຄອງ, ສ່ວນ ອາເຊນອລ ທີມອັນດັບ 2 ບໍ່ມີປະຕິຫານເກີດຂຶ້ນເຖິງວ່ານັດສຸດທ້າຍຈະເອົາຊະນະ ເອັຟເວີຕັນ 2-1 ເກັບເພີິ່ມເປັນ 89 ຄະແນນອົກຮັກ ໄດ້ອັນດັບທີ 2 ອີກຄັ້ງ ຍັງບໍ່ສາມາດຍາດແຍງຕໍາແໜ່ງທີ 1 ຈາກແມນເຊັສເຕີ ຊິຕີ້.
ບົດສະຫຼຸບ ພຣີເມຍລີກ ອັງກິດ ລະດູການ 2023-2024 ມີຄື:
-ແຊັມ: ແມນເຊັສເຕີ ຊິຕີ້
-ໂຄຕ້າ ຢູຟາ ແຊັມປ້ຽນລີກ: ແມນເຊັສເຕີ ຊິຕີ້, ອາເຊນອລ, ລິເວີພູລ ແລະ ແອັສຕັນ ວິລລາ
-ໂຄຕ້າ ຢູຟາ ຢູໂຣປາລີກ: ທ໊ອດແນມ ຮ໊ອດສະເປີ
-ໂຄຕ້າ ຢູຟາ ຄອນເຟີເຣນຊ໌ ລີກ: ເຊລຊີ
-ຕົກຊັ້ນ: ລູຕັນ ທາວ, ເບິນລີ ແລະ ເຊຟຟິລ ຢູໄນເຕັດ
-ເລື່ອນຊັ້ນ: ເລັສເຕີ ຊິຕີ້, ອິບສະວິຊ ທາວ, ລີດສ໌ ຢູໄນເຕັດ ຫຼືຶ ເຊົາແຮັມຕັນ ທີ່ຕ້ອງແຂ່ງໃນຮອບເພລອ໊ອຟ.
-ດາວຍິງສູງສຸດ: ເອີລິງ ຮາແລນ ຈາກແມນເຊັສເຕີ ຊິຕີ້ ຍິງໄດ້ 27 ປະຕູ
-ຜ່ານບານໃຫ້ເພື່ອນຍິງປະຕູໄດ້ຫຼາຍທີ່ສຸດ ( ແອັສຊິສ ): ໂອລລີ ວັດກິນສ໌ 13 ຄັ້ງ
-ຖົງມືຄໍາ: ດາບິດ ຣາຟາ ຜູ້ຮັກສາປະຕູຈາກ ອາເຊນອລ ເກັບ 16 ຄືນຊີດ ( ບໍ່ເສຍປະຕູຕໍ່ນັດ )
-ນັກເຕະດີເດັ່ນປະຈໍາລະດູການ: ຟິລ ໂຟເດັນ ຈາກແມນເຊັສເຕີ ຊິຕີ້
-ນັກເຕະດາວຮຸ່ງດີເດັ່ນປະຈໍາລະດູການ: ໂຄລ ພາລເມີ ຈາກເຊລຊີ
-ນັກເຕະດີເດັ່ນປະຈໍາລະດູການຂອງສະມາຄົມນັກຂ່າວບານເຕະອັງກິດ: ຟິລ ໂຟເດັນ ຈາກແມນເຊັສເຕີ ຊິຕີ້.
