ມື້ນີ້ຂ່າວບັນເທີງມີຂ່າວດີມາໃຫ້ທຸກຄົນໄດ້ອ່ານແຕ່ເຊົ້າ ຕ້ອງຂໍສະແດງຄວາມຍິນດີ ແລະ ຊົມເຊີຍເປັນທີ່ສຸດກັບສາວງາມແຫ່ງວົງການບັນເທີງລາວ ກັບຂ່າວດີສຸດໆທີ່ໄດ້ຮັບລາງວັນອັນຊົງຄຸນຄ່າທີ່ປະເທດເພື່ອນບ້ານ ນັ້ນກໍຄືປະເທດໄທນັ້ນເອງ ຕ້ອງຂໍສະແດງຄວາມຍິນດີນຳ ນ້ອງ ຈິວ ຟ້າຈະລິນ ຈຸນລະມຸນຕີ Miss Earth Air Laos 2023 ຂຶ້ນຮັບລາງວັນອັນຊົງກຽດທີ່ປະເທດໄທ ໃນສາຂານາງງາມອານຸລັກສິ່ງແວດລ້ອມດີເດັ່ນ.
ພາຍຫຼັງຮັບລາງວັນກໍໄດ້ມີການໂພສສະແດງຄວາມຮູ້ສຶກດີໃຈ ແລະ ຂອບໃຈຕໍ່ກັບລາງວັນທີ່ໄດ້ຮັບໃນຄັ້ງນີ້ວ່າ: “ອາຈິວ ຟ້າຈະເລີນ ຈຸນລະມຸນຕີ ຂໍຂອບໃຈ THE WORLDS HIGHEST AWARD2024 ທີ່ມອບລາງວັນ ນາງງາມອານຸລັກສິ່ງແວດລ້ອມດີເດັ່ນໃຫ້ແລະ ຂໍຂອບໃຈທາງແມ່ຕິມ ແລະ ກອງປະກວດ #MISSEARTHLAOS2023 ທີ່ມອບໂອກາດໃຫ້ນ້ອງໄດ້ມີທຸກມື້ນີ້ ຂອບໃຈທຸກຄົນທີ່ຄອຍຊ່ວຍເຫຼືອ ແລະ ຊັບພອດມາຕະຫຼອດ ເປັນຕົ້ນແມ່ນຄອບຄົວ, ໝູ່ເພື່ອນທຸກໆຄົນ. ໃນອະນາຄົດຈະພັດທະນາຕົນເອງໃຫ້ດີຂຶ້ນກວ່າເກົ່າ ”.
ສຸດທ້າຍນີ້ທີມຂ່າວບັນເທີງເອງຕ້ອງຂໍຝາກຕິດຕາມຜົນງານ ແລະ ການເຄື່ອນໄຫວໃນວົງການບັນເທີງຂອງນ້ອງແດ່ເດີ ເຊື່ອວ່າຈະມີຫຼາກຫຼາຍຜົນງານທີ່ມີຄຸນນະພາບໃຫ້ໄດ້ຕິດຕາມກັນຢ່າງແນ່ນອນ.
