ໃນລະຫວ່າງ ວັນທີ 28–31 ມີນາ 2024 ຜ່ານມາ, ຄະນະຜູ້ແທນສະມາຄົມປ້າຍລາວ ຊຶ່ງນຳໂດຍ ທ່ານ ວົງນຳ ວົງວິໄລ ປະທານສະມາຄົມປ້າຍລາວ ໄດ້ນຳພາຄະນະບໍລິຫານ ແລະ ສະມາຊິກສະມາຄົມປ້າຍລາວ ຈຳນວນ 20 ກວ່າຄົນຈາກ 10 ກວ່າບໍລິສັດ ໄດ້ເດີນທາງໄປຮ່ວມເປີດງານ 2024 Printtech Exhibition ສູນວາງສະແດງ ອີມແພັກ ເມືອງທອງທານີ, ບາງກອກ ລາຊະອານາຈັກໄທ.
ໃນພິທີເປີດງານ ທ່ານນາງ ມິນທິຕາ ນິທິກຸລະນັນ ກຳມະການຜູ້ຈັດການ ບໍລິສັດ ວັນທູວັນ ຄຣີເອຊັນ ຈຳກັດ ໄດ້ກ່າວຈຸດປະສົງ ແລະ ລາຍງານໃຫ້ຮູ້ວ່າ: ປະຈຸບັນ ນະວັດຕະກຳເຕັກໂນໂລຢີການພິມທີໄຮ້ຂີດຈຳກັດ ພາຍໃຕ້ຄອນເຊັບ “Smart Printtech Now and Future” ໃນຂະນະທີ່ເຕັກໂນໂລຊີພັດທະນາຢ່າງກ້າວກະໂດດ, ອຸດສາຫະກຳຕ່າງໆໄດ້ປັບປຸງ ແລະ ພັດທະນາໄປພ້ອມໆກັນ, ໃນນັ້ນມີຂະແໜງການພິມປ້າຍ, ພິມຜ້າ, ການພິມເອກະສານ, ການພິມຫນ້າຈໍໃສ່ວັດສະດຸ, ການພິມຫຸ້ມຫໍ່ ແລະ ອື່ນໆ, ເຕັກໂນໂລຊີໃນການສ້າງວຽກງານ ແລະ ປະສົບການການເຮັດວຽກສໍາລັບຜູ້ປະກອບການທີ່ມີປະສິດທິພາບ ທີ່ບໍ່ມີຂອບເຂດ ໄດ້ເປັນປັດໄຈຊຸກຍູ້ໃຫ້ວຽກງານປ້າຍ ແລະ ສິ່ງພິມ ໃຫ້ມີການພັດທະນາຢ່າງຕໍ່ເນື່ອງ.
ງານນີ້ໄດ້ເປີດປະສົບການ ນະວັດຕະກໍາ ໃນເຕັກໂນໂລຊີການພິມແມ່ນ limitless ກັບ ງານວາງສະແດງສິນຄ້າທີ່ໃຫຍ່ທີ່ສຸດຂອງປີໃນປະເທດໄທ, The11th Printtech & Signage Expo 2024 ແລະ The 8th Garment Screen Embroidery 2024, ຜ່ານ 3 ຈຸດເດັ່ນຄື:
1. ການສະແດງເຕັກໂນໂລຊີນະວັດຕະກໍາສໍາລັບເຄື່ອງຈັກອັດສະລິຍະ ແລະເຄື່ອງພິມ (Smart Innovation) ທີ່ຊ່ວຍໃຫ້ການເຮັດວຽກງ່າຍຂຶ້ນ. “ຫຼຸດຜ່ອນຄ່າໃຊ້ຈ່າຍ, ເພີ່ມກໍາໄລ” ແມ່ນໂອກາດທີ່ຈະເບິ່ງເຕັກໂນໂລຢີເພື່ອເພີ່ມປະສິດທິພາບການເຮັດວຽກ, ຫລຸດຜ່ອນແຮງງານໄດ້ຫລາຍຂຶ້ນ.
2. ການສະແດງວັດສະດຸຕ່າງໆທີ່ສາມາດນໍາໄປໃຊ້ໃນການພິມໄດ້ເຊັ່ນ: vinyl, ຜ້າແພ, ໂລຫະ, ໄມ້, ແກ້ວ, ເຊີລາມິກ ແລະ ອື່ນໆ, ເປັນໂອກາດທີ່ຈະຄົ້ນຫາ. ການປະດິດສ້າງເຫຼົ່ານີ້ຈະຖືກນໍາໃຊ້ໃນອຸດສາຫະກໍາການພິມໄດ້ແນວໃດ?
3. ການສ້າງເຄືອຂ່າຍ ແລະ ໂອກາດທາງທຸລະກິດ ( Business Opportunity) ເພື່ອຂະຫຍາຍທຸລະກິດກັບຖານລູກຄ້າໃໝ່. ພົບປະແລກປ່ຽນຄວາມຄິດເຫັນກັບນັກທຸລະກິດຈາກອົງການຈັດຕັ້ງຊັ້ນນໍາທັງພາຍໃນ ແລະ ຕ່າງປະເທດ.
ໃນງານວາງສະແດງຄັ້ງນີ້ ເຂົ້າຮ່ວມມີ 140 ບໍລິສັດ ຈຳນວນ 450 ບູທ໌
ຈາກນັ້ນທ່ານວົງນຳ ວົງວິໄລ ຍັງໄດ້ຂຶ້ນກ່າວ ສະແດງຄວາມຮູ້ສຶກຕໍ່ການໄປຮ່ວມງານ ວາງສະແດງໃນຄັ້ງນີ້ ຊຶ່ງທ່ານກ່າວວ່າ: ຮູ້ສຶກເປັນກຽດສູງ ຖືກເຊີນມາເຂົ້າຮ່ວມງານໃນຄັ້ງນີ້ ຊຶ່ງມີຄວາມໝາຍ-ຄວາມສຳຄັນ ຕໍ່ບັນດາຜູ້ປະກອບການກ່ຽວກັບປ້າຍໂຄສະນາຂອງ ສປປລາວ ພວກເຮົາ ແລະກ່າວຂອບໃຈຜເຈົ້າພາບ ທີ່ໄດ້ຮັບການຕ້ອນຮັບ ອັນອົບອຸ່ນ, ໄດ້ຢ້ຽມຊົມບູດທ໌ວາງສະແດງສິນຄ້າ ເຄື່ອງຈັກກົນຕ່າງໆ ທີ່ຮັບໃຊ້ໃນໂຮງງານອຸດສາຫະກຳຜະລິດປ້າຍໂຄສະນາ ໄດ້ແລກປ່ຽນປະສົບການ ກັບ ຜູ້ປະກອບການຫລາຍໆທ່ານ ທີ່ເຂົ້າຮ່ວມງານ.
ເປັນກຽດເຂົ້າຮ່ວມໃນການຕັດແຖບຜ້າເປີດງານໃນຄັ້ງນີ້ ມີທ່ານ ປອ. ຄົມສັນ ເຫລົ່າສິນລະປະຈະເລີນ ຮອງປະທານສະພາອຸດສາຫະກຳແຫ່ງປະເທດໄທ ທັງເປັນປະທານສະຖາບັນລະຫັດສາກົນ (GSI Thailand) ກໍ່ເປັນກຽດກ່າວເປີດງານ.
ນອກຈາກໄດ້ຢ້ຽມຊົມເຕັກໂນໂລຊີໃໝ່ພາຍໃນງານວາງສະແດງແລ້ວ, ຄະນະຍັງໄດ້ ພົບປະຫາລື ກັບສະມາຄົມສົ່ງເສີມທຸລະກິດປ້າຍໄທ Thai Advertising Business Development Association (TABDA) ເພື່ອກຽມເຊັນບົດບັນທຶກຄວາມເຂົ້າໃຈກັນ ໃນທ້າຍປີນີ້ ເພື່ອວາງແຜນ ຮ່ວມມືກັນແລກປ່ຽນ ພັດທະນາ ສ້າງຄູ່ມື ອາຊີບສະເພາະປ້າຍດ້ວຍກັນ, ຈັດກິດຈະກຳ ເວີກຊ໊ອບ ເພື່ອສົ່ງເສີມການຮຽນຮູ້ ໃນສາຂາວິຊາຊີບປ້າຍ ໃຫ້ມີຄວາມກ້າວໜ້າ ທັນສະໄໝຂຶ້ນ ເທື່ອລະກ້າວ, ພັດທະນາທັກສະ ຝີມືໃຫ້ກັບນາຍຊ່າງປ້າຍ ຊ່ວຍສົ່ງເສີມຜູ້ປະກອບການດ້ານປ້າຍໂຄສະນາລາວ ເພື່ອຜະລິດປ້າຍ ໃຫ້ສວຍງາມ, ມີຄຸນນະພາບ, ມີມາດຕະຖານ, ທັນສະໄໝ ທຽບເທົ່າສາກົນ ແລະ ສຳຄັນສຸດ ຄືການສ້າງອາຊີບ ແລະ ວຽກເຮັດງານທຳໃຫ້ຊາວຊາວໜຸ່ມລາວ. ຈາກນັ້ນຄະນະ ກໍ່ໄດ້ຍັງໄດ້ໄປຢ້ຽມຊົມຖານການຜະລິດອຸດສາຫະກຳປ້າຍ ທີ່ ບໍລິສັດຕິວານົນປຣິ້ນເຊັນເຕີ້ ທີ່ ແຂວງນົນບູຣີ ແລະ ຊົມໂຊຮູມ ບໍລິສັດ Formica Thailand ອີກດ້ວຍ.
