ໃນວັນທີ 21 ສິງຫາ 2023ນີ້ ຫ້ອງການອຸດສາຫະກຳ ແລະ ການຄ້າ ເມືອງພູຄູນ ຮ່ວມກັບ ຄະນະສະເພາະກິດຂັ້ນເມືອງ ໄດ້ຈັດພິທີທຳລາຍສິນຄ້າທີ່ໝົດອາຍຸ-ເສື່ອມຄຸນນະພາບ ແລະ ສິນຄ້າເກືອດຫ້າມ ເຊິີ່ງພິທີໄດ້ຈັດຂື້ນທີບ້ານສາລາພູຄູນ ເທດສະບານເມືອງ ໂດຍໃຫ້ການໃຫ້ກຽດເຂົ້າຮ່ວມພິທີ ມີທ່ານ ສົມມະລີ ຄຳເກັ່ງ ເຈົ້າເມືອງພູຄູນ ພ້ອມດ້ວຍພາກສວນທີກ່ຽວຂ້ອງຂອງເມືອງ.
ໃນພິທີ ທ່ານ ສີທັດ ຄວນຍືນຍົງ ຮັກສາການຫົວໜ້າຫ້ອງການອຸດສາຫະກຳ ແລະ ການຄ້າໃຫ້ຮູ້ວ່າ: ສິນຄ້າທີ່ນຳມາທຳລາຍໃນຄັ້ງນີ້ ປະກອບມີ: ສິນຄ້າໝົດອາຍຸ-ເສື່ອມຄຸນ ປະເພດເຄື່ອງດື່ມ, ໝີ່, ເຂົ້າໝົມ ເຄື່ອງປຸງອາຫານ, ນົມ, ຢາບັນເທົາອາການ ແລະ ອື່ນໆຈໍານວນໜຶ່ງ ລວມທັງໝົດ 22 ລາຍການ, ຄິດເປັນມູນຄ່າທັງໝົດ 14 ລ້ານກວ່າກີບ.
ເຊິ່ງເປັນສິນຄ້າໝົດອາຍຸ ທີ່ຄະນະສະເພາະກິດ ໄດ້ລົງເຄືອນໄຫວກວດກາ ແລະ ຢຶດຈາກບັນດາຮ້ານຄ້າ, ຮ້ານຂາຍເຄື່ອງຍ່ອຍ ແລະ ຕະຫຼາດ ຈຳນວນ 28 ຮ້ານ ພາຍໃນເມືອງ ທັງນີ້ກໍ່ເພື່ອເປັນການປົກປ້ອງສິດຂອງຜູ້ບໍລິໂພກ ແລະ ທັງເປັນການຮັບປະກັນໃຫ້ສິນຄ້າທີວ່າງຈຳໜ່າຍຕາມທ້ອງຕະຫຼາດມີຄຸນນະພາບອີກດ້ວຍ.
