ພາຍຫຼັງການຜ່ອນຄາຍລົງຂອງພະຍາດໂຄວິດ ປະຊາຊົນລາວພວກເຮົາທຸກຄົນແມ່ນພ້ອມພາກັນຕັ້ງໜ້າທຳມາຫາກິນຕາມພາລະໜ້າທີ່ຂອງໃຜລາວ ແຕ່ທ່ານຢ່າລືມປ້ອງກັນໂຕເອງຈາກຍຸງລາຍ ເນື່ອງຈາກໄລຍະນີ້ເປັນລະດູຝົນແລ້ວ ໄຂ້ຍຸງກຳລັງລະບາດເປັນວົງກວ້າງໃນຂອບເຂດທົ່ວປະເທດ ຫຼາຍວັນມານີ້ ຕົວເລກເພີ່ມຂຶ້ນເປັນຫຼັກຮ້ອຍໃນແຕ່ລະວັນ ເຊິ່ງໄຂ້ຍຸງລາຍຖ້າຫາກວ່າເປັນແລ້ວຖືວ່າເປັນພະຍາດທີ່ຮ້າຍແຮງຈະຖືເບົາບໍ່ໄດ້ເດັດຂາດ.
ຕາມການລາຍງານຈາກສູນຂ່າວສານການແພດສຸຂະສຶກສາ ປະຈຳວັນທີ 4 ກໍລະກົດ 2022 ນີ້ກ່ຽວກັບຕົວເລກຂອງຜູ້ຕິດເຊື້ອພະຍາດໄຂ້ຍຸງລາຍ ແມ່ນມີການຕິດເຊື້ອເພີ່ມຂຶ້ນ ຫຼື ໃໝ່ 176 ຄົນ ເຮັດໃຫ້ປັດຈຸບັນມີຜູ້ຕິດເຊື້ອສະສົມຢູ່ທີ່ 6.270 ຄົນ ແລະ ເສຍຊີວິດແລ້ວ 8 ຄົນ.
ໂດຍໃນຕົວເລກນີ້ແມ່ນນະຄອນຫຼວງວຽງຈັນແມ່ນມີຜູ້ຕິດເຊື້ອສະສົມສູງທີ່ສຸດຄື 3.250, ສາລະວັນ 674 ຄົນ, ເຊກອງ 546 ຄົນ, ອັດຕະປື 463 ຄົນ, ຫຼວງນໍ້າທາ 285 ຄົນ, ສະຫວັນນະເຂດ 253 ຄົນຕາມລຳດັບ ແລະ ສຳລັບສປປ ລາວແມ່ນມີຜູ້ຕິດເຊື້ອທຸກແຂວງແຕ່ເໜືອຮອດໃຕ້.
ພະຍາດໄຂ້ຍຸງລາຍ ເບິ່ງຜີວເພິີນຄືບໍ່ຮ້າຍແຮງແຕ່ຖ້າລະເລີຍໃຈ ໄປໂຮງໝໍຊ້າຫຼາຍຄົນແມ່ນເອົາບໍ່ທັນ ດັ່ງນັ້ນຈິ່ງບໍ່ຖືເບົາກັບພະຍາດນີ້ໂດຍເດັດຂາດ ເນື່ອງຈາກໃນແຕ່ລະວັນມີຜູ້ຕິດເຊື້ອເພີ່ມຂຶ້ນຢ່າງຕໍ່ເນື່ອງເປັນຫຼັກຮ້ອຍ.
