ເມນູແກງຂົ້ວສ່ວນໃຫຍ່ແມ່ນຈະເປັນຈຳພວກແກງຂົ້ວຊີ້ນໝູ ຫຼື ຊີ້ນໄກ່ ແຕ່ມື້ນີ້ຜູ້ຂຽນຈະເອົາສູດແກງຂົ້ວຫອຍຈູບມາສູ່ທຸກຄົນໄດ້ໄປລອງເຮັດກິນເບິ່ງ ເຊິ່ງໃນສູດນີ້ເຮົາຈະໃສ່ຫອຍຈູບລົງໄປຕົ້ມກັບກະທິ ຂົ້ວພິກແກງ ໃສ່ໃບນາງເລີດ ແລະ ຜັກຂະ ບອກເລີຍວ່າແຊບຫອມກະທິ.
ສ່ວນປະສົມ ແລະ ວັດຖຸດິບ
ຫອຍຈູບລວກສຸກ 500 ກຣາມ ( ເອົາແຕ່ຫົວຫອຍ )
ພິກແກງ 2 ບ່ວງແກງ
ກະທິ 2 ຖ້ວຍ
ນ້ຳປາ
ນ້ຳຕານປິ໊ບ
ໃບນາງເລີດຊອຍ 50 ກຣາມ
ຜັກຂະ 50 ກຣາມ
ໃບຂີ້ຫູດຈີກ
ນ້ຳມັນພືດ
ວິທີເຮັດແກງຂົ້ວຫອຍຈູບ
1 ຄ້າງໝໍ້ໃສ່ນ້ຳມັນໃຊ້ໄຟກາງ ພໍໝໍ້ຮ້ອນໃຫ້ໃສ່ພິກແກງລົງໄປຂົ້ວໃຫ້ຫອມ, ຈາກນັ້ນກໍໃສ່ກະທິລົງໄປຂ້ຽວຈົນແຕກມັນ.
2 ໃສ່ຫອຍຈູບລົງໄປ ພໍໝໍ້ຟົດກໍປຸງລົດຊາດດ້ວຍນ້ຳປາ ແລະ ນ້ຳຕານປິ໊ບ ຊີມລົດຊາດ.
ຈາກນັ້ນກໍໃສ່ໃບນາງເລີດ, ຜັກຂະ ແລະ ໃບຂີ້ຫູດທີ່ກຽມໄວ້ນັ້ນລົງໄປຄົນໃຫ້ຜັກຍຸບກໍຍົກໝໍ້ອອກຕັກໃສ່ຖ້ວຍພ້ອມເສີບໄດ້ເລີຍ.
ທີ່ມາ: https://cooking.kapook.com/view228254.html
