ໂທມັສ ທູເຄິລ ຜູ້ຈັດການທີມຂອງ ເຊລຊີ ຢືນຢັນວ່າ: ທີມໄດ້ກຽມຄວາມພ້ອມສໍາລັບການສົ່ງ ເກປາ ອາຣິຊາບາລາກາ ຜູ້ຮັກສາປະຕູຊາວແອັດສະປາຍ ລົງມາເປັນຕົວສໍາຮອງ ເພື່ອໄວ້ປ້ອງກັນຈຸດໂທດຢູ່ແລ້ວ ກ່ອນທີ່ຈະເປັນໄປຕາມຄາດດ້ວຍການປ້ອງກັນໄດ້ 2 ຈຸດໂທດ ໃນດວນຈຸດໂທດເອົາຊະນະ ບີຢາຣີລ ຄວ້າແຊັມ ຢູຟາ ຊູບເປີຄັບ ມາຄອງເປັນສະໄໝທີ 2 ເມື່ອວັນທີ 11 ສິງຫາ 2021.
ນັດດັ່ງກ່າວ ທັງສອງທີມສະເໝີກັນ 1-1 ໃນໄລະຍະເວລາ 90 ນາທີ ກ່ອນຕໍ່ເວລາພິເສດ 120 ກໍຍັງເຮັດຫຍັງກັນບໍ່ໄດ້ ຈົນຕ້ອງໄປຕັດສິນກັນດ້ວຍການດວນຈຸດໂທດ ແລະ ເປັນ ເຊລຊີ ທີ່ເອົາຊະນະ ບີຢາຣີລ 6-5 ຄວ້າແຊັມໄປຄອງ ເຊິ່ງທີ່ສໍາຄັນກໍເປັນ ເກປາ ຜູ້ຮັກສາປະຕູເຊລຊີ ທີ່ສາມາດປ້ອງກັນໄດ້ເຖິງ 2 ຈຸດໂທດ.
ຫຼັງຈົບການແຂ່ງຂັນ ທູເຄິລ ກ່າວວ່າ: “ ມັນບໍ່ໄດ້ເກີດຂຶ້ນຕາມທໍາມະຊາດ, ພວກເຮົາມີປຶກສາຫາລືກັບຜູ້ຮັກສາປະຕູມາກ່ອນແລ້ວ. ດັ່ງນັ້ນ ພວກເຮົາຈິງມີການວິເຄາະສະຖິຕິເປັນຢ່າງດີ, ມີການກຽມພ້ອມ ແລະ ເກປາ ກໍມີສະຖິຕິການປ້ອງກັນຈຸດໂທດດີທີ່ສຸດ ເຊິ່ງໃນທີ່ສຸດພວກເຮົາກໍເຮັດໄດ້ ”.
ຮູບຈາກ: AP