ເປີດສາກບານເຕະຊາຍ ໃນງານມະຫະກຳກີລາມະຫາວິທະຍາໄລລາວ ຄັ້ງທີ II, ເຈົ້າພາບ ກັບ ມະຫາວິທະຍາໄລສຸພານຸວົງ ເກັບໄຊນັດທໍາອິດ

153

ການແຂ່ງຂັນກີລາປະເພດ ບານເຕະຊາຍ (11 ຄົນ) ໃນງານມະຫະກຳກີລາມະຫາວິທະຍາໄລລາວ ຄັ້ງທີ II ( ກມລ ) ເປີດສາກຂຶ້ນຢ່າງເປັນທາງການ ໃນຕອນແລງມື້ນີ້ (ວັນທີ 1 ພຶດສະພາ 2024) ທີ່ສະໜາມກີລາກາງ ມຊ ວິທະຍາເຂດດົງໂດກ ເມືອງໄຊທານີ ນະຄອນຫຼວງວຽງຈັນ ມີຜູ້ເຂົ້າຮ່ວມຊົມ-ເຊຍຫຼາຍເກືອບ 400 ຄົນ ໂດຍມີການແຂ່ງຂັນ 2 ຄູ່ຄື:
-ຄູ່ທໍາອິດ ມະຫາວິທະຍາໄລແຫ່ງຊາດ (ມຊ) ເຈົ້າພາບ ຖະຫຼົ່ມ ມະຫາວິທະຍາໄລວິທະຍາສາດສຸຂະພາບ (ມວສ) 8-0.
ສ່ວນຄູ່ທີ 2 ມະຫາວິທະຍາໄລສຸພານຸວົງ (ມສ) ແຂວງຫຼວງພະບາງ ເອົາຊະນະ ສະຖາບັນເຕັກໂນໂລຊີສຸດສະກະ 5-1
ສໍາລັບ ການແຂ່ງຂັນບານເຕະຊາຍມີ 9 ພາກສ່ວນເຂົ້າຮ່ວມຊີງໄຊ ຈັດແບ່ງອອກເປັນ 2 ສາຍ ແຂ່ງຂັນລະຫວ່າວັນທີ 1-13 ພຶດສະພາ 2024 ຄື:
+ກຸ່ມ ເອ
1. ມະຫາວິທະຍາໄລສຸພານຸວົງ (ມສ)
2. ມະຫາວິທະຍາໄລວິທະຍາສາດສຸຂະພາບ (ມວສ)
3. ສະຖາບັນເຕັກໂນໂລຊີສຸດສະກະ (ສຕສ)
4. ມະຫາວິທະຍາໄລສະຫວັນນະເຂດ (ມຂ)
5. ມະຫາວິທະຍາໄລແຫ່ງຊາດ (ມຊ)
+ກຸ່ມ ບີ
6. ສະຖາບັນຍຸດຕິທໍາແຫ່ງຊາດ
7. ວິທະຍາຄານປ້ອງກັນຊາດ (ວປກ)
8. ວິທະຍາຄານສັນຕິບານປະຊາຊົນ (ວສປ)
9. ສະຖາບັນລາວ-ອາເມລິກາ
ຂ່າວ: Larh Creators; ຮູບຈາກ: ສົງການ ພັນແພງດີ