ເມນູກຸ້ງອົບເສັ້ນລ້ອນສູດທີ່ເຮັດງ່າຍພຽງແຕ່ໃຊ້ໝໍ້ກະທະພຽງແຕ່ໜ່ວຍດຽວ ສູດນີ້ເຮັດງ່າຍຖືກໃຈຄົນມັກເມນູເສັ້ນໆ ພ້ອມແລ້ວເຮົາໄປເຮັດເມນູນີ້ພ້ອມກັນເລີຍ.
ສ່ວນປະສົມ: ກຸ້ງນ້ຳຈືດ, ເສັ້ນລ້ອນ 80 ກຣາມ, ນ້ຳຕານ 2 ບ່ວງແກງ, ສະອິວດຳ 2 ບ່ວງຊາ, ຊັອດຫອຍ 2 ບ່ວງແກງ, ສະອິວຂາວ 2 ບ່ວງແກງ, ນ້ຳຊຸບ 1 ຖ້ວຍ, ເບຄອນ, ຂີງແກ່, ກະທຽມ, ພິກໄທດຳ, ພິກໄທຂາວ ແລະ ຜັກຫອມ.
ວິທີເຮັດ
ປະສົມເຄື່ອງປຸງໂດຍໃສ່ນ້ຳຕານ, ສະອິວດຳ, ຊັອດຫອຍ, ສະອິວຂາວ ແລະ ນ້ຳຊຸບປະສົມໃຫ້ເຂົ້າກັນ.
ເອົາກຸ້ງລົງໄປແຊ່ໃນນ້ຳເຄື່ອງປຸງ ແລ້ວຕັກຂຶ້ນມາວາງປະໄວ້.
ຈາກນັ້ນກໍເອົາເສັ້ນລ້ອນ ( ທີ່ແຊ່ນ້ຳ ) ລົງໄປຄົນກັບສ່ວນປະສົມ.
ນຳເອົາໝໍ້ກະທະມາຄ້າງໄຟອ່ອນໆ ຜັດເບຄອນ, ຂີງແກ່, ກະທຽມ ແລະ ພິກໄທດຳ.
ໃສ່ເສັ້ນລ້ອນລົງໄປໃນໝໍ້ຕາມດ້ວຍກຸ້ງ ແລະ ຜັກເຊເລີຣີ ໂຮຍພິກໄທຂາວ.
ປິດຝາໝໍ້ອົບ ອົບດ້ວຍໄຟອ່ອນ 5 ນາທີ
ຮຽບຮ້ອຍແລ້ວກໍຍົກລົງມາຈາກເຕົາ ໂຮຍຫອມບົວໃບ ເສີບຕັ້ງໃສ່ໝໍ້ກະທະ ຫຼື ຈະຕັກໃສ່ຈານເສີບກໍໄດ້ຕາມສະດວກ.
ກຸ້ງນ້ຳຈືດອົບເສັ້ນລ້ອນ ໂດຍໃຊ້ໝໍ້ກະທະ ກຸ້ງເດັ້ງ ມັນເຍີ້ມໆ ກັບເສັ້ນນຸ້ມໆ.
ທີ່ມາ: https://cooking.kapook.com/view205267.html