ສັນຍານອັນຕະລາຍຂອງພະຍາດຈາກອາການ “ ເລືອດດັງໄຫຼ ” ມີຫຍັງແດ່:
ເລືອດດັງໄຫຼ ( Epistaxis ) ຄືພາວະເລືອດອອກທາງດັງ ແບ່ງອອກເປັນ 2 ສ່ວນຄື: ພາວະເລືອດອອກທາງດັງດ້ານໜ້າ ແລະ ພາວະເລືອດອອກທາງດັງດ້ານຫຼັງໂພງດັງ ເຊິ່ງສ່ວນໃຫຍ່ມັກມີສາເຫດທີ່ອັນຕະລາຍກວ່າພາວະເລືອດອອກທາງດ້ານດັງທາງໜ້າ.
ດັ່ງນັ້ນ, ເມື່ອເລືອດດັງໄຫຼ ອາດເປັນສັນຍານເຕືອນໄພຂອງພະຍາດ ເຊັ່ນ:
1 ເນື້ອງອກ
ສາເຫດ: ມະເຮັງ ຫຼື ເນື້ອງອກຊະນິດບໍ່ຮ້າຍແຮງທີ່ມີເສັ້ນເລືອດມາລ້ຽງ ເກີດຂຶ້ນໃນດັງໄຊນັສ ຫຼື ຫຼັງໂພງດັງ.
ອາການ: ເລືອດອອກເປັນບາງຄັ້ງ ຫຼື ເລືອດອອກທາງດັງປະລິມານຫຼາຍຄວນສ່ອງກ້ອງກວດໂພງດັງ ຫຼື ເອັກສະເລເພື່ອກວດບົ່ງມະຕິພະຍາດ.
2 ການລະຄາຍເຄື່ອງ ຫຼື ບາດເຈັບໃນດັງ
ສາເຫດ: ແກະດັງເປັນປະຈຳ, ໄດ້ຮັບແຮງກະທົບຢູ່ດັງ, ສັ່ງນ້ຳມູກແຮງໆ, ອາກາດແຫ້ງຄວາມກົດອາກາດປ່ຽນແປງຢ່າງໄວວາ ເຊັ່ນຂຶ້ນຍົນ.
ອາການ: ເລືອກມັກອອກບໍ່ຫຼາຍ ແລະ ເປັນໄລຍະເວລາສັ້ນໆ ອາດມີເລືອດອອກຊ້ຳໃນເວລາໃກ້ເຊົາ.
3 ການອັກເສບໃນໂພງດັງ
ສາເຫດ: ຈາກການຕິດເຊື້ອໄວຣັສ, ພູມແພ້, ໄຊນັສອັກເສບ, ໃຊ້ເຄື່ອງອັດອາກາດຂະນະຫຼັບ.
ອາການ: ມີເລືອດອອກປົນມາກັບນ້ຳມູກ.
4 ຄວາມຜິດປົກກະຕິທາງກາຍວິພາກ
ສາເຫດ: ຝາຜະໜັງກັ້ນຊ່ອງດັງຄົດ ຫຼື ມີກະດູກງອກຜິດບ່ອນ ລວມເຖິງມີຮູຊອດເຮັດໃຫ້ເກີດຄວາມບໍ່ສົມດຸນຂອງອາກາດ.
ອາການ: ເລືອດມັກໄຫຼໃນດັງຂ້າງເກົ່າ ແລະ ເປັນຊ້ຳໃນຈຸດທີ່ຝາຜະໜັງຊ່ອງດັງຄົດ ຫຼື ມີກະດູກງອກ.
ທີ່ມາ: https://www.sanook.com/health/29833/?utm
