ປັດຈຸບັນອາກາດ ນັບມື້ຮ້ອນຂຶ້ນທຸກມື້ ການເບິ່ງແຍງສຸຂະພາບເປັນສິ່ງສໍາຄັນເພື່ອໃຫ້ຮ່າງກາຍມີຄວາມສະບາຍ ແລະ ປ້ອງກັນການເຈັບປ່ວຍຈາກອາກາດຮ້ອນ ເຮົາຄວນດູແລຕົນເອງ ແລະ ຄົນໃນຄອບຄົວ ເພື່ອສຸຂະພາບທີ່ແຂງແຮງ ຫຼີກລ່ຽງພະຍາດທີ່ຈະມາກັບລະດູຮ້ອນດ້ວຍວິທີງ່າຍໆ ດັ່ງນີ້:
- ຄວນກວດເບິ່ງອຸນຫະພູມພາຍນອກຖ້າກາຍ 34°ອົງສາຄວນຫຼຸດໄລຍະເວລາເຮັດກິດຈະກຳກາງແຈ້ງ
- ຖ້າກາຍ 37 ອົງສາ ງົດກິດຈະກຳກາງແຈ້ງ
- ນຸ່ງເຄື່ອງທີ່ລະບາຍຄວາມຮ້ອນ ແລະ ບໍ່ຄັບຈົນເກີນໄປ
- ກິນໝາກໄມ້ທີ່ເຢັນ, ມີ ຄວາມຊຸ່ມສູງ ເຊັ່ນ: ໝາກໂມ, ແອັບເປີ້ນ, ແຄນຕາລູບ, ໝາກກ້ຽງ, ອາງຸ່ນເປັນຕົ້ນ ໝາກໄມ້ປະເພດນີ້ຈະຊ່ວຍຕື່ມຄວາມຊຸ່ມໃຫ້ຮ່າງກາຍ ພ້ອມທັງຕື່ມສານອາຫານທີ່ມີປະໂຫຍດ.
- ໃສ່ເສື້ອຜ້າທີ່ລະບາຍອາກາດໄດ້ດີ, ບໍ່ຮັດແໜ້ນເກີນໄປ
- ຖ້າມີອາການເພຍ, ຫິວນໍ້າ, ອ່ອນແຮງ, ເປັນວິນໃຫ້ຟ້າວເຂົ້າບ່ອນຮົ່ມ
- ປັບອຸນຫະພູມໃຫ້ເຢັນ, ດື່ມນໍ້າເຢັນ ຫຼື ໃຊ້ແພຈຸ່ມນໍ້າຖູຕົນໂຕ ຂີ້ແຮ້ ຫວ່າງຂາ ໝັ່ນດື່ມຫຼາຍໆເທື່ອ
- ໄລຍະອາກາດຮ້ອນຫົວໃຈ ແລະ ເສັ້ນເລືອດຈະເຮັດວຽກຫຼາຍຂຶ້ນ ຄົນມີພະຍາດປະຈຳຕົວ ຖ້າຮູ້ສຶກຜິດປົກກະຕິໃຫ້ຟ້າວໄປພົບແພດ
- ຊ່ວຍກັນເບິ່ງແຍງຜູ້ເຖົ້າ, ຜູ້ມີພະຍາດປະຈຳຕົວເປັນພິເສດ
- ໝັ່ນສັງເກດສີນໍ້າຍ່ຽວ ຖ້າມີສີເຂັ້ມ ອາດເກີດຈາກການຂາດນໍ້າ
- ທາຄຣີມກັນແດດທຸກຄັ້ງກ່ອນອອກຈາກເຮືອນ.
ຂໍ້ມູນຈາກ: ສຸຂະພາບມາກ່ອນ
