ມື້ນີ້ເຮົາຈະມາແລກປ່ຽນ ຄວາມຄິດກັບແກ້ມງ່າຍໆ ເຮັດກິນເອງຢູ່ເຮືອນມາເບິ່ງນຳກັນເລີຍ.
ສ່ວນປະສົມປີກໄກ່ປີ້ງກະທຽມພິກໄທ:
- ປີກໄກ່ ( ປີກກົກ ) 500 ກຣາມ
- ນ້ຳຕານ 2 ບ່ວງແກງ
- ພິກໄທເມັດ 1/2 ບ່ວງແກງ
- ກະທຽມຕຳ 5 ກີບ
- ຜົງປຸງລົດ 1/2 ບ່ວງແກງ
- ສະອິວຂາວ 1 ບ່ວງແກງ
- ນ້ຳມັນຫອຍ 1 ບ່ວງແກງ
ວິທີເຮັດປີກໄກ່ປີ້ງກະທຽມພິກໄທ
- ໝັກປີກໄກ່ໂດຍໃສ່ສ່ວນປະສົມນ້ຳຕານ, ພິກໄທເມັດ, ກະທຽມ, ຜົງປຸງລົດຊາດ, ສະອິວຂາວ ແລະ ນ້ຳມັນຫອຍ ປະສົມຈົນເຂົ້າກັນໃສ່ປີກໄກ່ລົງໄປໝັກ ພັກໄວ້ໃນຕູ້ເຢັນປະມານ 30 ນາທີ.
- ນຳປີກໄກ່ອົບດ້ວຍໝໍ້ອົບລົມຮ້ອນທີ່ອຸນຫະພູມ 200 – 225 ອົງສາ ປະມານ 25 ນາທີ.
- ຈັດໃສ່ຈານພ້ອມເສີບກິນຄູ່ກັບເຂົ້າໜຽວຮ້ອນໆໄດ້ເລີຍ.
ຖ້າໃຜກຳລັງຊອກຫາອາຫານເມນູປີ້ງ ຢາກໃຫ້ລອງເຮັດປີກໄກ່ປີ້ງກະທຽມພິກໄທ, ເຄື່ອງໝັກສາມາດປັບຫຼຸດອັດຕາສ່ວນຕາມໃຈ ແຕ່ທີ່ຂາດບໍ່ໄດ້ເລີຍຄືກະທຽມກັບພິກໄທ.