ໃນສະພາບອາກາດທີ່ເຢັນ, ມີຄວາມຊື້ນຫຼາຍໃນຊ່ວງເຊົ້າ ແລະ ຕອນກາງຄືນ, ແຕ່ຕອນກາງເວັນອາກາດພັດຮ້ອຍອົບເອົ້າ ສະພາບອາກາດແບບນີ້ເຕືອນເຖິງຊາວສວນຜູ້ປູກໝາກເຂືອ ໃຫ້ເຝົ້າລະວັງການລະບາດຂອງບົ້ງເຈາະໝາກເຂືອ ທີ່ສາມາດພົບໄດ້ໃນໄລຍະການເກັບກ່ຽວຜົນຜະລິດ.
ສໍາລັບໃນໄລຍະຂອງການຈະເລີນເຕີບໂຕ ໃຫ້ຊາວສວນສັງເກດຕິດຕາມ ການລະບາດຂອງບົ້ງຊະນິດນີ້ ມັນຈະເຈາະໝາກ, ເຂົ້າໄປເຈາະທໍາລາຍຍອດໝາກເຂືອ ເຮັດໃຫ້ເກີຄວາມເສຍຫາຍ, ນອກນີ້ມັນຈະເຂົ້າໄປເຈາະລໍາຕົ້ນ ເມື່ອມັນເຈາະແລ້ວ ໃນຊ່ວງຕອນສວາຍທີ່ມີແສງແດດຈ້າ ຈະເຮັດໃຫ້ໝາກເຂືອ ແລະ ຕົ້ນຂອງມັນຫ່ຽວແຫ້ງລົງ, ເຊິ່ງຈະເຮັດໃຫ້ຜົນຜະລິດເສຍຫາຍ
ດັ່ງນັ້ນຕ້ອງປ້ອງກັນກໍາຈັດດ້ວຍການ ໝັ່ນກວດກາສວນ ໂດຍສະເພາະແມ່ນຕົ້ນໝາກເຂືອຢູ່ຕະຫຼອດ ເມື່ອພົບເຫັນບົ້ງ ຫຼື ພົບເຫັນໝາກທີ່ຖືກທໍາລາຍແລ້ວ ທໍາລາຍຖິ້ມທັນທີ; ຫາກພົບຍອດຫ່ຽວແຫ້ງ ຫຼື ໝາກອ່ອນຖືກທໍາລາຍປະມານ 5 ຫາ 20% ໃຫ້ໃຊ້ສານເຄມີສີດໃສ່ ແຕ່ກໍ່ຕ້ອງເລືອກໃຊ້ເທົ່າທີ່ເໝາະສົມ ແລະ ປະຕິບັດຕາມຄໍາແນະນໍາການໃຊ້ຢ່າງເຄັ່ງຄັດ
