ບໍລິສັດຫົວເຫວີຍລາວແມ່ນສຸມໃສ່ການຊ່ວຍເຫຼືອລາວເພື່ອບັນລຸການຫັນປ່ຽນທາງດ້ານເສດຖະກິດດິຈິຕອນໂດຍຜ່ານການສົ່ງເສີມຄວາມກ້າວໜ້າທາງດ້ານເຕັກໂນໂລຊີ ແລະ ການມີສ່ວນຮ່ວມໃນວິໄສທັດດິຈິຕອນຂອງປະເທດ.
ຫົວເຫວີຍໄດ້ເຂົ້າຮ່ວມ ສະແດງໃນງານ ສັບປະດາດີຈິຕອນ (Lao Digital Week 2022) ເຊິ່ງມີຫົວຂໍ້ຄື “ການຮ່ວມມືທົ່ວສັງຄົມເພື່ອຫັນເປັນດິຈິຕອນ”. ບໍລິສັດ ຫົວເຫວີຍ ເທັກໂນໂລຍີ (ລາວ) ຈຳກັດ ເຊິ່ງເປັນໜຶ່ງໃນບໍລິສັດເຕັກໂນໂລຊີຊັ້ນນຳຂອງປະເທດ ໄດ້ຕັ້ງບູດໃນງານດັ່ງກ່າວ ເຊິ່ງຈັດຂຶ້ນທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໃນລະຫວ່າງວັນທີ 21-25 ທັນວາ 2022 ເພື່ອສົ່ງເສີມວຽກງານໂທລະຄົມມະນາຄົມ ຕິດພັນກັບແຜນການພັດທະນາເສດຖະກິດດີຈີຕອນໃນລາວ.
ບູດມີຂໍ້ມູນກ່ຽວກັບການເຄື່ອນໄຫວ ແລະ ໂຄງການຂອງບໍລິສັດໃນລາວ, ການຮ່ວມມືກັບລັດຖະບານ ແລະ ຄູ່ຮ່ວມງານອື່ນໆເພື່ອສະໜັບສະໜູນ ແລະ ຕິດຕັ້ງລະບົບເຕັກໂນໂລຊີຂໍ້ມູນຂ່າວສານ ແລະ ການສື່ສານ (ICT), ການສ້າງຂີດຄວາມສາມາດຂອງພະນັກງານ ແລະ ການພັດທະນາເຕັກໂນໂລຊີ.ໂຊລູຊັນດ້ານເທັກໂນໂລຍີຂອງ Huawei ເຊັ່ນ: 5G ແລະ ເມືອງອັດສະລິຍະ, ແມ່ນສອດຄ່ອງກັບວິໄສທັດການຫັນເປັນດິຈິຕອລຂອງປະເທດລາວ ແລະ ຈະສະໜັບສະໜູນ ສ້າງລະບົບນິເວດການຫັນເປັນດິຈິຕອນທີ່ສົມບູນ.
ບໍລິສັດຈະສືບຕໍ່ສະໜອງຜະລິດຕະພັນ ແລະ ວິທີແກ້ໄຂທີ່ດີທີ່ສຸດໃຫ້ແກ່ເສດຖະກິດດິຈິຕອນຂອງລາວ ແລະ ປະກອບສ່ວນເຂົ້າໃນການຫັນປະເທດລາວຈາກປະເທດທີ່ບໍ່ມີທາງອອກສູ່ທະເລສູ່ດິນແດນທີ່ມີການເຊື່ອມໂຍງ.
ການລົງທຶນລະຫວ່າງປະເທດຂອງບໍລິສັດ ຊີໂນ -ອາກຣີ ໂປຕາສ ທີ່ແຂວງຄໍາມ່ວນ ແມ່ນໜຶ່ງໃນບັນດາຜູ້ຜະລິດຝຸ່ນ ໂປຕາສ ຊຽມລາຍໃຫຍ່ທີ່ສຸດໃນອາຊີ ດ້ວຍປະລິມານຜົນຜະລິດ 1 ລ້ານໂຕນ ໂດຍການນຳໃຊ້ Smart Mining Solution ຂອງ Huawei ເຊິ່ງເປັນການຂຸດຄົ້ນບໍ່ແຮ່ອັດສະລິຍະແຫ່ງທຳອິດຂອງ ບໍລິສັດ ຊີໂນ -ອາກຣີ ໂປຕາສ ໃນອາຊີຕາເວັນອອກສ່ຽງໃຕ້.
ທ່າກຳປັ່ນທຽນສິນແມ່ນໜຶ່ງໃນສິ່ງອຳນວຍຄວາມສະດວກດ້ານເຕັກໂນໂລຊີທີ່ກ້າວໜ້າທີ່ສຸດຂອງຈີນ ແລະ ເປັນສູນກາງທີ່ສຳຄັນຂອງຂໍ້ລິເລີ່ມໜຶ່ງແລວໜຶ່ງເສັ້ນທາງ.
ປະຈຸບັນ, ປະເທດຕ່າງໆໃນທົ່ວໂລກພວມພັດທະນາ ແລະ ນຳໃຊ້ເຕັກໂນໂລຊີທັນສະໄໝ ຫຼື ດິຈິຕອນ ເພື່ອພັດທະນາເສດຖະກິດ-ສັງຄົມ ເພືອຮັບປະກັນການບໍລິຫານ, ຄຸ້ມຄອງ ແລະ ການສະໜອງການບໍລິການຂອງລັດໃຫ້ມີປະສິດທິພາບ, ໂປ່ງໃສ ແລະ ວ່ອງໄວ ແລະ ຕອບສະໜອງໄດ້ຄວາມຕ້ອງການຂອງປະຊາຊົນ, ທ່ານນາຍົກລັດຖະມົນຕີ ແຫ່ງ ສປປ ລາວ. ທ່ານ ພັນຄໍາ ວິພາວັນ ກ່າວໃນກອງປະຊຸມ.
ລັດຖະບານກໍາລັງພັດທະນາລະບົບເຕັກໂນໂລຊີດິຈິຕອນ ເພື່ອແກ້ໄຂບັນຫາການເກັບລາຍຮັບ ແລະ ໃຫ້ໄດ້ຕາມຄາດໝາຍຂອງແຜນພັດທະນາເສດຖະກິດແຫ່ງຊາດ. ພ້ອມທັງຈະພະຍາຍາມນຳໃຊ້ເຕັກໂນໂລຊີດິຈິຕອນໃນທຸກຂົງເຂດເພື່ອພັດທະນາເສດຖະກິດ-ສັງຄົມ, ທ່ານກ່າວເນັ້ນ.
ການຫັນເປັນດິຈິຕອນຂອງລາວແມ່ນສຸມໃສ່ການຫັນການບໍລິຫານຂອງລັດຖະບານໄປສູ່ລະບົບດິຈິຕອນ, ສ້າງເສດຖະກິດດິຈິຕອນ ແລະ ສັງຄົມດິຈິຕອນ. ສະນັ້ນ ລັດຖະບານໄດ້ກໍານົດວິໄສທັດການພັດທະນາເສດຖະກິດດິຈິຕອນ 20 ປີ (2021-2040), ຍຸດທະສາດການພັດທະນາເສດຖະກິດດິຈິຕອນ 10 ປີ (2021-2030) ແລະແຜນພັດທະນາດິຈິຕອນ 5 ປີ (2021-2025), ທ່ານກ່າວຕື່ມວ່າ.
ທ່ານຍັງຮຽກຮ້ອງໃຫ້ບັນດາອົງການທັງພາກລັດ ແລະ ພາກເອກະຊົນສົມທົບກັນປະຕິບັດ ແລະ ຜັນຂະຫຍາຍແຜນການ, ຍຸດທະສາດ ແລະ ວິໄສທັດດັງກ່າວໃຫ້ບັນລຸຕາມຄາດໝາຍ.
ທ່ານຍັງໄດ້ສະແດງຄວາມຊົມເຊີຍໃຫ້ແກລັດຖະບານ ໂດຍສະເພາະກະຊວງເຕັກໂນໂລຊີ ແລະ ການສື່ສານ, ຄູ່ຮ່ວມງານ ແລະ ບໍລິສັດໄອທີແລະສືສານໃນລາວ ທີ່ໄດ້ໃຫ້ການສະໜັບສະໜູນ ແລະ ການຮ່ວມມືໃນງານ Lao Digital Week.
ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ສື່ສານ ໃຫ້ຮູ້ວ່າ: ການຈັດງານສັບປະດາດິຈິຕອນ 2022 ເປັນຄັງທຳອິດ ແນໃສ່ສົ່ງເສີມ ແລະ ພັດທະນານະວັດຕະກໍາດ້ານເຕັກໂນໂລຊີດິຈິຕອນ, ໄອຊີທີ ແລະ ໂທລະຄົມມະນາຄົມທຸກຂະແໜງການຕັ້ງແຕ່ສູນກາງເຖິງທ້ອງຖິ່ນ, ສົ່ງເສີມຂະບວນການຜະລິດ ແລະ ການບໍລິການດ້ານດິຈິຕອນ ເພື່ອໃຫ້ປະເທດສາມາດແຂ່ງຂັນໄດ້ໃນຕະຫຼາດພາຍໃນ ແລະ ຕ່າງປະເທດ ແລະ ເພື່ອເລັ່ງການຫັນເປັນດິຈິຕອນ.
ເຫດການດັ່ງກ່າວຈະເປັນເວທີ ແລະ ໂອກາດເພື່ອໃຫ້ພາກລັດ ແລະ ເອກະຊົນໄດ້ເຂົ້າຮ່ວມໃນການສົນທະນາກ່ຽວກັບຜົນສະທ້ອນຂອງຄວາມກ້າວໜ້າທາງດ້ານເຕັກໂນໂລຊີດິຈິຕອນ, ການຮ່ວມມື ແລະ ໂອກາດການລົງທຶນໃນອະນາຄົດ.
ກິດຈະກໍາດັ່ງກ່າວປະກອບມີງານວາງສະແດງ, ເວທີປາໄສແລະການສໍາມະນາ. ຜູ້ເຂົ້າຮ່ວມຈະໄດ້ເຂົ້າຮ່ວມກິດຈະກຳເພື່ອຮຽນຮູ້ທັກສະຕ່າງໆໃນການເປັນຜູ້ປະກອບການ ແລະ ເພື່ອສ້າງເຄືອຂ່າຍການເລີ່ມຕົ້ນດ້ວຍນັກທຸລະກິດ ແລະ ຜູ້ສ້າງລະບົບນິເວດ ຫຼາຍກວ່າ 20 ບໍລິສັດ.
