ໃນສະຖານທີ່ເຮັດວຽກຕ່າງໆ ບຸກຄົນທີ່ປະສົບຄວາມສຳເລັດບໍ່ໄດ້ມີຫຍັງພິເສດກວ່າຄົນອື່ນ ແຕ່ອາໄສຄວາມໃຝ່ຮູ້ ແລະ ສ້າງຄວາມຊໍານິຊໍານານ, ສ້າງທັກສະໃໝ່ໃຫ້ຕົນເອງ ຫຼື ເວົ້າອີກຢ່າງ ກໍຄືພັດທະນາຕົນເອງຢ່າງຕໍ່ເນື່ອງ ສຸດທ້າຍກໍກ້າວສູ່ປະສົບຄວາມສຳເລັດ.
ມື້ນີ້ມີ 8 ວິທີເຮັດວຽກທີ່ໄດ້ຜົນສຳເລັດມານຳສະເໜີໃຫ້ຫຼາຍທ່ານ ທີ່ຄິດວ່າກຳລັງທົດຖອຍໃນຊີວິດການເຮັດວຽກ,ຍ້າຍຫຼາຍໜ່ວຍງານແຕ່ກໍບໍ່ປະສົບຄວາມສໍາເລັດ ລອງມາອ່ານເບິ່ງວ່າທ່ານຍັງມີຫຍັງແດ່ທີ່ຂາດຫາຍໄປ.
1. ກໍານົດເປົ້າໝາຍຄວາມສໍາເລັດ: ຄວາມສໍາເລັດບໍ່ແມ່ນອີງຕາມສິ່ງທີ່ຄົນອື່ນຄິດ ຄວາມສໍາເລັດຂອງທ່ານ ທ່ານຄວນເປັນຄົນກຳນົດເປົ້າໝາຍເສັ້ນທາງການເດີນທາງ ເພາະຈະໄດ້ປະເມີນດ້ວຍຕົວທ່ານເອງວ່າທ່ານເດີນທາງມາເຖິງຈຸດໃດ.
2. ທ່ານຢາກເຮັດຫຍັງແດ່? ໃນແຕ່ລະມື້, ຈະມີວຽກເຮັດໃຫ້ເຈັບຫົວເລື້ອຍໆ. ບາງຄັ້ງສະໝອງຂອງຄົນເຮົາບໍ່ໄດ້ຖືກຮວບຮວມ, ມັນແມ່ນຄວາມຄິດທີ່ວ່າຈະຕ້ອງການເຮັດສິ່ງນີ້ເພື່ອກາຍເປັນຮູບພາບ. ສຸດທ້າຍບໍ່ມີຫຍັງເກີດຂຶ້ນ. ດັ່ງນັ້ນ, ໃຫ້ໃຊ້ວິທີງ່າຍດາຍທີ່ເຮັດວຽກດີກວ່າທ່ານຄິດ, ບໍ່ວ່າທ່ານຈະເຮັດວຽກລະດັບໃດກໍຕາມ ກໍຄືການຂຽນບັນຊີລາຍການປະຈໍາວັນເພື່ອເຮັດສິ່ງຕ່າງໆ, ຄວາມສໍາຄັນຂອງສິ່ງທີ່ຕ້ອງການຈະໄດ້ຮັບຜົນສໍາເລັດ.
ແນະນໍາລາຍຊື່ສິ່ງທີ່ຄວນເຮັດກ່ອນນອນ ຫຼື ເຮັດມັນຄັ້ງທໍາອິດໃນຕອນເຊົ້າບໍ່ວ່າຈະເປັນຂະໜາດນ້ອຍ ຫຼັງຈາກນັ້ນໃຫ້ຄວາມສໍາຄັນສິ່ງທີ່ທ່ານຈະຕ້ອງເຮັດໃນມື້ນີ້ກ່ອນສິ່ງອື່ນ.
3. ເວລາເຮັດວຽກຄິດຫຍັງອອກໃຫ້ຮີບຈົດ: ບາງຄັ້ງແນວ ຄວາມຄິດທີ່ດີອອກມາເວລາທີ່ບໍ່ຖືກຕ້ອງ ບໍ່ວ່າຈະເປັນອາບນ້ຳ, ໃນເວລາຂັບລົດ, ກ່ອນນອນ, ກິນອາຫານ. ຖ້າບໍ່ໄດ້ຮີບຮ້ອນຈົດຈະລືມມັນ. ບາງຄັ້ງມັນສໍາຄັນສໍາລັບການເຮັດວຽກ, ບາງຄັ້ງມັນອາດຈະເປັນຄວາມຄິດຂອງການນໍາສະເໜີວຽກກັບລູກຄ້າ ພໍຈະກັບມາຄິດອີກທີລືມມັນເສຍແລ້ວ, ສະນັ້ນວິທີງ່າຍໆກໍຄືການມີປຶ້ມບັນທຶກໄວ້ຈົດກ່າຍ ຫຼື ໂທລະສັບມືຖືຂອງທ່ານເພື່ອບັນທຶກມັນອີກ.
4. ມີຄວາມອົດທົນ ແລະ ດຸໝັ່ນໃນການເຮັດວຽກ: ມີ ຄວາມອົດທົນພະຍາຍາມເຮັດວຽກ ພະລັງງານທີ່ຈະຊຸກຍູ້ໃຫ້ເຮົາປະສົບຜົນສໍາເລັດແມ່ນການອົດທົນຕໍ່ພຶດຕິກໍາຄຳເວົ້າ, ອົດທົນຕໍ່ຄວາມກົດດັນໃນບ່ອນເຮັດວຽກ, ອົດທົນກັບສະຖານະການທີ່ບໍ່ດີ, ຮຽນຮູ້ການປັບຕົວ ແລະ ຊອກຫາວິທີແກ້ໄຂ.
5. ຢ່າຢຸດການຮຽນຮູ້ພັດທະນາຕົນເອງ: ຜູ້ປະສົບຄວາມສໍາເລັດຕ້ອງໄດ້ຮັບການພັດທະນາຕົນເອງຢູ່ສະເໝີ ບໍ່ວ່າຈະເປັນດ້ານບຸກຄະລິກ, ທັດສະນະຄະຕິ, ພຶດຕິກໍາ, ວິທີການເຮັດວຽກ, ການປະເມີນຄວາມສາມາດຂອງຕົນເອງ ແລະ ຫາວິທີສຶກສາ, ສິ່ງທີ່ເຮົາຄວນຮຽນຮູ້ເພີ່ມເພື່ອປັບປຸງວຽກງານໃຫ້ມີປະສິດທິພາບຫຼາຍຂຶ້ນ.
6. ການເຮັດວຽກແບບເປັນທີມ: ການມີສາຍພົວພັນທາງທຸລະກິດທີ່ດີອາດເປັນສິ່ງທີ່ສາມາດຊ່ວຍໃຫ້ທຸລະກິດ ຫຼື ໂຄງການຂອງເຮົາກ້າວໄປຂ້າງໜ້າ ຫຼື ຜົນສໍາເລັດພຽງພໍບໍ່ວ່າຈະເປັນເວລາໃດບໍ່ມີໃຜສາມາດໂດດເດັ່ນໄດ້ ແລະ ເຮັດໃຫ້ທີມງານມີຄວາມສໍາເລັດ ແຕ່ຕ້ອງເຮັດວຽກຢ່າງມີປະສິດທິຜົນມີທີມງານທີ່ເຮັດວຽກຮ່ວມກັນໄດ້ດີ ແຕ່ລະຄົນໃນທີມຮູ້ພາລະໜ້າທີ່ ແລະ ຄວາມຮັບຜິດຊອບຂອງເຂົາເຈົ້າ ແລະ ຕິດຕໍ່ສື່ສານຢ່າງຕໍ່ເນື່ອງ ແລະ ມີການພົວພັນກັບສື່ທີ່ດີກັບທຸລະກິດອື່ນສາມາດເຮັດໃຫ້ພວກເຮົາປະສົບຜົນສໍາເລັດໄດ້ໄວຂຶ້ນ.
7. ເຮັດສິ່ງທີ່ດີບໍ່ຈໍາເປັນຕ້ອງປະກາດ: ເຮັດສິ່ງທີ່ດີບໍ່ຈໍາເປັນຕ້ອງປະກາດໃຫ້ຫຼາຍຄົນຮັບຮູ້ ເພາະຄົນດີສັງຄົມອ້ອມຂ້າງຈະເປັນຄົນບອກກ່າວເອງ ການເຮັດດີກັບຄົນໃດໜຶ່ງໃນສັງຄົມຂໍພຽງເຮົາເຫັນເຂົາມີຄວາມສຸກນັ້ນ ກໍຄືຄວາມສຸກຂອງເຮົາໄປດ້ວຍບໍ່ຕ້ອງໄດ້ຄິດເຖິງຜົນຕອບແທນໃດໆ.
8. ສື່ສານຢ່າງມີປະສິດທິຜົນ:ການສື່ສານທີ່ມີປະສິດທິຜົນແມ່ນມີຄວາມສໍາຄັນ ບໍ່ວ່າຈະເປັນການສື່ສານພາຍໃນອົງກອນ ລະຫວ່າງ ຫ້ອງການກັບພະແນກ, ລະຫວ່າງອົງກອນ ແລະ ລູກຄ້າ ລະຫວ່າງ ອົງກອນກັບອົງກອນ ແມ່ນມີຄວາມສຳຄັນທີ່ສຸດ.
