ຣາຟ ຣັງນິກ ກາຍເປັນຜູ້ຈັດການທີມຄົນໃໝ່ຂອງ ແມນເຊັສເຕີ ຢູໄນເຕັດ ຢ່າງເປັນທາງການ ເມື່ອວັນທີ 29 ພະຈິກ ທີ່ຜ່ານມາ ຫຼັງຈາກທີ່ ແມນເຊັສເຕີ ຢູໄນເຕັດ ປົດຕໍາແໜ່ງ ໂອເລ ກຸນນາ ໂຊລຊາ ແລະ ແຕ່ງຕັ້ງ ໄມເຄິລ ຄາຣິກ ມາຄຸມທີມຊົ່ວຄາວ.
ຣັງນິກ ໄດ້ສັນຍາຄຸມທີມແມນເຊັສເຕີ ຢູໄນເຕັດ ຈົນຈົບລະດູການ 2021-2022 ກ່ອນຈະມີການປັບບົດບາດໃຫ້ເປັນທີ່ປຶກສາໃນລະດັບສູງຕໍ່ໄປອີກ 2 ປີ ຫຼ້າສຸດໃຫ້ສໍາພາດວ່າ: ຂ້ອຍຮູ້ສຶກຕື່ນເຕົ້ນທີ່ໄດ້ຮ່ວມງານກັບ ແມນເຊັສເຕີ ຢູໄນເຕັດ ທີ່ເຕັມໄປດ້ວຍນັກເຕະທີ່ມີຄຸນນະພາບ ເຊິ່ງຂ້ອຍຕ້ອງການດືງສັກຍະກາຍພາບນັກເຕະເຫຼົ່ານີ້ອອກມາໃຫ້ເຕັມທີ່ຫຼາຍທີ່ສຸດ ທັງແບບບຸກຄົນ ແລະ ທີ່ສໍາຄັນທີ່ສຸດໃນຖານະທີມ ຍິ່ງໄປກວ່ານັ້ນຂ້ອຍຫວັງວ່າຈະໄດ້ຊ່ວຍສະໜັບສະໜູນເປົ້າໝາຍໄລຍະຍາວຂອງສະໂມສອນໃນຖານະທີ່ປຶກສາທີມຕໍ່ໄປອີກ.
ສ່ວນພາລະກິດນັດທໍາອິດຂອງ ຣັງນິກ ໃນການພາ ແມນເຊັສເຕີ ຢູໄນເຕັດ ລົງສະໜາມຮັບມືກັບ ອາເຊນອລ ໃນການແຂ່ງຂັນບານເຕະພຣີເມຍລີກ ອັງກິດ ໃນຄືນນີ້ວັນທີ 2 ທັນວາ 2021.
