ເຊເຣນາ ວິລລຽມສ໌ ນັກເທັນນິິສຊາວອາເມຣິກາ ຍັງຕ້ອງລຸ້ນແຊັມແກຣນສະແລມສະໄໝທີ 24 ຂອງຕົວເອງໃນປີຕໍ່ໄປ ຫຼັງຈາກທີ່ລາວຕັດສິນໃຈຖອນຕົວຈາກ ຢູເອັສ ໂອເພັນ 2021 ເຊິ່ງເປັນລາຍການລະດັບແກຣນສະແລມສຸດທ້າຍຂອງປີ 2021 ທີ່ຈະເລີ່ມຂຶ້ນໃນວັນທີ 30 ສິງຫາ 2021 ເພາະອາການບາດເຈັບທີ່ກ້າມຊີ້ນຕົ້ນຂາ.
ເຊເຣນາ ປັດຈຸບັນອາຍຸ 39 ປີເປີດເຜີຍຜ່ານ ອິນສະຕາແກຣມວ່າ: “ ຫຼັງຈາກພິຈາລະນາຢ່າງຖີ່ຖ້ວນ ແລະ ປະຕິບັດຕາມຄໍາແນະນໍາຂອງໝໍ, ຂ້ອຍຕັດສິນໃຈແລ້ວທີ່ຈະຖອນຕົວຈາກການແຂ່ງຂັນ ຢູເອັສ ໂອເພັນ ເພື່ອໃຫ້ຕົວເອງຫາຍຈາກອາການບາດເຈັບກ້າມຊີ້ນຕົ້ນຂາຢ່າງສົມບູນ ”.
ເຊເຣນາ ປັດຈຸບັນແມ່ນໄດ້ແຊັມລະດັບແກຣນສະແລມ 23 ສະໄໝ ເຊິ່ງຕ້ອງການໄດ້ແຊັມສະໄໝທີ 24 ເພື່ອສ້າງສະຖິຕິທຽບເທົ່າກັບ ມາກາເຣັດ ຄອດ ທີ່ໄດ້ແຊັມລະດັບແກຣນສະແລມຂອງຝ່າຍຍິງຫຼາຍທີ່ສຸດໃນປັດຈຸບັນ.
ຮູບຈາກ: AP