ບາເຊໂລນາ ສະໂມສອນຍັກໃຫຍ່ໃນ ລາລີກາ ສະເປນ ເປີດຕົວ ເອແມຊອນ ກອງຫຼັງຊາວບຣາຊິນ ຢ່າງເປັນທາງການ ທີ່ສະໜາມຄໍານູ ສະໜາມໃນບ້ານຂອງ ບາເຊໂລນາ ເມື່ອວັນທີ 2 ສິງຫາ 2021 ທີ່ຜ່ານມາ.
ຕາມການລາຍງານຂອງສື່ຕ່າງປະເທດລະບຸວ່າ: ບາເຊໂລນາ ໃຊ້ສິດຈ່າຍເງິນ 9 ລ້ານເອີໂຣໃຫ້ກັບ ຣີລ ເບຕິສ ເພື່ອເປັນການຊື້ຂາດ ເອແມຊອນ ຫຼັງຈາກທີ່ມີສິດຄອງນັກເຕະຄົນດັ່ງກ່າວ ຮ່ວມກັບ ເບຕິສ ຕັ້ງແຕ່ປີ 2019 ຕອນທີ່ ເອແມຊອນ ນັກເຕະອາຍຸ 22 ປີຍ້າຍຈາກ ແອັດເລຕິໂກ ມິໄນໂຣ ສະໂມສອນໃນລີກບ້ານເກີດ.
ຫຼ້າສຸດ ເອແມຊອນ ເປີດຕົວກັບ ບາເຊໂລນາ ຢ່າງເປັນທາງການ ພ້ອມທັງເຊັນສັນຍາຈົນເຖິງປີ 2024 ເຊິ່ງໃນ 2 ລະດູການທີ່ຜ່ານມາ ເອແມຊອນ ລົງຫຼິ້ນໃຫ້ກັບ ເບຕິສ ໄປທັງໝົດ 72 ນັດ ແລະ ຍິງໄດ້ 5 ປະຕູ.
ຮູບຈາກ: AP