ບົດສະຫຼຸບ ຢູໂຣ 2020 ອິຕາລີ ຄວ້າແຊັມ, ອັງກິດ ຜິດຫວັງ ສ່ວນຕໍາແໜ່ງດາວຍິງສູງສຸດເປັນຂອງໂຣນັລໂດ

415
Italian team celebrates with the trophy after the Euro 2020 soccer final match between England and Italy at Wembley stadium in London, Sunday, July 11, 2021. (Catherine Ivill/Pool via AP)

ຜ່ານໄປ 1 ເດືອນພໍດີການແຂ່ງຂັນບານເຕະ ຢູໂຣ 2020 ກໍສໍາເລັດຢ່າງເປັນທາງການໃນວັນທີ 12 ມິຖຸນາ 2021 ຕາມເວລາໃນບ້ານເຮົາ

ປາກົດວ່າ ທີມຊາດອິຕາລີ ມອບຄວາມຜິດຫວັງໃຫ້ກັບ ທີມຊາດອັງກິດ ຫຼັງສະເໝີກັນ 1-1 ກ່ອນທີ່ ອິຕາລີ ຈະເອົາຊະນະໃນການດວນຈຸດໂທດ 3-2 ຄວ້າແຊັມສະໄໝທີ 2 ຕໍ່ຈາກປີ 1968 ຫຼື 53 ປີທີ່ຜ່ານມາ.

["]

ອິຕາລີ ພາຍໃຕ້ການນໍາທີມຂອງ ໂຣແບໂຕ ມັນຊິນີ ສ້າງສະຖິຕິໂດດເດັ່ນສະກົດຄໍາວ່າເສຍບໍ່ເປັນຍາວນານເຖິງ 34 ນັດ ໂດຍສະເພາະເສັ້ນທາງໃນຢູໂຣ 2020 ຮອບແບ່ງກຸ່ມເກັບໄຊຊະນະ 3 ນັດລວດ ແລະ ບໍ່ເສຍປະຕູ ແຕ່ໃນຮອບນ໊ອກເອົ້າກັບມາເລີ່ມເສຍປະຕູຄື: ຊະນະ ໂອຕຣິດ 2-1 ຮອບ 16 ທີມ, ຊະນະ ແບນຊິກ 2-1 ຮອບ 8 ທີມ, ດວນຈຸດໂທດຊະນະ ແອັດສະປາຍ 4-2 ຫຼັງສະເໝີກັນ 1-1 ຮອບ 4 ທີມ ແລະ ນັດຊີງດວນຈຸດໂທດ ຊະນະ ອັງກິດ ຫຼັງສະເໝີກັນ 1-1.

ບົດສະຫຼຸບ ຢູໂຣ 2020 ມີິດັ່ງນີ້:
-ແຊັມ: ອິຕາລີ
-ຮອງແຊັມ: ອັງກິດ
-ດາວຍິງສູງສຸດ: ຄຣິສເຕຍໂນ ໂຣນັລໂດ ກອງໜ້າທີມຊາດປ໊ອກຕຸຍການ ຍິງໄປ 5 ປະຕູ ແລະ 1 ແອັສຊິຊ ( ສົ່ງບານໃຫ້ເພື່ອນຮ່ວມທີມຍິງປະຕູ ) ເອົາຊະນະ ພາທຣິກ ຊິກ ກອງໜ້າຈາກສາທາລະນະລັດເຊັກ ເນື່ອງຈາກທັງສອງຍິງໄດ້ 5 ປະຕູເທົ່າກັນ, ແຕ່ ໂຣນັລໂດ ມີແອັສຊິຊ ຫຼາຍກວ່າຄວ້າລາງວັນດັ່ງກ່າວໄປຄອງ.

-ນັກເຕະດີເດັ່ນ: ຈານລຸຍຈິ ດອນນາຣຸມມາ ຜູ້ຮັກສາປະຕູທີມຊາດອິຕາລີ

-ແອັສຊິຊຫຼາຍທີ່ສຸດ: ສະຕີເວນ ຊູເບີ ຈາກທີມຊາດສະວິດ 4 ຄັ້ງ

-ປະຕູໄວທີ່ສຸດໃນນັດຊີງຊະນະເລີດຢູໂຣ: ລຸກ ຊໍ ຍິງໄດ້ໃນນາທີໆ 1:57

-ນັກເຕະດາວເດັ່ນດີເດັ່ນ: ເປດຣິ ຈາກທີມຊາດແອັດສະປາຍ ອາຍຸ 18 ປີ

ສ່ວນເງິນລາງວັນ
-ແຊັມ: 10 ລ້ານເອີໂຣ
-ຮອງແຊັມ: 7 ລ້ານເອີໂຣ
-ເຂົ້າຮອບ 8 ທີມ: 4 ລ້ານເອີໂຣ

-ເຂົ້າຮອບ 16 ທີມ: 2 ລ້ານເອີໂຣ
-ຊະນະໃນຮອບແບ່ງກຸ່ມນັດລະ: 1,5 ລ້ານເອີໂຣ
-ສະເໝີໃນຮອບແບ່ງກຸ່ມ: 750.000 ເອີໂຣ
-ເຂົ້າມາຫຼິ້ນໃນຮອບສຸດທ້າຍ ( 24 ທີມ ): 9,25 ລ້ານເອີໂຣ