ການແຂ່ງຂັນບານເຕະ ໂຄປາ ອາເມຣິກາ 2021 ຮອບຮອງຊະນະເລີດ ຄູ່ທໍາອິດສໍາເລັດຢ່າງເປັນທາງການໃນຕອນເຊົ້າຂອງວັນທີ 7 ມິຖຸນາ 2021 ຕາມເວລາໃນບ້ານເຮົາ ເປັນການພົບກັນລະຫວ່າງ ທີມຊາດບຣາຊິນ ແຊັມເກົ່າ ທັງເປັນເຈົ້າພາບພົບກັບ ເປຣູ.
ປາກົດວ່າ: ບຣາຊິນ ຄອງເກມໄດ້ເໜືອກວ່າ ແລະ ບຸກຢ່າງຕໍ່ເນື່ອງ ກ່ອນມາໄດ້ປະຕູຂຶ້ນນໍາ 1-0 ນາທີໆ 35 ຈາກຈັງຫວະທີ່ ເນມາ ພາບານຂຶ້ນໄປທາງດ້ານຊ້າຍ ກ່ອນເປີດເຂົ້າກາງໃຫ້ກັບ ລູຄັສ ປາເກຕາ ຍິງເຂົ້າໄປ, ສ່ວນໄລຍະເວລາທີ່ເຫຼືອບໍ່ມີປະຕູເກີດຂຶ້ນ ບຣາຊິນ ເອົາຊະນະໄປຫວຸດຫວິດ 1-0.
ເຮັດໃຫ້ ບຣາຊິນ ເຂົ້າຮອບຊີງຊະນະເລີດໄປລໍຖ້າພົບທີມຊະນະລະຫວ່າງ ອາກຊັງຕິນ ຫຼື ໂຄລົມບີ ທີ່ຈະແຂ່ງຂັນຮອບຮອງຊະນະເລີດໃນວັນທີ 6 ກໍລະກົດ 2021 ( ກົງກັບເວລາໃນບ້ານເຮົາ 6:00 ໂມງຂອງວັນທີ 7 ກໍລະກົດ ).
