ໃນວັນທີ 18 ມັງກອນ 2021 ທ່ານ ບຸນມາ ເທບພູໄຊ ຫົວໜ້າຫ້ອງການກະສິກຳ-ປ່າໄມ້ ເມືອງໄຊພູທອງ ແຂວງສະຫວັນນເຂດ ລາຍງານໃຫ້ຮູ້ວ່າ: ຕາມແຜນການຂອງເມືອງໄຊພູທອງ ໂດຍສະເພາະແມ່ນການຜະລິດລະດູແລ້ງ ປູກເຂົ້ານາແຊງ 284,4 ເຮັກຕາ, ແຜນແນວພັນ 17.064 ກິໂລ. ສະມັດຕະພາບ 4,5 ໂຕນຕໍ່ເຮັກຕາ ຜົນຜະລິດໃຫ້ໃດ້ 1.279,8 ໂຕນ. ສໍາລັບແຜນປູກພືດລະດູແລ້ງ 1.109,85 ເຮັກຕາ.
ມາຮອດປັດຈຸບັນ, ຊາວກະສິກອນສາມາດຕົກກ້າໄດ້ 11.247 ກິໂລ, ໃນເນື້ອທີ່ 187,46 ເຮັກຕາ ເພີ່ມໃນອາທິດນີ້ 2.718 ກິໂລ, ເນື້ອທີ່ 54,3ເຮັກຕາ, ນາຢອດ 8,5ເຮັກຕາ, ແນວປູກ 510 ກິໂລ, ນາຫວ່ານ 6,9 ເຮັກຕາ, ແນວປູກ 414 ກິໂລ; ປັກດຳແລ້ວ 95% ເທົ່າກັບ 178,08 ເຮັກຕາ, ຂອງເນື້ອທີ່ຕົກກ້າໄດ້ 187,46 ເຮັກຕາ.
ສ່ວນວຽກງານຄຸ້ມຄອງ ແລະ ພັດທະນາທີ່ດິນໄຖກົບຕໍເຟືອງ 78,62 ເຮັກຕາ, ປັບນາໄຮ່ນ້ອຍເປັນໄຮ່ໃຫ່ຍ 35,7ເຮັກຕາ ໄປຄຽງຄູ່ກັນນັ້ນວຽກງານປູກພືດລະດູແລ້ງ 2020-2021 ໄດ້ແລ້ວ 805,33ເຮັກຕາ.
ຂໍ້ມູນຈາກ: ວິທະຍຸກະຈາຍສຽງ ສະຫວັນນະເຂດ