ໃນວັນທີ 8 ມັງກອນ 2021, ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ,ທັງເປັນຫົວໜ້າອະນຸກໍາມະການໂຄສະນາ ແລະ ຂະບວນການ ພ້ອມດ້ວຍຄະນະ ແລະ ພາກສ່ວນກ່ຽວຂ້ອງ ລົງຕິດຕາມກວດກາຄວາມພ້ອມວຽກງານ ປະດັບປະດາດອກໄມ້, ດອກໄຟ, ທຸງຊາດ, ທຸງພັກ, ທຸງທິວ ຢູ່ຈຸດໜ້າຫໍປະຊຸມແຫ່ງຊາດ, ຕາມເສົາໄຟຟ້າ ແລະ ປ້າຍຄໍາຂັວນຂ້າມທາງຖະໜົນໄກສອນພົມ ວິຫານ.
ປະດັບປ້າຍຄໍາຂັວນຫ້ອຍຕາມເສົາໄຟຄູກາງຖະໜົນລ້ານຊ້າງ, ປະດັບໄຟໃສ່ຕົ້ນ ໄມ້ເສັ້ນ ທາງລ້ານຊ້າງ ແລະ ໄກສອນພົມວິຫານ, ປະດັບທຸງວົງ ວຽນ 450 ປີ, ຕາມຖະໜົນສຸພານຸວົງ, ຖະໜົນເສດຖາ ແລະ ຖະໜົນທ່າເດື່ອ(ວົງວຽນຈິ່ນາຍໂມ້) ແລະ ວຽກງານອະນາໄມຕົວເມືອງ ເພື່ອຮັບໃຊ້ໃຫ້ແກ່ການຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນ ປະຕິວັດລາວ, ເຊິ່ງຄາດວ່າຈະໄດ້ຈັດຂຶ້ນໃນລະຫວ່າງວັນທີ 13-15 ມັງກອນ 2021 ທີ່ນະຄອນຫລວງວຽງຈັນ.
.
ຜ່ານການລົງກວດກາຄັ້ງນີ້, ບັນດາອະນຸກຳມະການປະດັບປະດາຕົວເມືອງ ໄດ້ລາຍງານຄວາມພ້ອມຂອງໜ້າວຽກດ້ານຕ່າງໆ ໃຫ້ທ່ານປະທານສູນກາງແນວລາວສ້າງຊາດຮັບຊາບ ແລະ ມີທິດຊີ້ນຳເພີ່ມຕື່ມ, ເຊິ່ງໂດຍລວມແມ່ນມີຄວາມພ້ອມ ສະອາດ ຈົບງາມແລ້ວກວ່າ 80 % ແລະ ຄາດວ່າຍັງມີບາງໜ້າວຽກທີ່ກຳລັງຂຸ້ນຂ້ຽວສືບຕໍ່ປະຕິບັດໃຫ້ສຳເລັດກ່ອນຮອດມື້ເປີດກອງປະຊຸມ 100%.
.