ວຸ້ນກະທິໃບເຕີຍ ເຂົ້າໜົມຫວານຫອມຈາກໃບເຕີຍປະສົມປະສານລົດເຄັມມັນຈາກກະທິຄັ້ນສົດໆ ໃຊ້ຜົງວຸ້ນທີ່ສາມາດຫາຊື້ໄດ້ຕາມຕະຫຼາດ ເຮັດເປັນວຸ້ນກະທິໃບເຕີຍ ໃສ່ພິມຂະໜາດທີ່ຕ້ອງການ ຫຼື ຖ້ວຍຈານ ແລ້ວນຳໄປແຊເຢັນແຊບໆ ເຮົາມາເບີ່ງສ່ອນປະກອບ ແລະ ວິທີເຮັດນຳກັນເລີຍ
ສ່ວນປະກອບວຸ້ນໃບເຕີຍ:
1 ນ້ຳສະອາດ 2 ຖ້ວຍ.
2 ຜົງວຸ້ນ 1+1/2 ບ່ວງແກງ.
3 ນ້ຳໃບເຕີຍຄັ້ນ 1/2 ຖ້ວຍ. (ຖ້າມັກສີເຂັ້ມກໍ່ຄັ້ນໃຫ້ສີຂຸ້ນຂຶ້ນ).
4 ນ້ຳຕານ 1/2 ຖ້ວຍນ້ອຍ.
ສ່ວນປະກອບວຸ້ນກະທິ:
1 ກະທິ 2+1/2 ຖ້ວຍ.
2 ຜົງວຸ້ນ 1+1/2 ບ່ວງແກງ.
3 ເກືອເລັກໜ້ອຍ.
4 ນ້ຳຕານ 1/4 ຖ້ວຍນ້ອຍ.
ວິທີປຸງແຕ່ງ:
1 ໃນການເຮັດວຸ້ນໃຫ້ເປັນຊັ້ນຈະເອົາສີຂຽວ ຫຼື ສີຂາວຂຶ້ນກ່ອນກໍ່ໄດ້ ແລະ ຖ້າເອົາສີຂຽວລົງລຸ່ມກໍ່ເຮັດວຸ້ນໃບເຕີຍກ່ອນ. ໂດຍເອົານ້ຳຖອກໃສ່ໝໍ້ພ້ອມກັບຜົງວຸ້ນຄົນຈົນຜົງວຸ້ນບໍ່ເປັນກ້ອນແລ້ວຈຶ່ງນຳມາຄ້າງໄຟອ່ອນໆ ແລະ ຄົນໄປເລື້ອຍໆຈົນຟົດ ຫຼື ຜົງວຸ້ນລະລາຍດີ.
2 ຈາກນັ້ນ, ຈຶ່ງໃສ່ນ້ຳຕານລົງໄປຄົນຈົນນ້ຳຕານລະລາຍແລ້ວຖອກນ້ຳໃບເຕີຍລົງ ແລະ ຕົ້ມຕໍ່ຈົນຟົດຈຶ່ງປິດໄຟປະໄວ້ພໍອຸ່ນແລ້ວຕັກ ຫຼື ຖອກໃສ່ພິມບໍ່ໃຫ້ເຕັມເພາະຍັງວຸ້ນກະທິອີກຊັ້ນໜຶ່ງແລ້ວນຳໄປແຊ່ເຢັນ.
3 ຫຼັງຈາກນັ້ນ, ກໍ່ກຽມເຮັດວຸ້ນກະທິ (ສີຂາວ) ໂດຍເອົານ້ຳກະທິໃສ່ໝໍ້ພ້ອມກັບຜົງວຸ້ນຄົນໃຫ້ລະລາຍ ແລະ ຈຶ່ງເອົາໄປຄ້າງໄຟອ່ອນຕົ້ມຈົນກະທິເລີ່ມຟົດ (ແຕ່ບໍ່ຕ້ອງໃຫ້ແຕກມັນ) ແລ້ວຈຶ່ງເອົານ້ຳຕານພ້ອມເກືອລົງຄົນໃຫ້ລະລາຍປະໄວ້ໃຫ້ອຸ່ນຈຶ່ງຖອກຊັ້ນທີ່ 2 ພໍແຂງໂຕກໍ່ແກະອອກຈາກພິມພ້ອມເສີບ.
ຮຽບຮຽງຈາກ: krua.co