ມື້ນີ້ຂໍເປັນລາຍການຂອງຫວານທີ່ຫຼາຍຄົນມັກເຂົ້າໜົມບຣາວນີ່ ( Brownie ) ແຕ່ສູດນີ້ຈະມີສ່ວນປະສົມຂອງກ້ວຍຫອມໃສ່ນໍາ ຮັບຮອງວ່າແຊບບໍ່ໜ້ອຍກວ່າສູດດັ້ງເດີມແນ່ນອນ.
ສ່ວນປະສົມ:
1 ໝາກກ້ວຍຫອມສຸກ 2 ໜ່ວຍ.
2 ແປ້ງໂຮວີດ 2 ຖ້ວຍນ້ອຍ.
3 ໄຂ່ໄກ່ 1 ໜ່ວຍ.
4 ນ້ຳມັນໝາກພ້າວ 1/2 ຖ້ວຍນ້ອຍ.
5 ນ້ຳເຜິ້ງ 1 ຖ້ວຍນ້ອຍ.
6 ໂຢເກິດ 1/2 ຖ້ວຍນ້ອຍ.
7 ເບກກິ້ງໂຊດາ 1 ບ່ວງກາເຟ.
8 ຜົງໂກໂກ້ 2 ບ່ວງແກງ.
9 ຜົງກາເຟ 1 ບ່ວງແກງ.
ວິທີປຸງແຕ່ງ:
ປອກເປືອກໝາກກ້ວຍໃສ່ເຄື່ອງຕີແລ້ວຕື່ມແປ້ງ ໂຮວີດ, ໄຂ່ໄກ່, ນ້ຳມັນໝາກພ້າວ, ນ້ຳເຜິ້ງ, ເບກກິ້ງໂຊດາ, ໂຢເກິດ, ຜົງໂກໂກ້ ແລະ ຜົງກາເຟ ແລ້ວຕີໃຫ້ສ່ວນປະສົມທຸກຢ່າງເຂົ້າກັນດີ. ຈາກນັ້ນ, ຖອກໃສ່ພິມເຈ້ຍ ຫຼື ພາຊະນະທີ່ຈະໃຊ້ໃຫ້ຮຽບຮ້ອຍແລ້ວນຳໄປອົບໃນອຸນຫະພູມ 180 ອົງສາ ແລະ ອົບປະມານ 20 ນາທີ.
ຫຼັງຈາກສຸກແລ້ວໃຫ້ແກະອອກຈາກພິມເຈ້ຍ ແລະ ຈັດໃສ່ຈານໂຮຍໜ້າດ້ວຍນ້ຳຕານໄອຊິງ ເສີບພ້ອມກັບນົມ ຫຼື ເຄື່ອງດື່ມອື່ນໆຕາມໃຈມັກ.
( ຂໍ້ມູນຈາກ: cooking-classy.com )
( ຮຽບຮຽງ: ນຸ້ມນິ້ມ )
