ຜົນງານໂດດເດັ່ນ 100% ເລີຍສໍາລັບ ນາງ ປ້ອມ ລໍມະນີ ນັກກີລາແລ່ນ-ລານຈາກ ສະຖາບັນກີລາ-ກາຍະກໍາ ຢືນ 1 ໃນກີລາແລ່ນ-ລານ ລົງແຂ່ງຂັນ 4 ລາຍການຄວ້າຫຼຽນຄໍາໄດ້ທັງ 4 ລາຍການ ໃນງານມະຫາກໍາກີລາມະຫາວິທະຍາໄລລາວ ຄັ້ງທີ 2 ລະຫວ່າງວັນທີ 5-14 ພຶດສະພາ 2024.
ການແຂ່ງັຂນກີລາ-ລານ ໃນງານມະຫາກໍາກີລາມະຫາວິທະຍາໄລລາວ ຄັ້ງທີ 2 ມີການຊີງໄຊທັງໝົດ 27 ຫຼຽນຄໍາ ເຊິງ 4 ມື້ທໍາອິດມີເຫດການເດັ່ນໆເກີດຂຶ້ນເມື່ອ ນາງ ປ້ອມ ລໍມະນີ ນັກກີລາແລ່ນ-ລານຈາກ ສະຖາບັນກີລາ-ກາຍະກໍາ ລົງແຂ່ງຂັນລາຍການໃດຄວ້າຫຼຽນຄໍາໄດ້ທັງ 4 ລາຍການຄື: ຫຼຽນຄໍາ 100 ແມັດຍິງ, ເຕັ້ນຍາວຍິງ, 4X100 ແມັດຍິງ ແລະ 4X400 ແມັດປະສົມ ໂດຍເດັ່ນສຸດໆໄປເລີຍ.
ນາງ ປ້ອມ ລໍມະນີ ໃຫ້ສໍາພາດກັບທີມຂ່າວພວກເຮົາວ່າ: ນ້ອງພູມໃຈຫຼາຍຕໍ່ກັບຜົນງານຄັ້ງນີ້ສາມາດຍາດໄດ້ 4 ຫຼຽນຄໍາຄື ຫຼຽນຄໍາ 100 ແມັດຍິງ, ເຕັ້ນຍາວຍິງ, 4X100 ແມັດຍິງ ແລະ ປິດທ້າຍທີ່ລາຍການສຸດຄວ້າຫຼຽນຄໍາ 4X400 ແມັດປະສົມ, ຕ້ອງຂໍຂອບໃຈຄູຝຶກ, ທີມງານ ແລະ ກອງເຊຍ ທີ່ເຮັດໃຫ້ນ້ອງມີກໍາລັງໃຈສູ້ຈົນປະສົບຜົນສໍາເລັດ.
ນອກນັ້ນ, 4 ຫຼຽນຄໍາຂອງ ປ້ອມ ຍັງເຮັດໃຫ້ ສະຖາບັນກິລາ-ກາຍະກໍາ ຫຼື ສບກ ກວາດເພີ່ມເປເັນ 16 ຫຼຽນຄຳ, 7 ຫຼຽນເງິນ ແລະ 3 ຫຼຽນທອງ ລວມ 26 ຫຼຽນ ຄອງເຈົ້າຫຼຽນຄຳ ປະເພດກິລາແລ່ນ-ລານ ໃນງານມະຫາກຳກິລາມະຫາວິທະຍາໄລລາວ ຄັ້ງທີ 2 ຫຼື ກມລ2 ເກມ ທີ່ມະຫາວິທະຍາໄລແຫ່ງຊາດ ຮັບກຽດເປັນເຈົ້າພາບ
ຂ່າວ: Larh Creators
