ຂ່າວບັນເທີງຍັງພາແຟນຂ່າວຕາມຕິດຂອບເວທີ ນາງງາມຈັກກະວານລາວ2024 Miss Universe Laos2024 ກັນຢູ່ ເພາະເປັນເວທີທີ່ໜ້າຕິດຕາມແຮງ ເນື່ອງຈາກວ່າໃນເວທີນີ້ ສາວງາມແຕ່ລະຄົນລ້ວນແຕ່ມີສະເໜ່ດຶງດູດ ມີ ຄວາມເປັນຕົວເອງໝັ້ນໃຈ ແລະ ໜ້າຕິດຕາມເປັນທີ່ສຸດເລີຍ. ສະນັ້ນຂ່າວບັນເທີງເອງ ເລີຍອົດໃຈບໍ່ໄດ້ທີ່ຈະນໍາສະເໜີໃຫ້ທຸກຄົນໄດ້ຮູ້ຈັກນໍາກັນ ເຊິ່ງໃນມື້ນີ້ຈະພາທຸກຄົນມາທໍາຄວາມຮູ້ຈັກກັບ 10 ສິ່ງ ທີ່ຄວນຮູ້ກ່ຽວກັບສອງສາວງາມ ຈາກເວທີນີ້ໄປພ້ອມກັນ.
ເລີ່ມຕົ້ນຈະພາທຸກຄົນມາທໍາຄວາມຮູ້ຈັກກັບ 10ສິ່ງທີ່ຄວນຮູ້ ກ່ຽວກັບຕົວແທນນຳສະເໜີ “ ແຂວງໄຊຍະບູລີ ” ຊົມພູ ເພັດອາລຸນ ຈິດຕະວົງ ໜຶ່ງເລີຍກໍຄືນິຍາມຄວາມເປັນຕົວເອງແມ່ນ ຊື່ສັດ ແລະ ເມດຕາ; ສອງ ຄວາມສາມາດພິເສດ ແມ່ນສາມາດເປົ່າເມໂລດຽນໄດ້ນໍາອີກ; ສາມ ອາຫານທີ່ມັກທີ່ສຸດຄື ຕຳໝາກຫຸ່ງ ແລະ ແກງໜໍ່ໄມ້; ສີ່ ສິ່ງທີ່ມັກທີ່ສຸດແມ່ນມັກເຂົ້າຟິດເນັດ ແລະ ຕີດອກ; ຫ້າ ສີທີ່ມັກທີ່ສຸດກໍຄືດຳ ກັບ ຂາວ; ຫົກ ສິ່ງທີ່ເຮັດໃນປັດຈຸບັນ ເປັນຄູອາສາສອນຕີກອງດຸລີຍາງນັ້ນເອງ; ເຈັດ ສິ່ງທີ່ປະທັບໃຈທີ່ສຸດໃນຊີວິດຄືການອາສາຊ່ວຍສັງຄົມ; ແປດ ຄຳວ່າຈິດໃຈທີ່ແຂງແກ່ນໃນມຸມມອງຂອງນ້ອງເອງຄື ຕ້ອງກ້າວຜ່ານຈຸດດ້ອຍ ແລະ ຈຸດທີ່ຕົວເອງຢ້ານ ແລ້ວພັດທະນາໃຫ້ດີທີ່ສຸດ ເພື່ອສິ່ງທີ່ເຮົາຢາກເຮັດ; ເກົ້າ ສິ່ງທີ່ຢາກສ້າງການປ່ຽນແປງໃນອະນາຄົດ ຄືນ້ອງຢາກຢຸດຕິ ຄວາມຮຸນແຮງ ແລະ ສຸດທ້າຍເລີຍ ເປົ້າໝາຍສູງສຸດໃນຊີວິດ ຢາກພັດທະນາສິ່ງແວດລ້ອມໃຫ້ດີຂຶ້ນກວ່າເກົ່ານັ້ນເອງ. ນີ້ກໍຄື 10 ສິ່ງທີ່ຄວນຮູ້ກ່ຽວກັບສາວງາມຄົນນີ້.
ມາຕໍ່ກັນເລີຍທີ່ 10 ສິ່ງທີ່ຄວນຮູ້ກ່ຽວກັບ “ ໂລຊ້າ ” ມາຊ້າ ຢ່າທໍ່ຕູ້ຢົງກາຍ ຕົວແທນນຳສະເໜີ “ ແຂວງ ຊຽງຂວາງ ” ໜຶ່ງ ການນິຍາມຄວາມເປັນຕົວເອງ ເປັນຄົນເຟຣນລີ້ ຕະຫຼົກ ມີຄວາມເປັນຕົວຂອງຕົວເອງ; ສອງ ຄວາມສາມາດພິເສດ ຮ້ອງເພງ, ເຕັ້ນ, ຟ້ອນ ແລະ ເດີນແບບ; ສາມ ອາຫານທີ່ມັກທີ່ສຸດ ກໍຄືຕົ້ມໄກ່, ປົ່ນປາ ກັບ ແຈ່ວບອງ; ສີ່ ສິ່ງທີ່ເຮົາມັກທີ່ສຸດຄືການໄດ້ທ່ອງທ່ຽວ ແລະ ການໄດ້ເຮັດໃນສິ່ງທີ່ຢາກເຮັດ;ຫ້າ ສີທີ່ມັກທີ່ສຸດມ່ວງ ກັບ ຟ້າ;ຫົກສິ່ງທີ່ເຮັດໃນປັດຈຸບັນກໍຄືການເປັນບຣາລິສຕ້າ; ເຈັດສິ່ງທີ່ປະທັບໃຈທີ່ສຸດໃນຊີວິດຄືການ ໄດ້ມີໂອກາດໄດ້ຮຽນຮູ້ພັດທະນາຕົນເອງໃນທຸກໆດ້ານ ບໍ່ວ່າຈະເປັນ ອາຊີບ ການສຶກສາ ກິດຈະກຳ ແລະ ເວທີ Miss Universe Laos;
ແປດ ຄຳວ່າຈິດໃຈທີ່ແຂ່ງແກ່ນໃນມຸມມອງຂອງນ້ອງແມ່ນ ເປັນຜູ້ຍິງທີ່ສາມາດເປັນຜູ້ນຳ ມີ ຄວາມກ້າຫານ ຊື່ສັດຕໍ່ຫົວໃຈຕົນເອງ ສາມາດເປັນແຮງບັນດານໃຈໃຫ້ແກ່ທຸກຄົນ ແລະ ເປັນຜູ້ໃຫ້; ເກົ້າ ສິ່ງທີ່ຢາກສ້າງການປ່ຽນແປງໃນອະນາຄົດ ກໍຄືການຢາກເປັນແຮງບັນດານໃຈໃຫ້ແມ່ຍິງທຸກຊົນເຜົ່າໃຫ້ກ້າຫານ ແລະ ຕໍ່ຕ້ານ ຄວາມຮຸນແຮງຕໍ່ແມ່ຍິງແລະ ເດັກນ້ອຍ ແລະ ສຸດທ້າຍກໍຄືເປົ້າໝາຍສູງສຸດໃນຊິວິດ ຢາກເປັນນາງງາມລະດັບແຖວໜ້າ ໃນຖານະຜູ້ຍິງທີ່ເປັນຊົນເຜົ່າ ໃຫ້ທຸກຄົນໄດ້ຈົດຈຳວ່າຜູ້ຍິງທຸກໆຊົນເຜົ່າສາມາດທີ່ຈະເປັນນາງງາມໄດ້
ທ້າຍນີ້ຂ່າວບັນເທີງເອງຝາກເປັນກໍາລັງໃຈໃຫ້ກັບສອງສາວແນ່ເດີ້ ໃນເວທີ Miss Universes Laos 2024ນັ້ນເອງ ສາມາດຕິດຕາມຜົນງານການເຄື່ອນໄຫວຕ່າງໆຂອງນ້ອງໄດ້ທີ່ເພຈໄດ້ເລີຍ.
