ມື້ນີ້ຈະມາເຮັດອາຫານເຊົ້າງ່າຍໆດ້ວຍແຊນວິດໝາກໄມ້ລວມ ເຊິ່ງຈະເປັນລົດຫວານແຕ່ອຸດົມໄປດ້ວຍໝາກໄມ້ຫຼາກຫຼາຍຊະນິດທີ່ສາມາດໃຫ້ພະລັງງານ ແລະ ຊ່ວຍປະຢັດເວລາຮີບດ່ວນໃນຕອນເຊົ້າອີກດ້ວຍ.
ສ່ວນປະສົມ:
1 ເຂົ້າໜົມປັງຈະໃຊ້ເປັນໂຮວີດ ຫຼື ເຂົ້າໜົມປັງທຳມະດາກໍໄດ້ຕາມໃຈມັກ.
2 ວິບປິ້ງຄຣີມ.
3 ສະຕໍເບີຣີ.
4 ກີວີ.
5 ອາງຸ່ນ.
6 ໝາກກ້ຽງ.
7 ແຍມໝາກໄມ້ຊະນິດໃດກໍໄດ້.
ໝາຍເຫດ: ສຳລັບປະລິມານທີ່ໃຊ້ແມ່ນຕາມໃຈມັກ ຈະເຮັດໜ້ອຍ ຫຼື ຫຼາຍກໍໄດ້ ສ່ວນໝາກໄມ້ທີ່ຈະໃຊ້ສາມາດເລືອກຊະນິດໃດກໍໄດ້ ຫຼື ຈະໃຊ້ເປັນໝາກໄມ້ຕາມລະດູການຍິ່ງເປັນການດີ ແລະ ແຍມໝາກໄມ້ທີ່ໃຊ້ແນະນຳໃຫ້ແຍມທີ່ມີລົດຊາດສົ້ມຈະດີກວ່າ ເພາະຈະຊ່ວຍຕັດຄວາມຫວານຂອງວິບປິ້ງຄຣີມ.
ວີທີປຸງແຕ່ງ:
ນຳໝາກໄມ້ທີ່ຕ້ອງການມາຊອຍເປັນຕ່ອນ ປະມານ 1 ຂໍ້ມື ນຳແຍມມາທາໃສ່ແຜ່ນເຂົ້າໜົມປັງ 2 ແຜ່ນ ແລະ ທາດ້ວຍວິບປິ້ງຄຣີມ ສຸດທ້າຍຈຶ່ງລຽນໝາກໄມ້ໃສ່ເອົາມາປົກໃສ່ກັນໃຫ້ເປັນແຊນວິດ. ຈາກນັ້ນ, ປາດຂອບເຂົ້າໜົມປັງອອກແລ້ວປາດເປັນຕ່ອນຕາມໃຈມັກ ເຊັ່ນ: ເປັນ 4 ຫຼ່ຽມຍາວ ຫຼື 3 ຫຼ່ຽມ ເສີບພ້ອມກັບຊາຮ້ອນ.
( ຂໍ້ມູນຈາກ: cooking.kapook.com )
[ ຮຽບຮຽງ: ນຸ້ມນິ້ມ ]
