ຮູ້ບໍ່ວ່າຫົວຜັກບົ່ວແດງມີປະສິດພາບໃນການຕໍ່ສູ້ກັບເຊື້ອພະຍາດ ແລະ ແບັກທີເຣຍແຖມຍັງສາມາດຊ່ວຍລ້າງອະໄວຍະວະພາຍໃນຮ່າງກາຍຂອງເຮົາໄດ້ນຳ. ມື້ນີ້ເຮົາມີເຄັດລັບເບິ່ງແຍງສຸຂະພາບດ້ວຍການນຳຫົວຜັກບົ່ວແດງມາເປັນຜູ້ຊ່ວຍໃນການລ້າງສານພິດໃນຮ່າງກາຍຂະນະທີ່ເຮົາກຳລັງນອນຫຼັບຢູ່.
ວິທີເຮັດ:
1 ນຳຫົວຜັກບົ່ວແດງມາຊອຍບາງໆແຕ່ຕ້ອງແນ່ໃຈກ່ອນວ່າຫົວຜັກບົ່ວແດງທີ່ນຳມາໃຊ້ນັ້ນປອດສານພິດ ໂດຍບໍ່ມີຢາຂ້າແມງໄມ້ແລ້ວລ້າງນ້ຳໃຫ້ສະອາດ ແລະ ແຊ່ນ້ຳສະອາດຖິ້ມໄວ້ໄລຍະໜຶ່ງກ່ອນນຳມາຊອຍ ຈາກນັ້ນ, ກໍ່ນຳໄປໃສ່ໄວ້ກ້ອງຝ່າຕີນກ່ອນໃສ່ຖົງຕີນແລ້ວໃສ່ໄວ້ແບບນັ້ນໝົດຄືນ.
2 ການວາງຫົວຜັກບົ່ວແດງໃຫ້ວາງຢູ່ສ່ວນທີ່ແປທີ່ສຸດຂອງຝ່າຕີນ ໂດຍຄຸນສົມບັດໃນການປິ່ນປົວຂອງຫົວຜັກບົ່ວແດງຄື: ຫົວຜັກບົ່ວແດງຈະຄ່ອຍໆດູດຊຶມຂຶ້ນໄປຈາກຝ່າຕີນແລ້ວຊ່ວຍກະຕຸ້ນທຸກຈຸດທີ່ຢູ່ຕີນທີ່ເຊື່ອມຕໍ່ກັບອະໄວຍະວະພາຍໃນຕ່າງໆຂອງຮ່າງກາຍທັງໝົດເພື່ອກະຕຸ້ນການເຮັດວຽກງານ ແລະ ລ້າງສານພິດຕ່າງໆຜ່ານຝ່າຕີນ.
ປະໂຫຍດຂອງການນຳຫົວຜັກບົ່ວແດງວາງໄວ້ກ້ອງຕີນກ່ອນນອນ:
1 ເລືອດຈະຖືກເຮັດໃຫ້ບໍລິສຸດປາດສະຈາກເຊື້ອພະຍາດດ້ວຍກົດຟົດຟໍລິກຈາກຫົວຜັກບົ່ວແດງຈະຖືກດູດຊຶມ ແລະ ຈະຟອກເລືອດໄດ້.
2 ແບັກທີເຣຍ ແລະ ເຊື້ອພະຍາດຈະຖືກກຳຈັດໄປ.
3 ເຮັດໃຫ້ຕີນບໍ່ມີກິ່ນ.
ຫຼາຍຄົນອາດບໍ່ຮູ້ວ່າຂອງງ່າຍໆໃກ້ໂຕກໍ່ຊ່ວຍໃຫ້ສຸຂະພາບດີຂຶ້ນໄດ້ຢ່າງບໍ່ໜ້າເຊື່ອ ແລະ ຍັງງ່າຍຕໍ່ການນຳໄປໃຊ້ນຳ ເຊິ່ງສາມາດທົດລອງກັນກໍ່ບໍ່ເສຍຫາຍຫຍັງເພາະເປັນການນຳທຳມະຊາດມາບຳບັດຮ່າງກາຍໃຜສົນໃຈວິທີນີ້ກໍ່ນຳໄປປະຕິບັດກັນເບິ່ງ.
