ບົວລະພາຖືວ່າເປັນຜັກກິນກັບເຟີ, ເຂົ້າປຽກ, ເຂົ້າປຸ້ນທີ່ຫຼາຍຄົນນິຍົມກິນ ແຕ່ສຳລັບບາງຄົນກໍບໍ່ມັກເນື່ອງຈາກກິ່ນສະເພາະຂອງມັນນັ້ນເອງ ແລະ ມັນຍັງເປັນຜັກອີກຊະນິດໜຶ່ງທີ່ສາມາດຊ່ວຍເຮັດໃຫ້ຄົົນທີ່ເປັນພະຍາດນອນບໍ່ຫຼັບສາມາດນອນຫຼັບໄດ້ສະບາຍຂຶ້ນ.
ໂດຍມີວິທີງ່າຍໆຄື: ໃຫ້ເອົາໃບບົວລະພາສົດ ປະມານ 1 ກຳມື, ແລ້ວນຳມາລ້າງນ້ຳໃຫ້ສະອາດຕົ້ມກັບນ້ຳໃນປະລິມານ 1/2 ລິດຕົ້ມຈົນຟົດ ຫຼື ຂ້ຽວຕໍ່ໄປເລື່ອງຈົນໃຫ້ເຫຼືອນ້ຳປະມານ 3/4 ຂອງຈອກເທົ່ານນັ້ນ, ໃຊ້ດື່ມຂະນະທີ່ຍັງອຸ່ນໆກ່ອນຈະເຂົ້ານອນຈະຊ່ວຍໃຫ້ນອນຫຼັບໄດ້. ເຊິ່ງຜູ້ທີ່ມີບັນຫາພະຍາດນອນບໍ່ຫຼັບໃຫ້ທົດລອງເຮັດເບິ່ງ ໂດຍບໍ່ເປັນອັນຕະລາຍ, ໄດ້ຄຸນປະໂຫຍດທຳລ້ວນໆ ແລະ ປອບໄພຈາກສານເຄມີອີຫດ້ວຍ ຖ້າໄດ້ຜົນດີກໍ່ສາມາດຕົ້ມດື່ມໄດ້ເລື່ອຍໆແຕ່ຖ້າບາງຄົນີ່ໃຊ້ບໍ່ໄດ້ຜົນກໍ່ໃຫ້ຢຸດດື່ມ.
ບົວລະພາ ຫຼື OCIMUM BASILICUM LINN ຢູ່ໃນວົງ LABIATAE ໂດຍປະໂຫຍດທາງຢາພື່ນເມື່ອງໃຊ້ໄດ້ໝົດຕົ້ນຈຳນວນພໍປະມານຕົ້ມນ້ຳດື່ມແກ້ປວດ, ແກ້ຫວັດ, ແກ້ຖອກທ້ອງ, ຊ່ວຍໃຫ້ຈະເລີນອາຫານ, ຊ່ວຍຂັບເຫື່ອ, ຊ່ວຍຂັບເສມຫະ, ຊ່ວຍຂັບລົມ, ແກ້ເຈັບຫົວ, ປວດຂໍ້ ແລະ ແກ້ໜອງໃນ. ໂດຍນຳເອົາໃບສົດມາຕຳລະອຽດຄັ້ນເອົາສະເພາະນ້ຳ ຫຼື ຈະໃຊ້ກາກທາບາດແຜຟົກຊ້ຳ, ແຜເປັນໜອງຊຳເຮື້ອ, ແກ້ແມງໄມ້ກັດ.
ສ່ວນເມັດແຫ້ງແມ່ນໃຫ້ຕົ້ມ ຫຼື ແຊ່ນ້ຳກິນເປັນຢາລະບາຍ, ແກ້ພະຍາດຕາແດງ ແລະ ຮາກສົດ ຫຼື ເຮັດຕາກແຫ້ງແມ່ນໃຫ້ເຜົາໄຟໃຫ້ເປັນຂີ້ເທົ່າແລ້ວນຳມາບົດລະອຽດທາບາດແຜຊຳເຮື້ອຈະດີຊ່ວຍໃຫ້ເຊົາໄວຂຶ້ນ.
