ເມື່ອກາງອາທິດນີ້,ລາຄາຮຸ້ນຂອງບໍລິສັດ ແອເອເຊຍເຊິ່ງເປັນສາຍການບິນລາຄາຖືກລາຍໃຫຍ່ທີ່ສຸດຂອງອາຊີຕົກລົງໜັກໃນການຊື້ຂາຍຢູ່ທີ່ຕະຫຼາດຮຸ້ນກົວລາລໍາເປີຂອງມາເລເຊຍຫຼັງມີຂ່າວວ່າບໍລິສັດໄດ້ຮັບເງິນສິນບົນຈໍານວນ50ລ້ານໂດລາຈາກບໍລິສັດແອບັດເພື່ອໃຫ້ມີການຊື້ເຮືອບິນຂອງແອບັດ.
ທັງນີ້,ລາຄາຮຸ້ນແອເອເຊຍຕົກລົງ11%ຈຸລະດັບ1,27ຣິງກິດເຊິ່ງເປັນລະດັບຕໍ່າທີ່ສຸດນັບຕັ້ງແຕ່ເດືອນ ພຶດສະພາປີ2016ຂະນະທີ່ລາຄາຮຸ້ນແອເອເຊຍ ເອ໊ກ ຕົກລົງ12%ຈຸລະດັບຕໍ່າສຸດເປັນປະຫວັດການ.
ດ້ານແອເອເຊຍອອກແຈ້ງການປະຕິເສດຂ່າວທີ່ວ່າບໍລິສັດຮັບເງິນສິນບົນຈາກແອບັດເພື່ອແລກກັບການຊື້ເຮືອບິນແອບັດຈໍານວນ180ລໍາ.
ຂໍ້ກ່າວຫາດັ່ງກ່າວມີຂຶ້ນຫຼັງຈາກທີ່ແອບັດຍອມຈ່າຍເງິນຄ່າປັບໃໝໃຫ້ແກ່ທາງອາເມຣິກາ,ອັງກິດ ແລະ ຝຣັ່ງຈໍານວນ4ຕື້ໂດລາເພື່ອຢຸດເຊົາການສືບສວນຂໍ້ກ່າວຫາທີ່ວ່າບໍລິສັດໄດ້ຈ່າຍເງິນຕິດສິນບົນສາຍການບິນຫຼາຍແຫ່ງເພື່ອໃຫ້ມາຊື້ເຮືອບິນຂອງແອບັດ.