ການນອນຫຼັບພັກຜ່ອນ ເປັນສິ່ງຈຳເປັນ ແຕ່ເນື່ອງດ້ວຍຫຼາຍປັດໄຈທີ່ເຮັດໃຫ້ນອນນ້ອຍ ຫຼື ເຂົ້ານອນເດີກ ເຊິ່ງເກີດມາຈາກສະພາວະທາງອາລົມມີຄວາມຕືງຄຽດ ສົ່ງຜົນໃຫ້ນອນບໍ່ຫຼັບ ເຊິ່ງອາການເຫຼົ່ານີ້ເລີ່ມຕົ້ນຈະມີອາການຊືມເສົ້າ, ອ່ອນເພຍ, ບໍ່ສົດຊື່ນແຈ່ມໃສ ຫາກເປັນໄລຍະຍາວ ຈະສົ່ງຜົນເສຍຕໍ່ສຸຂະພາບ, ໜ້າທີ່ການງານ ແລະ ສັ່ງຄົມ ແລະ ໂຣກຮ້າຍບາງຊະນິດອາດເກີດຂຶ້ນໄດ້ ຍ້ອນສຸຂະພາບບໍ່ມີພູມຄຸ້ມກັນທີ່ແຂງແຮງ. ສະນັ້ນ, ມືິນີ້ ແອັດມິນ ຈະມານຳສະເໜີຜົນເສຍຂອງການພັກຜ່ອນບໍ່ພຽງພໍ ຫຼື ນອນນ້ອຍ ສົ່ງຜົນແນວໃດຕໍ່ສຸຂະພາບ ມາເບິ່ງນຳກັນເລີຍ!!!
ອາລົມແປປ່ວນງ່າຍ: ຈາກຜົນວິໄຈພົບວ່າ ຄົນທີ່ນອນຫຼັບພຽງ 4-5 ຊົ່ວໂມງ ຕໍ່ຄືນ ຕໍ່ເນື່ອງກັນປະມານ 1 ອາທິດ ມັກຈະມີອາລົມແປປວນຫຼາຍກວ່າ ຄົນທີ່ນອນປະມານ 7 ຊົ່ວໂມງຕໍ່ຄືນ ເຊິ່ງຄົນທີ່ນອນນອນຈະມີອາລົມຕືງຄຽດ, ເສົ້າ, ໂມໂຫ, ຫງຸດຫງິດງ່າຍ, ທໍ້ແທ້ ເຖິງແມ່ນວ່າສະຖານນະການນັ້ນເປັນສິ່ງທີ່ຕ້ອງຜະເຊີນທຸກວັນ ກໍ່ຍັງມີທ່າອ່ຽງຄົນນອນນ້ອຍ ຈະຄ່ອຍຄວບຄຸມອາລົມໄດ້ນ້ອຍກວ່າຄົນທີ່ນອນພຽງພໍ
ສະໝອງເຮັດວຽກຊ້າ: ການນນອນນອນສົ່ງຜົນໃຫ້ສະໝອງຮັບຮູ້ ແລະ ຮຽນຮູ້ຊ້າລົງຈິງ ເນື່ອງຈາກຜົນສຳຫຼວດໃນໂຮງຮຽນມັດທະຍົມແຫ່ງໜຶ່ງໃນສະຫະລັດອາເມລິກາ ທີ່ໄດ້ມີການທົດສອບຍ້າຍເວລາເຂົ້າຮຽນຈາກ 7:30 ໂມງ ມາເປັນ 8:ງແິ30 ໂມງ ພົບວ່າຜົນຄະແນນຂອງວິຂາເລກ ແລະ ວິຊາການອ່ານຂອງນັກຮຽນເພີ່ມຂຶ້ນສູງປະມານ 2% ແລະ 1% ຕາມລໍາດັບ ເຊິ່ງອະທິບາຍໄດ້ວ່າ ຖ້າເພີ່ມໄລຍະຂອງການນອນຫຼັບ ກໍ່ສາມາດເພີ່ມປະສິດທິພາບ ໃນການຮຽນຮູ້ ແລະ ຈົດຈຳຂອງສະໝອງໄດ້ຫຼາຍຂຶ້ນ.
ມັກເຈັບຫົວ: ການນນອນນ້ອຍ ຈະເຮັດໃຫ້ເລືອດໄປຫຼໍ່ລ້ຽງສະໝອງບພຽງພໍ ຈຶ່ງເປັນສາເຫດຂອງການເຈັບຫົວ, ບໍ່ສະບາຍ ໂດຍສະເພາະກັບຄົນປ່ວຍທີ່ເປັນໂຣກໄມເກຣນນັ້ນ ຍິ່ງມີໂອກາດຈະກັບມາເປັນຄືນໄດ້ຫຼາຍ
ອ້ວນ, ນໍ້າໜັກຂຶ້ນງ່າຍ: ຄົນນອນນ້ອຍມີທ່າອ່ຽງນໍ້າໜັກຕົວເພີ່ມຂຶ້ນງ່າຍກວ່າຄົນນອນພໍ ເພາະຮ່າງກາຍເກີດອາການຍາກອາຫານ ຫຼື ຮູ້ສຶກຫິວງ່າຍ ໂດຍສະເພາະອາຫານທີ່ມີແຄຣລີສູງ ເຊິ່ງບັນຫານີ້ເອງຄືປັດໄຈສຳຄັນຂອງໂຣກອ້ວນ ແລະ ມີນໍ້າໜັກຕົວເພີ່ມຂຶ້ນ.
ໂຣກຫົວໃຈ: ສາເຫດທີ່ສົ່ງຜົນຕໍ່ອັດຕາການເຕັ້ນຂອງຫົວໃຈ ກໍ່ຄືໂປຣຕີນ ທີ່ສະສົມຕົວເພີ່ມຂຶ້ນໃນຊ່ວງທີ່ຕື່ນ ແລະ ຈະຖືກຂັບອອກໄປໂດຍທຳມະຊາດໃນເວລານອນຫຼັບ ເພາະສະນັ້ນ ຄົນທີ່ນອນບໍ່ພໍ ຫຼື ນອນນ້ອຍຕິດຕໍ່ກັນເປັເວລາດົນໆ ຈະມີຄວາມສ່ຽງເປັນໂຣກຫົວໃຈໄດ້.
ລະບົບພູມຄຸ້ມກັນຕໍ່າ: ການນອນຫຼັບເປັນການເພີ່ມປະສິດທິພາບໃນຂະບວນການຕ່າງໆ ການຟື້ນຟູ ແລະ ການຊ້ອມແຊມເຊລຕ່າງໆຂອງຮ່າງກາຍ ຫາກນອນບໍ່ພຽງພໍ ປະສິດທິພາບກໍ່ນ້ອຍລົງ, ສົ່ງຜົນໃຫ້ເຈັບປ່ວຍໄດ້ງ່າຍ
ມີອາການຊັກຊ້າ: ເຊິ່ງນັກວິໄຈ ໄດ້ເຮັດແບບທົດສອບກຸ່ມອາສາສະໝັກເປັນ 2 ກຸ່ມຄື: ກຸ່ມນຶ່ງຫ້າມນອນ, ສ່ວນອີກກຸ່ມໜຶ່ງນອນໄດ້ຕາມປົກກະຕິ ຈາກນັ້ນ, ອາສາະໝັກທັງ 2 ກຸ່ມໄດ້ເຮັດບົດທົດສອບ 2 ຄັ້ງ ເຊິ່ງຜົນປະກົດວ່າ ກຸ່ມອາສາທີ່ນອນພຽງພໍນັ້ນ ມີການຕອບໂຕ້ ແລະ ຕັດສິນໃຈໄວກວ່າ ກຸ່ມທີ່ບໍ່ໄດ້ນອນ ຫຼື ນອນນ້ອຍ.
ສາຍຕາມົວ: ນອນນ້ອຍຈະເຮັດໃຫ້ປະສິດທິພາບໃນການເບິ່ງເຫັນດ້ອຍລົງ ການນອນບໍ່ພຽງພໍຈະສົ່ງຜົນໃຫ້ສາຍຕາມືດມົວ, ເບິ່ງບໍ່ແຈ້ງ ແລະ ຖ້າເປັນຕິດຕໍ່ກັນຫຼາຍຄືນ ກໍ່ອາດຈະເຫັນພາບຫຼອນຮ່ວມນຳ
ມັກປັດສະວະ (ຍ່ຽວ) ເລື້ອຍໆ: ຫາກມີອາການເຊັ່ນນີ້ ກໍ່ເປັນສັນຍານເຕືອນວ່າຮ່າງກາຍພັກຜ່ອນບໍ່ພຽງພໍ, ປົກກະຕິສ່ວນກ້າມຊີ້ນຫູຮູດໃນທໍ່ປັດສະວະ ຈະບໍ່ເຮັດວຽກໃນຕອນກາງຄືນ ມີຄວາມແຂງແຮງພໍທີ່ຈະກັ້ນປັດສະວະ ບໍ່ໃຫ້ເກີດມີການປັດສະວະຢູ່ບ່ອນນອນຂະນະທີ່ນອນຫຼັບ ເມື່ອນອນບໍ່ພໍຕິດຕໍ່ກັນອາດຈະເຮັດໃຫ້ ທໍ່ປັດສະວະອ່ອນເພຍ
ຂາດສະມາທິ: ຄວາມອ່ອນເພຍຈາກການນອນນ້ອຍ ສົ່ງຜົນໃຫ້ສາມະທິຕໍ່າລົງ ເຮັດໃຫ້ການດຳລົງຊວິດໃນປະຈຳວັນເຊັ່ນ: ການເຮັດວຽກ, ການຫຼິ້ນກິລາ, ການຮຽນ ຫຼື ການຂັບຂີ່ ເພາະສະໝອງບໍ່ມີສະມາທິໃນການຈົດຈຳສິ່ງທີ່ຢູ່ອ້ອມຂ້າງ ຮ່າງກາຍຢູ່ໃນພາວະມຶນງົງ ບໍ່ສາມາດຄັ້ງໃຈຈົດຈໍ່ກັບສິ່ງໃດໄດ້.
ເຈັບປ່ວຍໄດ້ງ່າຍ: ການນອນນ້ອຍເຮັດໃຫ້ພູມຕ້ານທານໂຮກຕໍ່າລົງ ຈາກຜົນວິໄຈສ່ວນໃຫຍ່ເຜີຍວ່າ ຄົນທີ່ນອນນ້ອຍກວ່າ 7 ຊົ່ວໂມງ ມີໂອກາດປ່ວຍ ຫຼາຍກວ່າຄົນທີ່ນອນ 8 ຊົ່ວໂມງຕໍ່ຄືນເຖິງ 3 ເທົ່າ ແລະ ຄົນທີ່ໃຊ້ເວລາດົນກວ່າຈະນອນຫຼັບນັ້ນ ມີໂອກາດປ່ວຍໄວກວ່າຄົນທີ່ວາງຫົວລົງໝອນແລ້ວຫຼັບຖິງ 5,5 ເທົ່າ.
ສະມັດຕະພາບທາງເພດເສື່ອມ: ການນອນບໍ່ພໍ ມີຜົນຕໍ່ຂະບວນການສ້າງຮໍໂມນເທສໂທສເທີໂຣນຕໍ່າລົງ ເຊິ່ງສົ່ງຜົນໃຫ້ຄວາມຕ້ອງການທາງເພດຕໍ່າ ເຖິງຂັ້ນເສື່ອມສະມັດຕະພາບໄດ້.
ຂີ້ຫຼົງຂີ້ລືມ: ຜົນວິໄຈພົບວ່າ ຜູ້ປ່ວຍເປັນອັນໄຊເມີ ສ່ວນໃຫຍ່ມີພຶດຕິກຳນອນນ້ອຍ ເມື່ອທຽບກັບຄົນປົກກະຕິ ແລະ ສົ່ງຜົນໃຫ້ເກີດການສະສົມຂອງໂປຣຕີນ (Amyloid beta) ໃນເຊລປະສາດໜາຂຶ້ນ ເຮັດໃຫ້ສະໝອງເສື່ອມ ແລະ ອາຍຸສັ້ນລົງ ເຊິ່ງຜົນເສຍເຫຼົ່ານີ້ເກີດຂຶ້ນຈາກການນອນນ້ອຍ ທີ່ຖືກສະສົມເປັນເວລາດົນ ເຮັດໃຫ້ຮ່າງກາຍອ່ອນແອລົງ ແລະ ເຮັດໃຫ້ຊີວິດສັ້ນລົງ. ສະນັ້ນ, ເພື່ອຫຼີກລ່ຽງໂຣກຮ້າຍດັ່ງກ່າວ ຄວນນອນພັກຜ່ອນໃຫ້ຄົບ 7-8 ຊົ່ວໂມງທຸກໆຄືນ ເພື່ອສຸຂະພາບຮ່າງກາຍທີ່ແຂງແຮງ.