ວັນທີ 10 ພຶດສະພາ 2023 ທີ່ນະຄອນຫຼວງວຽງຈັນ ສປປ ລາວ, ບໍລິສັດ ໂອໂຕເວີນດ໌ (ໂຄລາວດີວີລົບພິງ) ຈຳກັດຜູ້ດຽວ ໄດ້ເປີດໂຕລົດໄຟຟ້າລຸ້ນລ່າສຸດ Kia EV 6 ຢ່າງເປັນທາງການ. ລົດລຸ້ນໃໝ່ນີ້ສະແດງເຖິງບາດກ້າວອັນສຳຄັນ ໃນຄວາມມຸ່ງໝັ້ນຂອງບໍລິສັດໃນການເຄື່ອນທີ່ແບບຍືນຍົງແລະ ຄາດວ່າຈະເປັນການປ່ຽນຮູບໂສມ ອຸດສາຫະກໍາຍານພາຫະນະໄຟຟ້າຢ່າງຍິ່ງໃຫຍ່.
ເກຍ ອີວີ6 (Kia EV 6) ມີລະໄລຍະທາງໃນການແລ່ນໄກເຖິງ 523 ກິໂລແມັດໂດຍການສາກຄັ້ງດຽວ, ເຮັດໃຫ້ມັນເໝາະສົມສໍາລັບການເດີນທາງໄກ. ພາຫະນະດັ່ງກ່າວມີເທັກໂນໂລຊີຊ່ວຍເຫຼືອຜູ້ຂັບຂີ່ທີ່ມີຄວາມທັນສະໄໝ ແລະ ມີການອອກແບບນະວັດຕະກໍາທີ່ປະສົມປະສານການເຮັດວຽກທີ່ມີສະໄຕລ໌.
ທ່ານ ພູວາເລສ ກອງວັດທະນາສຸພາ ຜູ້ອໍານວຍການ ບໍລິສັດ ໂອໂຕເວີນດ໌ (ໂຄລາວດີວີລົບພິງ) ຈຳກັດຜູ້ດຽວ ກ່າວວ່າ: “ພວກເຮົາມີຄວາມຕື່ນເຕັ້ນທີ່ຈະໄດ້ນຳສະເໜີ Kia EV 6 ເຊິ່ງເປັນລົດໄຟຟ້າລຸ້ນໃໝ່ລ່າສຸດຂອງພວກເຮົາ ທີ່ປະສົມປະສານກັບເທັກໂນໂລຊີທີ່ທັນສະໄໝເຂົ້າກັບການອອກແບບທີ່ສວຍງາມ ແລະ ທັນສະໄໝ. “EV 6 ແມ່ນຫຼັກຖານສະແດງເຖິງຄວາມມຸ່ງໝັ້ນຂອງພວກເຮົາຕໍ່ກັບການເຄື່ອນທີ່ແບບຍືນຍົງ ແລະ ເປັນຂີດໝາຍອັນສຳຄັນໃນການເດີນທາງຂອງພວກເຮົາໄປສູ່ອະນາຄົດທີ່ໃຊ້ພະລັງງານສະອາດ ແລະ ຍັງສະແດງເຖິງບາດກ້າວອັນສຳຄັນໃນຄຳໝັ້ນສັນຍາຂອງພວກເຮົາຕໍ່ກັບຄວາມຍືນຍົງ ແລະ ນະວັດຕະກຳ. ພວກເຮົາເຊື່ອວ່າ KIA EV6 ບໍ່ພຽງແຕ່ຈະຕອບສະໜອງຄວາມຕ້ອງການຂອງຜູ້ຂັບຂີ່ທົ່ວໄປເທົ່ານັ້ນ, ແຕ່ພວກເຮົາໝັ້ນໃຈວ່າ ຕ້ອງເກີນຄວາມຄາດຫວັງຂອງລູກຄ້າຂອງພວກເຮົາ.”
Kia EV 6 ສ້າງຂຶ້ນດ້ວຍແພັຣດຟອມລະບົບລົດຍົນໄຟຟ້າ ຫລື Electric-Global Modular (E-GMP) ຂອງບໍລິສັດ ເຊິ່ງເຮັດໃຫ້ເວລາສາກໄຟສັ້ນກວ່າ ແລະ ມີປະສິດທິພາບຫຼາຍຂຶ້ນ. ຍານພາຫະນະດັ່ງກ່າວຍັງມີລະບົບການສາກໄຟແບບໃໝ່ ທີ່ສາມາດສາກແບັດໄດ້ຈາກ 10% ຫາ 80% ໃນເວລາພຽງ 18 ນາທີ.
Kia EV 6 ຄາດວ່າຈະເປັນຕົວປ່ຽນແປງເກມໃນອຸດສາຫະກໍາຍານພາຫະນະໄຟຟ້າໃນປະເທດລາວ. ດ້ວຍການໃຊ້ງານທີ່ໜ້າປະທັບໃຈ, ຄຸນສົມບັດຂັ້ນສູງ ແລະ ການອອກແບບທີ່ຫຼູຫຼາ, ລົດ EV 6 ຄາດວ່າຈະກາຍມາເປັນພາຫະນະທາງເລືອກສຳລັບຜູ້ຂັບຂີ່ທີ່ໃສ່ໃຈຕໍ່ສິ່ງແວດລ້ອມ ແລະ ສຳລັບຜູ້ທີ່ຮັກໃນຄວາມທ້າທາຍ.
ສໍາລັບຂໍ້ມູນເພີ່ມເຕີມກ່ຽວກັບ Kia EV 6 ແລະ ຍານພາຫະນະ Kia ອື່ນໆ, ສາມາດເຂົ້າໄປເບິ່ງເພີ່ມເຕີມໄດ້ທີ່ເວັບໄຊ https://www.kia.com/la/main.html ຫຼື facebook Kialao ຫຼື ສາມາດສອບຖາມຂໍ້ມູນເພີ່ມເຕີມໄດ້ທີ່ໝາຍເລກ 1888.
