ງານນີ້ຂ່າວບັນເທີງຂໍບອກເລີຍວ່າ ເປັນອີກໜຶ່ງງານແຟຊັ່ນຍິ່ງໃຫຍ່ແຫ່ງປີ ແລະ ໜ້າຈັບຕາເປັນທີ່ສຸດ ເພາະງານນີ້ໄດ້ຮວບຮ່ວມເອົາຫ້ອງເສື້ອຫຼາຍໆແບຣນມາເດີນຮ່ວມກັນປະຊັນ ຜົນງານງານການອອກແບບໄປເລີຍ ໜ້າຈັບໃຈສຸດວ່າຈະມີແຟຊັນຫຍັງມາໃຫ້ໄດ້ຕື່ນຕາຕື່ນໃຈ ກັບງານເດີນແບບແຟຊັ້ນ Valentine’s runway will have a very special show of secret outfits! ໃນວັນທີ 10 ກຸມພາ 2024 ເຊິ່ງຈະໄດ້ຈັດງານຍິ່ງໃຫຍ່ຂຶ້ນທີ່ຮ້ານ ຄ່າເຟ ເເບັກຍາດນັ້ນເອງ.
ທາງດ້ານແບຣນເສື້ອຜ້າທີ່ຈະໄດ້ເຂົ້າຮ່ວມກໍເປີດເຜີຍຮູບໂສມກັນອອກມາກ່ອນໝູ່ແລ້ວ ສຳລັບນາງແບບຂອງແບຣນເສື້ອຜ້າດັງລະດັບຕົ້ນໆຂອງປະເທດ ກັບ ແບຣນທາເວດ ຂອງອ້າຍບອຍ ຄົນເກັ່ງຂອງພວກເຮົາ ທີ່ຈະເຂົ້າຮ່ວມໃນງານເດີນແບບໂປຣເຈັກໃຫຍ່ຂອງຕົ້ນປີ 2024 ນີ້ບອກເລີຍຕື່ນຕາຕື່ນໃຈຢ່າງແນ່ນອນ.
ພ້ອມນີ້ກໍຍັງມີ SAIYMAI ສາຍໄໝ ເປັນອີກໜຶ່ງແບຣນ ແລະ ໜຶ່ງໃນ 5 ດີໄຊເນີ້ ທີ່ເຂົ້າຮ່ວມງານເດີນແບບວັນວາເລັນທາຍ ລັນເວ 2024 ແນ່ນອນວ່າລະດັບ ສາຍໄຫມ ຕ້ອງຈັດເຕັມບໍ່ທຳມະດາຢູ່ແລ້ວຢ່າງແນ່ນອນ ເພາະຕ້ອງມີແຕ່ຕົວທ໋ອບຂອງເຈົ້າແມ່ນາງແບບເບີຕົ້ນໆຂອງລາວແນ່ນອນ ທີ່ຂົນມາປະຊັນໃນເວທີແລກແຮກໝານຂອງປີຢູ່ແລ້ວ ເຊິ່ງກໍ່ໄດ້ເຜີຍໂສມໜ້າຕາຂອງນາງແບບທັງ 11 ຄົນອອກມາເປັນທີ່ຮຽບຮ້ອຍ ງານນີ້ລັນເວຕ້ອງລຸກເປັນໄຟຢ່າງແນ່ນອນ.
ຍັງບໍພໍເທົ່ານັ້ນ 12 ນາງແບບ ຂອງ KHAMPOUN ດີກີບໍ່ທຳມະດາ ປາໂທ່…ຄືວ່າຈະເຮັດໃຫ້ລັນເວລຸກຮ້ອນເປັນໄຟຕັ້ງແຕ່ຕົ້ນປີແທ້ ເຊິ່ງບັນດາດີໄຊເນີ້ທີ່ເຂົ້າຮ່ວມໂປເຈັກໃຫຍ່ນີ້ ຕ່າງກໍໄດ້ຂົນທັບນາງແບບມາປະຊັນກັນແບບຄົບທຸກສາຍກັນເລີຍ ບໍ່ວ່າຈະເປັນນາງແບບມືອາຊີບ ນາງງາມຈາກເວທີຕ່າງໆທີ່ວາງມົງກຸດມາໃສ່ຊຸດເດີນແບບ ຫຼ້າສຸດດີໄຊເນີ້ ທີ່ມີຊື່ສຽງໃນວົງການແຟຊັນອ້າຍ ຄໍາປຸນ ກໍໄດ້ເປີດໂຕນາງແບບ 12 ນາງແບບອອກມາໃຫ້ເຫັນ ເບິ່ງຜູ້ໃດດີກີບໍ່ທຳມະດາຜ່ານມາຫຼາຍເວທີອີກດ້ວຍ.
ແລະ ANIVONE ອານີວອນ ເປັນອີກແບຣນເສື້ອໜຶ່ງ ທີເປີດເຜີຍຮູບໂສມນາງແບບ ທັງ 11 ຄົນ ອອກມາແລ້ວ ສຳລັບແບຣນເສື້ອຜ້າດັງລະດັບຕົ້ນໆຂອງປະເທດ ກັບ ແບຣນ ອານີວອນ ຂອງເອື້ອຍອານີວອນ ທີ່ຈະເຂົ້າຮ່ວມໃນງານເດີນແບບໂປຣເຈັກໃຫຍ່ ຂອງຕົ້ນປີ 2024 ສຳລັບງານເດີນແບບແຟຊັນ ວັນວາເລັນທາຍ ລັນເວ ນີ້ ໄດ້ຮວບຮວມເອົາດີໄຊເນີສີມືດີເຖິງ 5 ທ່ານມາຮ່ວມງານ ແລະ ໃຊ້ນາງແບບເກືອບ 60 ຊີວິດມາຮ່ວມປະຊັນເດີນເທິງລັນເວ ງານນີ້ມີ ຄວາມຄືບໜ້າແນວໃດຂ່າວບັນເທີງຈະເກັບພາບມາຝາກຢ່າງແນ່ນອນ.
ງານນີ້ງານໃຫຍ່ຕົ້ນປີ ເລີ່ມຕົ້ນດ້ວຍງານແຟຊັນໂຊທີ່ຮວບຮວມດ້ວຍຄວາມຮັກແພງຂອງທຸກຝ່າຍ ຈຶ່ງກໍ່ເກີດງານ Z FASHION SHOW 2024 ” VALENTINE’S DAY “. ໄດ້ສາວນ້ອຍສຸດງາມໜ້າຮັກຄົນເກັ່ງ ອາລີດສະເບດໂຟກາດ ຫລື ລີຊີ່ ແຊັດ Lizzyz Lao ຊື້ນແທ່ນເປັນນາງແບບ ເປັນແບຣນ Ambassador ຂອງງານໃນຄັ້ງນີ້ ເຊິ່ງຕອນນີ້ຂຶ້ນບິວບອດ ໂປໂຫມດງານຢ່າງຍິ່ງໃຫຍ່ແລ້ວ ພ້ອມຍົກທັບ ບັນດາດົນດັງ ນາງງາມນາງແບບນັກສະແດງດາຣາໃນວົງການມາຮ່ວມງານໃນຄັ້ງນີ້ຢ່າງຄັບຄາໜາແໜ້ນ ພົບກັນວັນທີ 10 ກຸມພາ ປີ 2024 ນີ້.