ໃນທ້າຍເດືອນພຶດສະພາ 2023 ທີ່ຜ່ານມາ ເພື່ອເປັນການປະກອບສ່ວນຊຸກຍູ້ສົ່ງເສີມການຜະລິດເຂົ້ານາປີໃນລະດູຝົນນີ້ຂະແໜງຄຸ້ມຄອງ ແລະ ພັດທະນາທີ່ດິນກະສິກຳ ນະຄອນຫຼວງວຽງຈັນ (ຂຄພດກ.ນວ) ໄດ້ສົມທົບກັບຫຼາຍພາກສ່ວນທີ່ກ່ຽວຂ້ອງ ຈັດຂະບວນການໄຖປົກຕໍເຟືອງ ແລະ ຫວ່ານຝຸ່ນໃສ່ນາເຂົ້າ ເພື່ອປັບປຸງບໍາລຸງດິນ ຢູ່ເມືອງໄຊທານີ ນະຄອນຫຼວງວຽງຈັນ.
ໃນນີ້, ໄດ້ມີການປະກອບສ່ວນຝຸ່ນຊີວະພາບຈາກ ບໍລິສັດ ໄກອາ ວີຕ້າ Gaia Vita Laos ເພື່ອນໍາໃຊ້ເຂົ້າໃນຂະບວນການດັ່ງກ່າວ.
ການໄຖກົບຕໍເຟືອງເປັນກິດຈະກໍາທີ່ຂະແໜງຄຸ້ມຄອງ ແລະພັດທະນາທີ່ດິນນະຄອນຫຼວງເຮັດເປັນປະຈຳ ວິທີການນີ້ຈະຊ່ວຍປັບປຸງໂຄງສ້າງຂອງດິນ, ຊ່ວຍສະສົມອາຫານໃນດິນ ແລະເພີ່ມຈຸລິນຊີທີ່ເປັນປະໂຫຍດໃນດິນ.
