ສຳນັກຂ່າວ ABC ລາຍງານໃນວັນທີ 27 ກັນຍາ 2021 ວ່າ ທ່ານ ອັລເບີດ ເບີຣ໌ລາ ປະທານບໍລິສັດຟາຍເຊີ (Pfizer) ກ່າວວ່າ: ໂລກຈະກັບມາໃຊ້ຊີວິດໄດ້ຕາມປົກະຕິພາຍໃນ 1 ປີ ແລະ ມີທ່າອ່ຽງວ່າ ໃນອະນາຄົດ ວັກຊີນປ້ອງກັນໂຄວິດ-19 ຈະກາຍເປັນວັກຊີນປະຈຳປີທີ່ທຸກຄົນຕ້ອງໄດ້ສັກຊ້ຳອີກ ເພື່ອປ້ອງກັນພະຍາດໂຄວິດ-19.
ທ່ານ ເບີຣ໌ລາ ກ່າວວ່າ: ຂ້ອຍຄິດວ່າ ພວກເຮົາຈະກັບມາໃຊ້ຊີວິດໄດ້ຕາມປົກກະຕິ ແຕ່ກໍບໍ່ໄດ້ໝາຍຄວາມວ່າ ເຊື້ອພະຍາດໂຄວິດ-19 ຈະຫາຍໄປໃນໂລກນີ້, ດັ່ງນັ້ນ ການສັກວັກຊີນປ້ອງກັນປະຈຳທຸກປີຈຶ່ງມີຄວາມເປັນໄປໄດ້ສູງ ເນື່ອງຈາກເຊື້ອໄວຣັສແຜ່ກະຈາຍໄປທົ່ວໂລກ ແລະ ພວກເຮົາຍັງເຫັນສາຍພັນໃໝ່ທີ່ກຳລັງເພີ່ມຂຶ້ນມາອີກ, ດັ່ງນັ້ນການສັກວັກຊີນທຸກໆປີ ຈຶ່ງມີຄວາມຈຳເປັນ ແຕ່ພວກເຮົາຕ້ອງລໍຖ້າເບິ່ງຂໍ້ມູນຕໍ່ໄປ.
