ມະຫະກໍາກີລາ ພາຣາແລມປິກ 2020 ທີ່ປະເທດຍີ່ປຸ່ນ ປິດສາກລົງຢ່າງເປັນທາງການ ເມື່ອວັນທີ 5 ກັນຍາ 2021 ເຊິ່ງມີພິທີປິດຢ່າງເປັນການທາງ ແລະ ເປັນ ສປ ຈີນ ທີ່ຍັງໂດດເດັ່ນຄອງເຂົ້າຫຼຽນຄໍາ ເປັນສະໄໝທີ 5 ຊ້ອນ.
ພິທີປິດການແຂ່ງຂັນ ພາຣາແລມປິກ 2020 ຈັດຂຶ້ນທີ່ສະໜາມ ໂອແລມປິກ ສະເຕດ້ຽມ ໂດຍເຈົ້າພາບ ຍີ່ປຸ່ນ ມີການສະແດງແບບຮຽບງ່າຍ ແລະ ປະທັບໃຈ ແນ່ນອນໃນພິທີຍັງໄດ້ມີການສົ່ງມອບທຸ່ງໃຫ້ກັບ ທ່ານ ແອນດຣູ ພາສັນສ໌ ປະທານຄະນະກໍາມະການ ພາຣາແລມປິກສາກົນ ( IPC ) ກ່ອນຈະສົ່ງຕໍ່ໃຫ້ກັບ ທ່ານ ນາງ ແອນນ໌ ຮິດັລໂກ ( Anne Hidalgo ) ເຈົ້າຄອງນະຄອນຫຼວງປາຣີ ປະເທດຝຣັ່ງ ເຈົ້າພາບ ພາຣາແລມປິກ 2024 ໃນປີກ 3 ປີຂ້າງໜ້າ.
ສໍາລັບ ເຈົ້າຫຼຽນຄໍາເປັນຂອງ ສປ ຈີນ ກວາດໄປເຖິງ 96 ຫຼຽນຄໍາ, 60 ຫຼຽນເງິນ ແລະ 51 ຫຼຽນທອງ ແລະ ເປັນເຈົ້າຫຼຽນຄໍາ ພາຣາແລມປິກ 5 ສະໄໝຊ້ອນ; ອັນດັບ 2 ສະຫະຣາຊາອະນາຈັກ ກວາດໄປ 41 ຫຼຽນທອງ, 38 ຫຼຽນເງິນ ແລະ 45 ຫຼຽນທອງ; ອັນດັບ 3 ສະຫະລັດອາເມຣິກາ 37 ຫຼຽນຄໍາ, 36 ຫຼຽນເງິນ ແລະ 31 ຫຼຽນທອງ.
ຂະນະທີ່ ເຈົ້າພາບ ຍີ່ປຸ່ນ ຢູ່ອັນດັບທີ 11 ຂອງຕາຕະລາງຄະແນນສະຫຼຸບຫຼຽນຈາກການມີ 13 ຫຼຽນຄໍາ, 15 ຫຼຽນເງິນ ແລະ 23 ຫຼຽນທອງ.
ຮູບຈາກ: AP