ລູກາ ດອນຊິຊ ນັກກີລາບານບ້ວງຈາກສະໂລວິເນຍ ສ້າງສະຖິຕິທຽບເທົ່າຄະແນນສູງສຸດອັນດັບ 2 ໃນການແຂ່ງຂັນບານບ້ວງຊາຍປະຈໍາງານມະຫາກໍາກີລາ ໂອແລມປິກ 2020 ໃນນັດທີ່ພາທີມຊາດສະໂລວິເນຍ ເອົາຊະນະ ອາກຊັງຕິນ 118-100 ເມື່ອວັນທີ 26 ກໍລະກົດ 2021.
ສະຖິຕິດັ່ງກ່າວຂອງ ດອນຊິຊ ທຽບເທົ່ນກັບສະຖິຕິສູງສຸດອັດນັບ 2 ຂອງ ເອັດດີ ປາລູບິນສະກັສ ທີ່ເຮັດໄດ້ 48 ຄະແນນເທົ່າກັນໃນປີ 1976 ເຊິ່ງຕາມຫຼັງສະຖິຕິສູງສຸດປະຈໍາໂອແລມປິກຂອງ ອອສກາ ຊະມິດ ຕໍານານນັກນບານບ້ວງຊາວບຣາຊິນ ທີ່ເຮັດໄວ້ 55 ຄະແນນພາຍໃນນັດດຽວໃນປີ 1988.
ສໍາລັບ ດອນຊິຊ ປັດຈຸບັນອາຍຸ 22 ປີຍັງມີໂອກາດ ເພື່ອທໍາລາຍສະຖິຕິ ແລະ ສ້າງຜົນງານໂດດເດັ່ນໃນວົງການບານບ້ວງເອັນບີເອ ( NBA ) ມາແລ້ວກ່າວວ່າ: “ ຂ້ອຍບໍ່ສົນໃຈເລື່ອງສະຖິຕິ, ພວກເຮົາຊະນະ ແລະ ນັ້ນຄືເປົ້າໝາຍທີ່ພວກເຮົາມາທີ່ນີ້ ”.
ຮູບຈາກ: AP